ចូលចិត្តទំនើប

Google មានផែនការផលិតអ្វីខ្លះ ក្នុងឆ្នាំនេះ?

ដោយ: ដួងច័ន្ទ 9 AM, Saturday, 16 Feb, 2019

បើសិនជាក្រុមហ៊ុន Google បានណែនាំផលិតផល Hardware ជាច្រើនកាលពីឆ្នាំ 2018 ក្រុមហ៊ុនប្រហែលជាជួបប្រទះនឹងបញ្ហាធ្លាក់ចុះនៃការលក់យ៉ាងពិតប្រាកដនៅក្នុងឆ្នាំ 2019 នេះ។ ប្រភពចេញពីគេហទំព័រ Nikkei បានអះអាងថាមានព័ត៌មានលម្អិតស្តីពីគម្រោងផែនការរបស់ក្រុមហ៊ុន Google សម្រាប់ឆ្នាំនេះ ដែលរួមមានផែនការផលិតមួយចំនួនផងដែរ។
ជាការចាប់ផ្តើម ប្រភពផ្ទៃក្នុងរបស់ក្រុមហ៊ុន Google ទំនងដូចជាបញ្ជាក់អះអាងអំពីពាក្យចចាមអារាម នៃផលិតផលទូរសព្ទម៉ូដែល Pixel តម្លៃទាប។

ប្រភពព័ត៌មានមិនបានរៀបរាប់អំពីព័ត៌មានលម្អិតទេ ប៉ុន្តែបានបង្ហើបថា ទូរសព្ទ Pixel តម្លៃទាប នឹងចេញលក់ក្នុងតម្លៃទាបជាង $749 ដែលនេះជាតម្លៃរបស់ទូរសព្ទ iPhone XR។ ព័ត៌មានចចាមអារាមទាំងនោះបានចង្អុលបង្ហាញពីឧបករណ៍ខ្នាតកណ្តាល និងខ្នាតធំ ជាមួយអេក្រង់ 1080p LCD បំពាក់ជាមួយប្រព័ន្ធប្រតិបត្តិការ Snapdragon 670 មានឃ្លាំងផ្ទុកទិន្នន័យទំហំ 32GB មានកាមេរ៉ាក្រោយទំហំ 12 megapixel និងកាមេរ៉ាមុខមួយគ្រាប់។
អ្វីដែលកាន់តែពិសេសគឺ នៅក្នុងនោះក៏មានការលើកឡើងថា ក្រុមហ៊ុន Google នឹងផលិត នាឡិកា Smartwatch។

នេះជាលើកដំបូងដែលក្រុមហ៊ុននេះនឹងបញ្ចេញលក់ផលិតផលនាឡិកាដៃផ្ទាល់ខ្លួន ជំនួសឱ្យការសហការជាមួយក្រុមហ៊ុនជាដៃគូ ដូចជាក្រុមហ៊ុន LG ជាដើម។ នៅក្នុងព័ត៌មានបែកធ្លាយនេះ ព័ត៌មានលម្អិតអំពីផលិតផលថ្មីនេះមានកាន់តែតិច ប៉ុន្តែវាអាចពន្យល់អំពីហេតុផលដែលក្រុមហ៊ុន Google ទិញយកបច្ចេកវិទ្យា Smartwatch មួយចំនួនពី Fossil។

ព័ត៌មានបន្ថែមផ្សេងទៀត បាននិយាយអំពី Updated Version របស់ផលិតផល Home Speaker ផលិតផលកាមេរ៉ាសុវត្ថិភាពថ្មីមួយ និងការកែលម្អថ្មីសម្រាប់ផលិតផលទូរសព្ទ Pixel លំដាប់ខ្ពស់។

គេហទំព័រ Nikkei មិនបាននិយាយថាតើពេលណាផលិតផលដែលមានរៀបរាប់ទាំងអស់នេះនឹងត្រូវបញ្ចេញលក់នោះទេ។ ក្រុមហ៊ុន Google មានប្រវត្តិបញ្ចេញឧបករណ៍ភាគច្រើនដែលផលិតដោយក្រុមហ៊ុនផ្ទាល់ នៅក្នុងព្រឹត្តិការណ៍ផ្សព្វផ្សាយនៅក្នុងខែតុលា ប៉ុន្តែវាមិនមែនជាកាតព្វកិច្ចចាំបាច់ក្នុងការបញ្ចេញលក់ផលិតផលគ្រប់យ៉ាងក្នុងពេលតែមួយទេ។ ឧទាហរណ៍ ក្រុមហ៊ុន Google អាចនឹងបញ្ចេញផលិតផលទូរសព្ទតម្លៃទាបលឿនជាងគេ។

មិនថាក្នុងករណីណាទេ យើងអាចសន្មត់ថាក្រុមការងារផលិតរបស់ក្រុមហ៊ុន Google នឹងមានភាពមមាញឹកច្រើននៅក្នុងឆ្នាំនេះ៕

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

Laptop ថ្មីពី Alienware កាន់តែស្តើង កាន់តែខ្លាំង

ដោយ: ដួងច័ន្ទ 8 AM, Wednesday, 05 Jun, 2019

កាលពីដើមឆ្នាំនេះ នៅក្នុងព្រឹត្តិការណ៍ CES ក្រុមហ៊ុន Alienware បានប្រកាសថាម៉ូដែល Area-51m ដែលជាផលិតផល Gaming Laptop ចុងក្រោយបង្អស់របស់ក្រុមហ៊ុន ដែលម...

របស់ ១១ យ៉ាង ដែលចោរពេញនិយម ពេលអ្នកចតឡាន

ដោយ: ស. លីង 7 PM, Saturday, 10 Jun, 2017

ម្ចាស់រថយន្តភាគច្រើនជឿជាក់ថា ការចតរថយន្តនៅក្នុងចំណតផ្សារ ចំណតសណ្ឋាគារ ចំណតភោជនីយដ្ឋាន ដែលមានអ្នកយាម គឺមានសុវត្ថិភាពចំពោះរថយន្ត និងសម្ភារក្នុងនោះមួយ...

កាមេរ៉ា Canon ថ្មី ល្អខ្លាំងប៉ុណ្ណា?

ដោយ: ដួងច័ន្ទ 8 AM, Thursday, 28 Feb, 2019

ក្រុមហ៊ុន Canon បានធ្វើការប្រកាសជាផ្លូវការអំពីផលិតផលកាមេរ៉ាម៉ូដែល EOS RP ជាផលិតផលកាមេរ៉ា Full-Frame Mirrorless ទីពីររបស់ក្រុមហ៊ុនដែលនឹងចូលរួមជាមួយក...

កាសស្តាប់ AirPods នៅតែល្អជាងគេ

ដោយ: ដួងច័ន្ទ 8 AM, Saturday, 06 Apr, 2019

តើអ្នកមានចាំទេ កាសស្តាប់ AirPods ធ្លាប់ត្រូវបានមនុស្សជាច្រើនសើចចំអក ដោយសារតែរូបរាងដ៏ចម្លែកខុសពីគេរបស់វា។ ប៉ុន្តែផលិតផលកាសស្តាប់នេះទទួលបានប្រជាប្រិយ...

Tomnerb.Com - YouTube Channel