ចូលចិត្តទំនើប

Google Maps មានមុខងារ បង្ហាញសញ្ញាកំណត់ល្បឿន

ដោយ: ដួងច័ន្ទ 8 AM, Thursday, 24 Jan, 2019

កម្មវិធី Google Maps បាននឹងកំពុងដំណើរការមុខងារបង្ហាញសញ្ញាកំណត់ល្បឿនបើកបរ សម្រាប់អ្នកប្រើប្រាស់ក្នុងវិសាលភាពកាន់តែទូលំទូលាយនៅក្នុងសហរដ្ឋអាមេរិក។ យោងតាមគេហទំព័រ Android Police បានឱ្យដឹងថា បន្ទាប់ពីការដាក់ឱ្យប្រើប្រាស់មុខងារថ្មីនៅក្នុងតំបន់ San Francisco Bay Area និងនៅក្នុងទីក្រុង Rio ប្រទេសប្រេស៊ីលរួចមក មុខងារថ្មីនេះពេលនេះត្រូវបានឃើញបង្ហាញវត្តមាននៅក្នុងទីក្រុងញូយ៉ក Los Angeles និង Minnesota។

យើងមិនទាន់ច្បាស់ថា តើនេះជាផ្នែកមាននៃការដាក់ឱ្យប្រើប្រាស់មុខងារថ្មីក្នុងទ្រង់ទ្រាយធំឬអត់ទេ ព្រោះយើងនៅរងចាំការបញ្ជាក់ជាផ្លូវការ និងព័ត៌មានលម្អិតនានាពីក្រុមហ៊ុន Google សិន។ សម្រាប់អ្នកដែលអាចប្រើប្រាស់មុខងារថ្មីនេះបានហើយនោះ នឹងបានឃើញរូបសញ្ញាថ្មីមួយ មានរូបរាងស្រដៀងនឹងសញ្ញាកំណត់ល្បឿនចរាចរណ៍នៅលើដងផ្លូវ លេចឡើងនៅផ្នែកខាងក្រោម ជ្រុងខាងឆ្វេង លើផ្ទៃអេក្រង់របស់កម្មវិធីនេះផ្ទាល់។
ទោះបីកម្មវិធី Google Maps មិនមានកង្វះខាតមុខងារសំខាន់ៗក្តី ប៉ុន្តែសម្រាប់មុខងារកំណត់ល្បឿនចរាចរណ៍នេះ គឺជាមុខងារមួយដែលទំនងដូចជាបង្ហាញថា Google Maps កំពុងដើរតាមក្រោយជំហានរបស់ដៃគូប្រជែង ឧទាហរណ៍ដូចជាកម្មវិធី Apple Maps ជាដើម។ កម្មវិធី Waze ដែលក្រុមហ៊ុន Google បានទិញយកក្នុងតម្លៃ 966 លានដុល្លារអាមេរិកកាលពីឆ្នាំ 2013 ក៏មានប្រើប្រាស់មុខងារនេះរយៈពេលជាច្រើនឆ្នាំមកហើយដែរ។

នៅពេលការ Update លេចឡើងនៅក្នុង Android Auto កាលពីឆ្នាំ 2017 ក្រុមហ៊ុន Google បានបរិយាយថាកម្មវិធីថ្មីនេះ អាចនឹងត្រូវបានបញ្ចេញឱ្យប្រើប្រាស់នៅតាមតំបន់នានាជាច្រើនទៀតនៅក្នុងពេលឆាប់ៗនេះ។ ប៉ុន្តែយើងហាក់ដូចជាទទួលបានព័ត៌មានតិចតួចណាស់ចាប់តាំងពីពេលនោះមក ទោះបីជាកម្មវិធី Google Maps ទទួលបានការ Update ថ្មីៗជាច្រើនដងក្តី ក្នុងនោះរួមបញ្ចូលទាំងការសាកល្បងមុខងារ Speed Traps កាលពីខែវិច្ឆិកាកន្លងទៅ។

យើងអាចសន្មត់ថាការពន្យាពេលដាក់ដំណើរការមុខងារថ្មីនេះ អាចដោយសារតែក្រុមហ៊ុន Google រងចាំការធានាច្បាស់លាស់ និងត្រឹមត្រូវពីទិន្នន័យកំណត់ល្បឿនចរាចរណ៍សម្រាប់តំបន់នីមួយៗ ដោយសារក្រុមហ៊ុនមិនចង់រងការស្តីបន្ទោសពីអតិថិជនរបស់ខ្លួន សម្រាប់ការផាកពិន័យលើការល្មើសល្បឿនចរាចរណ៍ ដោយសារការផ្តល់ព័ត៌មានមិនត្រឹមត្រូវ។

ព័ត៌មានធ្វើបច្ចុប្បន្នភាពចុងក្រោយ ដែលគេហទំព័រ Engadget ទទួលបានបញ្ជាក់ថាការ Update មុខងារកំណត់ល្បឿនចរាចរណ៍ថ្មីនឹងត្រូវបញ្ចេញឱ្យប្រើប្រាស់សម្រាប់អ្នកប្រើប្រាស់ប្រព័ន្ធ iPhone និង Android នៅទូទាំងសហរដ្ឋអាមេរិក ចក្រភពអង់គ្លេស និងប្រទេសដាណឺម៉ាកហើយ៕

អត្ថបទអ្នកចង់អាន

កម្មវិធីកម្ចាត់មេរោគដ៏ល្អបំផុត សម្រាប់ស្មាតហ្វូន ប្រើប្រាស់ប្រព័ន្ធប្រតិបត្តិការ Android

ដោយ: ភារុន 8 AM, Tuesday, 12 Feb, 2019

ក្រៅពីការលេងហ្គេម និងមើលភាពយន្ត ការរុករកព័ត៌មាននានា នៅលើអ៊ីនធឺណិត ក៏ជាភាពទាក់ទាញមួយផ្សេងទៀត ដែលត្រូវបានបង្កើតឱ្យមាននៅក្នុង ស្មាតហ្វូនប្រើប្រាស់ប្រព...

វិធីសាស្រ្តព្រីនចេញពី Chromebook

ដោយ: ដួងច័ន្ទ 8 AM, Wednesday, 24 Apr, 2019

ខណៈដែល Chromebook របស់ Google សុទ្ធតែពាក់ព័ន្ធនឹងសេវាកម្ម Online ពេលខ្លះអ្នកត្រូវការវិធីសាស្រ្ត Printout បែបចាស់ដ៏ល្អមួយ ដើម្បីអមជាមួយដំណើរការការងា...

ជម្រើសកាមេរ៉ាសម្រាប់ Live វីដេអូ

ដោយ: ដួងច័ន្ទ 9 AM, Monday, 18 Feb, 2019

បច្ចុប្បន្ននេះនៅក្នុងប្រទេសកម្ពុជាយើង ការប្រើប្រាស់បណ្តាញទំនាក់ទំនងសង្គមដូចជា Facebook ជាដើម សម្រាប់ការធ្វើអាជីវកម្ម ជាពិសេសអ្នកលក់ទំនិញអនឡាញមានសន្...

ជើងទម្រ សម្រាប់សាកថ្មទូរសព្ទទាំង ១០ ប្រភេទ ដ៏ទាន់សម័យ

ដោយ: ដួងច័ន្ទ 7 PM, Thursday, 16 Mar, 2017

បើសិនជាអ្នកបានឃើញ ទូរសព្ទរបស់អ្នកបង្ហាញថា ថាមពលថ្មនៅសល់តែ ១០ភាគរយទៀត តម្រូវឱ្យអ្នកបញ្ចូលថ្មជាបន្ទាន់ ប៉ុន្តែអ្នកមិនមានឧបករណ៍សាកថ្ម នៅក្បែរខ្លួន។ នេ...

Tomnerb.Com - YouTube Channel