ចូលចិត្តទំនើប

Karma Grip សម្រាប់ GoPro ធ្វើឱ្យដំណើរផ្សងព្រេងកាន់តែរំភើប

ដោយ: ដួងច័ន្ទ 8 AM, Saturday, 05 Jan, 2019

មកទល់ពេលនេះ យើងទាំងអស់គ្នាធ្លាប់បានឃើញវីដេអូគ្មានលំនឹងជាច្រើនថតចេញពីកាមេរ៉ា GoPro។ ហើយខណៈពេលដែលប្រព័ន្ធលំនឹងអេឡិចត្រូនិចសម្រាប់រូបភាពនៅក្នុងកាមេរ៉ា Hero5 អាចជួយបានខ្លះ វានៅតែមិនអាចប្រៀបធៀបនឹងលទ្ធផលដែលទទួលបានពីផលិតផលជំនួយ Karma Grip បានទេ។
Grip គឺជាឧបករណ៍ទប់លំនឹងកាមេរ៉ា ដែលត្រូវបានប្រើប្រាស់នៅលើ Karma Drone បន្ថែមជាមួយដងកាន់ ប្រើប្រាស់ថាមពលថ្ម ដែលភ្ជាប់ជាមួយគ្នាជាបង្គំ ជាមួយ Drone។ នាពេលនេះ អ្នកអាចទិញតែ Karma Grip ដាច់ដោយឡែក សម្រាប់ការថតរូបនៅលើដីបាន នៅក្នុងតម្លៃ $300។

ឧបករណ៍ទប់លំនឹងអាចប្រើប្រាស់បានជាមួយកាមេរ៉ា Hero5 Black ដោយវាធ្វើការភ្ជាប់ដោយផ្ទាល់ទៅកាន់កាមេរ៉ាតាមរយៈរន្ធដោត USB-C និង Micro-HDMI នៅផ្នែកចំហៀងរបស់វា។ ការរួមបញ្ចូលគ្នានៃឧបករណ៍ទប់លំនឹង និងកាមេរ៉ា ផ្តល់ឱ្យអ្នកទាំងការបញ្ជារ និងកម្លាំងចេញពីដង កាន់។
នៅលើដងកាន់ មានប៊ូតុងសម្រាប់បើកដំណើរការ និងសម្រាប់ការផ្លាស់ប្តូរមុខងារថត បន្ថែមជាមួយ Highlight Tags សម្រាប់វីដេអូ មុខងារចាប់ផ្តើម និងបញ្ឈប់ការថត ក៏ដូចជាប៊ូតុង Tilt-Lock ដែលបង្ហាញប្រាប់អ្នកពីថាមពលថ្មផងដែរ។
ជាទូទៅ កាមេរ៉ារក្សាបាននូវទម្រង់ចង្អុលទៅមុខ ដោយមិនគិតពីការកាន់ដងកាន់របៀបណាទេ ប៉ុន្តែការចុចលើ Tilt-Lock អនុញ្ញាតឱ្យអ្នកផ្តោតកាមេរ៉ានៅលើ ឬក្រោមខ្សែផ្តេក និងរក្សាកាមេរ៉ាឱ្យនៅនឹងនៅលើមុំនោះ។ ការចុចពីរដងនៅលើប៊ូតុងនេះ នឹងដោះសោរកាមេរ៉ា ឱ្យវាដើរតាមវត្ថុដែលអ្នកចង់ថត ដូច្នេះអ្នកអាចធ្វើចលនាជុំវិញនរណាម្នាក់ ខណៈដែលអ្នកនៅតែអាចឱ្យបុគ្គលនោះស្ថិតនៅក្នុងស៊ុមនៃការថតរបស់អ្នក។
Grip មិនអាចបញ្ឈរដោយឯកឯងទេ ហើយវាក៏គ្មាន Tripod សម្រាប់ភ្ជាប់ជាមួយដែរ។ ជំនួសវិញ GoPro បន្ថែមកងភ្ជាប់ ដែលអាចស៊កចូលទៅក្នុងចន្លោះដងកាន់ និងកន្លែងទប់លំនឹង។ កងលោហៈធាតុនេះអាចភ្ជាប់ទៅគ្រប់ទំពក់របស់ GoPro ឬទំពក់នានា ដែលប្រើប្រាស់ឧបករណ៍ភ្ជាប់របស់ GoPro។

ដើម្បីបំពេញមុខងារកាន់តែប្រសើរ GoPro នឹងត្រូវពន្លាតខ្សែ ដែលភ្ជាប់រវាងឧបករណ៍ទប់លំនឹង និងដងកាន់។ វិធីនេះ អ្នកនឹងមានលទ្ធភាពថ្ពក់ឧបករណ៍ទប់លំនឹងលើមួកសុវត្ថិភាព ខណៈពេលថ្ពក់ដងកាន់ទៅនឹងខ្លួនប្រាណ ឬកាបូបស្ពាយរបស់អ្នក ដើម្បីទទួលបានថាមពល និងការបញ្ជារ។

Grip ត្រូវបានបំពាក់ជាមួយថ្ម ដែលអាចបញ្ចូលថាមពលជាថ្មីបាន ហើយថាមពលថ្មនោះអាចប្រើប្រាស់បានរយៈពេល 1 ម៉ោងនិង 45 នាទី និងត្រូវការរយៈពេល 6 ម៉ោងដើម្បីបញ្ចូលថាមពលឡើងវិញ ជាមួយឧបករណ៍សាកថ្មកម្លាំង 1-amp។ វាជារយៈពេលដ៏យូរ ប៉ុន្តែ GoPro បានផ្តល់នូវឧបករណ៍សាកថ្មល្បឿនលឿន ដែលសន្យាថានឹងអាចកាត់បន្ថយពេលមកនៅត្រឹម 2 ម៉ោង។ រន្ធដោត USB-C ត្រូវបានប្រើប្រាស់សម្រាប់ការបញ្ចូលថាមពលដល់ Grip និងកាមេរ៉ា ប៉ុន្តែក៏អាចប្រើប្រាស់សម្រាប់បញ្ជូនរូបភាព ដោយពុំចាំបាច់ដកកាមេរ៉ាចេញផងដែរ។
ប្រព័ន្ធទប់លំនឹងរូបភាពអេឡិចត្រូនិច អាចជួយក្នុងការទប់លំនឹងនៅពេលថតរូប ប៉ុន្តែអ្នកត្រូវទម្លាក់ Resolution យ៉ាងហោចណាស់ត្រឹម 2.7K និងត្រូវធ្វើការថតក្នុងល្បឿនមិនលើសពី 60 Frame ក្នុងមួយវិនាទីទេ។ ប៉ុន្តែជាមួយ Karma Grip អ្នកអាចកំណត់ Resolution និង Frame Rate បានតាមចិត្ត។

ឧបករណ៍ទប់លំនឹងពោរពេញដោយសមត្ថភាពខ្ពស់ដូចជា Karma Grip ផ្តល់នូវលទ្ធផលខុសគ្នាយ៉ាងខ្លាំងនៅក្នុងរូបភាពវីដេអូរបស់អ្នក ហើយវាធ្វើឱ្យកាមេរ៉ា GoPro ប្រើប្រាស់បានកាន់តែប្រសើរ ដោយមិនគិតពីអ្វីដែលអ្នកនឹងថតនោះទេ៕

ប្រភព: cnet ផ្នែក: បច្ចេកវិទ្យា, កាម៉េរ៉ា

អត្ថបទអ្នកចង់អាន

Google បញ្ជាក់ថានឹងមិនចេញលក់ Smartwatch ថ្មីទេ

ដោយ: ដួងច័ន្ទ 8 AM, Wednesday, 05 Sep, 2018

ព័ត៌មានចចាមអារ៉ាមអស់ពេលជាយូរ បានផ្តោតលើការរៀបចំបញ្ចេញលក់ Smartwatch ថ្មី ពីក្រុមហ៊ុន Google ក្នុងឆ្នាំ 2018។ ប៉ុន្តែព័ត៌មានទាំងនោះមិនមានអាចក្លាយជាក...

iPhone ណាខ្លះអត់មាន iOS 13?

ដោយ: ដួងច័ន្ទ 8 AM, Thursday, 13 Jun, 2019

នេះជាដំណឹងអាក្រក់មួយ បើសិនជាអ្នកកំពុងបន្តប្រើប្រាស់ទូរសព្ទ iPhone 5S, iPhone 6 ឬ iPhone 6 Plus ហើយរំពឹងថានឹងអាចតំឡើងប្រព័ន្ធប្រតិបត្តិការថ្មី iOS 1...

ដំណឹងល្អ! ឥឡូវនេះ Instagram កំពុងប្រើ AI ដើម្បីពិពណ៌នារូបថតសម្រាប់អ្នកប្រើប្រាស់ពិការភ្នែក

ដោយ: ភារុន 9 AM, Monday, 31 Dec, 2018

កាលពីថ្ងៃទី 27 ខែវិចិ្ឆកា កន្លងទៅនេះ ក្រុមហ៊ុន Instagram បានប្រកាសអំពី លក្ខណៈពិសេសថ្មីមួយ ដែលនឹងធ្វើឱ្យអ្នកពិការភ្នែកមានភាពងាយស្រួល ក្នុងការចូលរួមល...

កំហុសទាំង 7 ត្រូវបង្ការក្នុងការបើកបររថយន្តលេខអូតូ

ដោយ: ដួងច័ន្ទ 9 AM, Friday, 10 Aug, 2018

ទោះបីជារថយន្តប្រើប្រាស់លេខអូតូ ផ្តល់នូវការបើកបរដោយសុវត្ថិភាពយ៉ាងណាក្តី អ្នកត្រូវជៀសវាងប្រការមួយចំនួននៅពេលធ្វើការបញ្ជារចង្កូតរថយន្ត។ នៅក្នុងអត្ថបទខ...

Tomnerb.Com - YouTube Channel