ចូលចិត្តទំនើប

Google Maps អាចប្រាប់ពីល្បឿនបើកបររបស់អ្នក

ដោយ: ដួងច័ន្ទ 8 AM, Thursday, 13 Jun, 2019

ក្រុមហ៊ុន Google ស្ងាត់ៗបានបន្ថែមមុខងារវាស់ស្ទង់ល្បឿននៃការបើកបរបន្តផ្ទាល់មួយ នៅក្នុងកម្មវិធី Google Maps ដែលអនុញ្ញាតឱ្យអ្នកអាចតាមដានល្បឿននៃការបើកបរយានយន្តរបស់អ្នក ព្រមជាមួយការកំណត់ល្បឿនបើកបរនៅក្នុងតំបន់ផងដែរ។

គេហទំព័រ Android Police បានរាយការណ៍ថា មុខងារថ្មីនេះអាចបើក ឬបិទដំណើរការចេញពីក្នុង Navigation Setting នៅក្នុង Setting របស់ App ផ្ទាល់ ដែលវានឹងបង្ហាញនៅលើផ្ទៃអេក្រង់ត្រង់ចំណុចខាងក្រោម ជ្រុងខាងឆ្វេងនៃផ្ទាំង App ក្នុងអំឡុងពេលអ្នកកំពុងធ្វើដំណើរនៅក្នុងរថយន្ត។
មុខងារថ្មីនេះគឺជាមុខងារមួយក្នុងចំណោមមុខងារជាច្រើនដែលត្រូវបានដាក់បញ្ចូលទៅក្នុង Google Map បន្ទាប់ពីវាបានបង្ហាញវត្តមានជាលើកដំបូងនៅក្នុង Waze App ដែលក្រុមហ៊ុន Google បានទិញយកកាលពីឆ្នាំ 2013។

យើងធ្លាប់បានឃើញមុខងារកំណត់ល្បឿនបើកបរ នៅក្នុង App នេះរួចស្រេចហើយ ព្រមជាមួយមុខងាររាយការណ៍ពីគ្រោះថ្នាក់ផង ដែលអនុញ្ញាតឱ្យអ្នកផ្តល់ដំណឹងទៅកាន់អ្នកបើកបរដទៃអំពីគ្រោះថ្នាក់ កន្លែងមានការត្រួតពិនិត្យចរាចរណ៍ និងកាមេរ៉ាស្ទង់ល្បឿន។ Google Maps ក៏បានដាក់បញ្ចូលមុខងារសម្រាប់តាក់តែងរូបសញ្ញាប្រាប់ទិសរបស់អ្នកផងដែរ។

មុខងារចរាចរណ៍ថ្មីនេះមិនទាន់បង្ហាញវត្តមានសម្រាប់ការប្រើប្រាស់គ្រប់ទីកន្លែងនៅឡើយទេ។ គេហទំព័រ Android Police បានលើកឡើងថា អ្នកប្រើប្រាស់បានរាយការណ៍ថាបានឃើញមុខងារថ្មីនេះនៅប្រទេសអាហ្សង់ទីន អូស្ត្រាលី ប៊ែលហ្សិក ប្រេស៊ីល កាណាដា សាធារណរដ្ឋឆេក ហ្វាំងឡង់ អាល្លឺម៉ង់ ឥណ្ឌា ហូឡង់ ប៉ូឡូញ ព័រទុយហ្គាល់ ស៊ុយអែត តៃវ៉ាន់ ចក្រភពអង់គ្លេស និងសហរដ្ឋអាមេរិក។ បច្ចុប្បន្ននេះ មុខងារថ្មីនេះត្រូវបានរាយការណ៍ថាមិនទាន់អាចដំណើរការនៅលើ Android Auto បានទេ ប៉ុន្តែវាអាចដំណើរការនៅក្នង Auto App។

នៅលើទំព័រ Pre-Existing Support ក្រុមហ៊ុន Google បានណែនាំថា មុខងារកំណត់ល្បឿននៃការបើកបរ ត្រូវបានផ្តល់ជូនសម្រាប់បម្រើឱ្យគោលបំណងនៃការផ្តល់ព័ត៌មានតែមួយមុខប៉ុណ្ណោះ ហើយបើយើងសម្តៅលើភាពមិនទុកចិត្តនៃការផ្តល់ព័ត៌មាន GPS វិញ វាអាចជាទង្វើដ៏ល្អបំផុតសម្រាប់អនុវត្តវិធីសាស្រ្តដូចគ្នា ជាមួយនឹងមុខងារវាស់ស្ទង់ល្បឿនបើកបរ៕

អត្ថបទអ្នកចង់អាន

Toyota នឹងបញ្ឈប់ការលក់រថយន្តម៉ាស៊ូត នៅអឺរ៉ុប

ដោយ: ដួងច័ន្ទ 9 PM, Wednesday, 23 May, 2018

អ្នកអាចបន្ថែមឈ្មោះក្រុមហ៊ុន Toyota ទៅក្នុងបញ្ជីឈ្មោះក្រុមហ៊ុនផលិតរថយន្ត ដែលបានទម្លាក់ ចំនួនផលិតរថយន្តប្រើប្រាស់ប្រេងម៉ាស៊ូត នៅក្នុងខ្សែចង្វាក់ផលិតក...

Sony រួមគ្នាជាមួយក្រុមហ៊ុនថ្មីមួយ នឹងមានអ្វីថ្មី?

ដោយ: ដួងច័ន្ទ 8 AM, Tuesday, 05 Mar, 2019

ក្រុមហ៊ុនកាមេរ៉ាបង្កើតថ្មីមួយ មានឈ្មោះថា Light ដែលមានកិត្តិស័ព្ទល្បីល្បាញលើផលិតផលកាមេរ៉ា Multi-Lens បានប្រកាសក្នុងថ្ងៃនេះថា ក្រុមហ៊ុនកំពុងធ្វើការសហ...

Walkcar យានជំនិះកំពូលប្លែក និងអស្ចារ្យ

ដោយ: ដាលីស 10 PM, Monday, 07 Sep, 2015

Walkcar គឺជាផលិតផល នៃការច្នៃបង្កើតរបស់ក្រុមហ៊ុន Cocoa Motors នៅក្នុងប្រទេសជប៉ុន ជាយានជំនិះ ដែលធ្វើ​អំពី​បន្ទះដែកអាលុយមីញ៉ូមបួនជ្រុង ទំហំធំល្មមអាចឱ្...

ម៉ាស៊ីនបោកសំលៀកបំពាក់ LG ជាប់លំដាប់ថ្នាក់លេខ១ នៅក្នុងទីផ្សារសកលក្នុងរយះពេល ៧ឆ្នាំជាប់គ្នា

ដោយ: ទំនើប 5 PM, Wednesday, 22 Mar, 2017

ម៉ាស៊ីនបោកសំលៀកបំពាក់ LG ជាប់លំដាប់ថ្នាក់លេខ១ នៅក្នុងទីផ្សារសកលក្នុងរយះពេល 7 ឆ្នាំជាប់គ្នា៕ LG បានទទួលស្គាល់ជាម៉ាស៊ីនបោកគក់ ដែលឈានមុខគេក្នុងពិភពលោ...

Tomnerb.Com - YouTube Channel