ចូលចិត្តទំនើប

សេវាកម្ម Google Fi ដំណើរការលើ iPhone បានហើយ

ដោយ: ដួងច័ន្ទ 8 AM, Monday, 17 Dec, 2018

បើសិនជាអ្នកជាម្ចាស់ទូរសព្ទដៃ iPhone ហើយកំពុងសម្លឹងរកឱកាសផ្លាស់ប្តូរប្រព័ន្ធ Mobile Carrier អ្នកទទួលបានជម្រើសមួយបន្ថែមទៀតសម្រាប់ការជ្រើសរើសនាពេលនេះ។

ក្រុមហ៊ុន Google បានសម្រេចពង្រីកសេវាកម្មគ្មានខ្សែ Project Fi ដើម្បីគាំទ្រដល់ដំណើរការជាមួយទូរសព្ទ ដែលជាផលិតផលរបស់ក្រុមហ៊ុន Apple ព្រមជាមួយនឹងជម្រើសផលិតផលប្រើប្រាស់ប្រព័ន្ធ Android ជាច្រើនដទៃទៀត។

ការបើកចំហរទ្វារសេវាកម្មកាន់តែធំទូលាយនេះ ក៏មានភ្ជាប់ជាមួយនូវការផ្លាស់ប្តូរឈ្មោះផងដែរ។ ក្រុមហ៊ុនបច្ចេកវិទ្យាដ៏ធំមួយនេះ បានទម្លាក់ឈ្មោះ Project ចោល ដោយប្រើប្រាស់ឈ្មោះថ្មីយ៉ាងសាមញ្ញថា Google Fi។

នៅក្រោមការពង្រីកវិសាលភាពថ្មីនេះ ទូរសព្ទ iPhone និងទូរសព្ទប្រើប្រាស់ប្រព័ន្ធ Android ភាគច្រើន នឹងមានសមត្ថភាពដំណើរការជាមួយសេវាកម្មរបស់ Google ដែលសេវាកម្មទាំងនោះរួមមានសេវាកម្មត្រង់ពី Google តម្លៃ $20 សម្រាប់ការសន្ទនា និងផ្ញើសារគ្មានដែនកំណត់ និងតម្លៃ $10 សម្រាប់ការប្រើប្រាស់ទិន្នន័យ 1GB ដែលអាចប្រើប្រាស់បានរហូតដល់ 6GB។ វាក៏រួមបញ្ចូលទាំងការគ្រប់ដណ្តប់សេវាកម្មជាលក្ខណៈអន្តរជាតិនៅក្នុងប្រទេសចំនួន 170 ប្រទេស សេវាកម្មការពារ Spam និងលក្ខណៈពិសេសដទៃមួយចំនួនទៀត ដែលត្រូវបានផ្តល់ដោយសេវាកម្មនេះ។

ក្រុមហ៊ុន Google ព្រមានថា អំឡុងពេលនៃការពង្រីកវិសាលភាព មិនមែនគ្រប់ទូរសព្ទដៃទាំងអស់សុទ្ធតែទទួលបានអត្ថប្រយោជន៍ពី Google Fi ទេ។ បទពិសោធន៍ប្រើប្រាស់នៅលើទូរសព្ទ iPhone គឺស្ថិតនៅក្នុង Beta នៅឡើយទេ នៅក្នុងខណៈពេលនេះ ហើយវានឹងត្រូវទាមទារជំហាន បន្ថែមសម្រាប់ការតំឡើង។

មុខងារមួយចំនួន នៅក្នុងសេវាកម្មនេះ រួមមានសមត្ថភាពភ្ជាប់គ្នារវាងប្រព័ន្ធ Cellular ចម្រុះដោយគ្មានខ្សែ នឹងមានវត្តមានតែនៅលើទូរសព្ទមួយចំនួន ដែលផលិតសម្រាប់ដំណើរការជាមួយប្រព័ន្ធ Fi។ ផលិតផលទូរសព្ទទាំងនោះរួមមាន Pixel 3, 3 XL, 2 XL, Moto G6, LG G7, LG V35 និងទូរសព្ទ Moto X។ ទូរសព្ទទាំងអស់នេះ មានដោយផ្ទាល់នៅលើគេហទំព័រ Google Fi។

ក្រុមហ៊ុន Google មិនបានពន្យល់ច្បាស់លាស់អំពីដំណើររបស់ទូរសព្ទដែលមិនទាន់មានសមត្ថភាពដំណើរការជាមួយមុខងារ Network-Switching ដែលនឹងត្រូវប្រើប្រាស់ Fi យ៉ាងដូចម្តេចទេ ប៉ុន្តែក្រុមហ៊ុនសន្មត់យ៉ាងមានទំនុកចិត្តថា ក្រុមហ៊ុនអាចនាំមកជូននូវសេវាកម្មដែលអាចជឿទុកចិត្តបាន ដោយគ្មានបញ្ហា៕

អត្ថបទអ្នកចង់អាន

ម៉ាកទូរសព្ទដៃ ប្រណិតទាំង 10

ដោយ: ដួងច័ន្ទ 7 PM, Thursday, 28 Sep, 2017

ទំនើប សូមណែនាំពីម៉ាក់ទូរសព្ទប្រណិតៗ តម្លៃខ្ពស់កប់ពពក ជាទូរសព្ទដាំពេជ្រ មានប៊ូតុងធ្វើ ពីគ្រី ស្តាល់ ជាដើម។ ចង់ដឹងថាទូរសព្ទប្រណិតទាំងនោះមានអ្វីពិសេសខ...

ឡូយអត់! បង់បិទរបួសអេឡិចត្រូនិច ប្រើប្រាស់ថាមពលអគ្គិសនី ដើម្បីពន្លឿនការព្យាបាលមុខរបួសនៅលើស្បែក

ដោយ: ភារុន 8 AM, Friday, 28 Dec, 2018

អ្នកវិទ្យាសាស្រ្ត នាពេលឥឡូវនេះកំពុងបង្កើត រន្ធដោតអេឡិចត្រូនិច ថ្មីមួយ ដែលប្រើចរន្តអគ្គិសនី ដើម្បីបង្កើនល្បឿននៃការព្យាបាលមុខរបួសនៅលើស្បែក។ យោងតាមការ...

ក្រុមហ៊ុន LG បានបង្ហាញនូវ ស្មាតហ្វូន LG G6 ដំបូងគេ ដែលបំពាក់អេក្រង់ QHD+ ជាមួយកម្រិត​ Aspect Ratio 18:9

ដោយ: សត្យា 9 PM, Thursday, 12 Jan, 2017

ក្រុមហ៊ុន LG បានប្រកាសបញ្ជាក់ថា កំពូលស្មាតហ្វូនជំនាន់ថ្មី LG G6 ដែលត្រៀមបង្ហាញវត្តមាន ក្នុងពេលឆាប់ៗនេះ នឹងបំពាក់នូវបច្ចេកវិទ្យាអេក្រង់ថ្មី QHD+ ហើ...

WOOLLIP ខ្នើយកើយសម្រាប់ការធ្វើដំណើរ៖ ខ្នើយដ៏ឆ្លាតវៃ សម្រាប់អ្នកដំណើរ ដ៏ឆ្លាតវៃ

ដោយ: ដួងច័ន្ទ 9 PM, Thursday, 06 Apr, 2017

Woollip គឺជាខ្នើយកើយច្នៃប្រឌិតថ្មី ដែលនឹងអនុញ្ញាតឱ្យអ្នកទទួលបាន នូវការទទួលទានដ៏ស្កប់ស្កល់នៅក្នុងពេលធ្វើដំណើរ។ ដូច្នេះ អ្នកមិនចាំបាច់ខ្វាយខ្វល់ពីការ...

Tomnerb.Com - YouTube Channel