ចូលចិត្តទំនើប

Google Maps អនុញ្ញាតឱ្យទំនាក់ទំនងអាជីវកម្មបាន

ដោយ: ដួងច័ន្ទ 9 AM, Saturday, 01 Dec, 2018

ថ្មីៗនេះគេហទំព័រ 9to5Google បានបង្ហាញឱ្យយើងឃើញនូវ Blog Post មួយពីក្រុមហ៊ុន Google ដែលប្រកាសអំពីមុខងារថ្មីមួយ សម្រាប់កម្មវិធី Google Maps គឺមុខងារសារសម្រាប់អាជីវកម្ម។

បន្ទាប់ពីវាត្រូវបានបញ្ចេញទៅក្នុងទូរសព្ទ iPhone និងប្រព័ន្ធ Android នៅក្នុងនោះនឹងមានប៊ូតុង Messages ថ្មីមួយ នៅ Slide ផ្នែកខាងឆ្វេង ដែលនឹងអនុញ្ញាតឱ្យអ្នកផ្ញើសារទៅកាន់អាជីវកម្ម ដែលអ្នកបានឃើញនៅលើ Google Maps។
អាជីវកម្មដែលមានបំណងចង់ចូលរួមក្នុងមុខងារថ្មីនេះ នឹងត្រូវប្រើប្រាស់ប្រព័ន្ធផ្ទៀងផ្ទាត់ My Business របស់ Google និងកម្មវិធីជាប្រព័ន្ធទាក់ទងនឹងប្រព័ន្ធផ្ទៀងផ្ទាត់នៃ ដើម្បីផ្ញើ និងទទួលសារ។ កម្មវិធីនេះធ្វើឱ្យមានភាពងាយស្រួលសម្រាប់អាជីវកម្មតូចៗ ដើម្បី update ព័ត៌មានរបស់ពួកគេសម្រាប់ Google និងដើម្បីធ្វើការសន្ទនាជាមួយអតិថិជន។

មុខងារថ្មីមួយនេះទំនងជាមុខងារដ៏មានអត្ថប្រយោជន៍ធំមួយ។ អ្នកប្រហែលជាតែងតែចង់សាកសួរហាង ឬភោជនីយដ្ឋានណាមួយ អំពីសំណួរខ្លីៗមួយចំនួន ដែលមានបានរៀបរាប់នៅក្នុងគេហទំព័ររបស់ពួកគេ។ ការផ្ញើសារជាអក្សរអាចជាវិធីសាស្រ្តដ៏ងាយស្រួល សម្រាប់ការភ្ជាប់ទំនាក់ទំនងគ្នា ដោយវាពុំសូវមានការរំខានខ្លាំងចំពោះបុគ្គលិកនៅក្នុងហាង និងមានលក្ខណៈសាមញ្ញសម្រាប់អតិថិជន។

ប៉ុន្តែយើងនៅតែយល់ឃើញថា វានៅតែមានកង្វះខាត ដោយសារ Google ទំនងដូចជាមិនអាចបញ្ឈប់ការបញ្ចេញកម្មវិធីផ្ញើសារថ្មីៗ ខណៈដែលកម្មវិធីផ្ញើសារដំបូងរបស់ក្រុមហ៊ុន ហាក់ដូចជានៅតែមានបញ្ហា។ កម្មវិធី Hangouts បានបរាជ័យ ហើយកម្មវិធី Allo ត្រូវបានផ្អាកសកម្មភាព ចំណែកកម្មវិធី RCSChat ក៏មិនទាន់ដាក់ឱ្យដំណើរការជាទូទៅដែរ។

ការដាក់កម្មវិធីផ្ញើសារនៅក្នុង Google Maps អាចជួយអ្នករក្សាសារសម្រាប់អាជីវកម្ម ដាច់ដោយឡែកពីសារផ្ទាល់ខ្លួនរបស់អ្នក។ ប៉ុន្តែវាហាក់ដូចជាផ្តល់បន្ទុកបន្ថែមដល់ Google Maps ដោយសារកម្មវិធីមួយនេះទទួលបានមុខងារច្រើន ហើយការរចនាថ្មីធ្វើឱ្យមុខងារបង្ហាញទិសដៅនៅក្នុងកម្មវិធីនេះ កាន់តែពិបាក។

កម្មវិធីថ្មីនេះ ទំនងដូចជាមានទាំងចំណុចវិជ្ជមាន និងអវិជ្ជមាន ហើយចំណុចទាំងពីរនេះវាខុសៗគ្នាអាស្រ័យលើអ្នកប្រើប្រាស់។ បើសិនជាអ្នកចង់ដឹងថាមុខងារថ្មីនេះផ្តល់ផលយ៉ាងណាសម្រាប់អ្នក អញ្ចឹងគួរសាកល្បងចូលទៅកាន់ Google Maps នៅលើទូរសព្ទរបស់អ្នក ហើយទទួលយកបទពិសោធន៍ថ្មីនេះ។ លទ្ធផលយ៉ាងណា សូមចែករំលែកជាមួយ ទំនើប ផង៕

អត្ថបទអ្នកចង់អាន

ម៉ូដែល ទូរទស្សន៍ ប្រចាំឆ្នាំ 2017

ដោយ: ដួងច័ន្ទ 11 PM, Tuesday, 17 Oct, 2017

ទំនើប សូមណែនាំម៉ូដែលទូរទស្សន៍ កំពុងពេញនិយម ប្រចាំឆ្នាំ 2017 ជូនមិត្តអ្នកអានទាំងអស់ជ្រាប។ ចង់ដឹងថាក្នុងឆ្នាំ 2017 បច្ចេកវិទ្យាទូរទស្សន៍ទំនើបយ៉ាងណាខ្...

បង្ហាញខ្លួន Nokia N1 ថេប្ល៊ែត Android ដំបូងរបស់ Nokia

ដោយ: ដាលីស 10 AM, Monday, 13 Apr, 2015

បន្ទាប់ពីបណ្តោយឱ្យអតិថិជននាំគ្នារង់ចាំឡើងស្ងួតជើងធ្មេញហើយនោះ ទីបំផុត Nokia បានបង្ហាញខ្លួន Nokia N1 ថេប្ល៊ែត អ៊ែនដ្រយពិតប្រាកដដំបូងគេបំផុត និងថែមទាំ...

ក្នុងនាមជាអ្នកដឹកនាំ តើអ្នកបានដឹងអ្វីខ្លះពីបច្ចេកវិទ្យា?

ដោយ: ដួងច័ន្ទ 8 PM, Sunday, 17 Dec, 2017

អ្នកដឹកនាំភាគច្រើនគិតថាបច្ចេកវិទ្យា គឺជាឧបករណ៍សម្រាប់ជួយដល់បុគ្គលិក ធ្វើការងារបានកាន់តែ ប្រសើរ ដូច្នេះពួកគេធ្វើការវិនិយោគ លើផលិតផល Hardware/Softwar...

រថយន្ត Mazda MX-5 Miata RF ការរចនាម៉ូដដាស់វិញ្ញាណទាំងអស់ របស់អ្នក

ដោយ: ដួងច័ន្ទ 9 PM, Monday, 05 Jun, 2017

ថ្ងៃនេះគេហទំព័រ ទំនើប សូមនាំមិត្តអ្នកអានទាំងអស់ មកស្គាល់រថយន្តម៉ូដែលថ្មី Mazda MX-5 Miata RF ដែលជារថយន្តប្រភេទស្ព័រ ដ៏ទំនើប ទាន់សម័យ ទាក់ទាញជាមួយរូ...

Tomnerb.Com - YouTube Channel