ចូលចិត្តទំនើប

ពិតមែនឬ? ទូរស័ព្ទ Galaxy Note 10 មានស៊ុមដែកអ៊ីណុក!

ដោយ: ភារុន 9 AM, Wednesday, 14 Aug, 2019

ព័ត៌មានចចាមអារាមមួយ កំពុងធ្វើឱ្យអតិថិជននិយមប្រើប្រាស់ផលិតផល Samsung មានការភ័នច្រឡំមួយចំនួន បន្ទាប់ពី វីដេអូមួយបានផុសនៅលើ YouTube channel របស់ក្រុមហ៊ុន Samsung ផ្ទាល់ (ឥឡូវនេះ វីដេអូនេះទំនងជាត្រូវបានលុបចោលហើយ) បានបង្ហាញថាស៊ុមរបស់ទូរស័ព្ទ Galaxy Note 10 ត្រូវបានផលិតចេញពីដែកអ៊ីណុក។ អ្នកពណ៌នា នៅក្នុងវីដេអូនេះបាននិយាយថា «ដែកអ៊ីណុក និងកញ្ចក់ ត្រូវបានបញ្ចូលគ្នាបានយ៉ាងល្អ ដើម្បីបង្រួម Bezel របស់ទូរស័ព្ទស៊េរីថ្មីនេះ»។

ប៉ុន្តែ ក្រុមហ៊ុនក៏បានបដិសេធថា ក្រុមហ៊ុនមិនដែលនិយាយអ្វីៗ ទាក់ទងទៅនឹងការផ្លាស់ប្តូរពីស៊ុមអាលុយមីញ៉ូម ទៅជាស៊ុមដែកអ៊ីណុកនោះទេ នៅក្នុងអំឡុងពេលធ្វើសន្និសីទកាសែត ហើយរឿងនេះក៏មិនត្រូវបានលើកឡើងនៅលើឆាក នៅក្នុងកំឡុងព្រឹត្តិការណ៍ផលិតផល Samsung ផងដែរ។ ប៉ុន្តែ នៅតែមានចម្ងល់មួយកើតឡើង ថាតើហេតុអ្វីបានជាក្រុមហ៊ុន Samsung ធ្វើបច្ចុប្បន្នភាពផលិតផលថ្មីរបស់ខ្លួនហើយ តែមិនប្រកាសប្រាប់នរណា?

ឥឡូវនេះ ក្រុមហ៊ុន Samsung បានបញ្ជាក់ប្រាប់សារព័ត៌មាន The Verge ថាស៊ុមរបស់ទូរស័ព្ទ Galaxy Note 10 ត្រូវបានផលិតពីអាលុយមីញ៉ូម ដូចគ្នានឹងទូរស័ព្ទស្មានហ្វូនដទៃទៀតរបស់ក្រុមហ៊ុន ក្នុងរយៈពេលប៉ុន្មានឆ្នាំក្រោយៗនេះ។ ដូច្នេះ វាគឺជារឿងចម្លែក ដែលមានការផ្សព្វផ្សាយវីដេអូបែបនេះ។




ប៉ុន្តែ យោងទៅតាមអ្នកវិភាគ នេះប្រហែលជាចំណុចមួយ ដែលក្រុមហ៊ុន Samsung កំពុងគិត ពីការធ្វើបច្ចុប្បន្នភាពឱ្យកាន់តែប្រសើរឡើងសម្រាប់ទូរស័ព្ទ Galaxy Note 10 ដែលអាចផលិតស៊ុមចេញពីដែកអ៊ីណុក ប៉ុន្តែ នេះវាមិនអាចទៅរួចទេ នាពេលឥឡូវនេះ៕

ប្រភព: theverge ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

LG បង្ហាញទូរទស្សន៍ 8K OLED ទំហំ 88 inch ដំបូងបង្អស់

ដោយ: ដួងច័ន្ទ 8 PM, Thursday, 04 Jan, 2018

ស្របពេលដែលកម្មវិធីចាក់ផ្សាយ ដំណើរការជាមួយវីដេអូប្រភេទ 4K និង HDR ក្រុមអ្នកផលិតអេក្រង់ទូរទស្សន៍ ដ៏មានមហិច្ឆតាខ្ពស់របស់ក្រុមហ៊ុន LG ក៏បាននឹងកំពុងមមាញ...

PowerBeats ជាការគម្រាមធំបំផុតសម្រាប់ AirPods

ដោយ: ដួងច័ន្ទ 8 AM, Saturday, 25 May, 2019

ការគម្រាមកំហែងដ៏ធំបំផុតសម្រាប់ផលិតផលកាសស្តាប់ដ៏ពេញនិយម AirPods បាននឹងកំពុងចេញពីផ្ទៃក្នុងក្រុមហ៊ុន Apple ផ្ទាល់។ កាសស្តាប់គ្មានខ្សែ PowerBeats Pro ថ...

ក្រុមហ៊ុន KSLM បានចូលរួម ការតាំងពិព័រណ៍ Camfood 2018 នៅមជ្ឈមណ្ឌលពិព័រណ៍កោះពេជ្រថ្ងៃទី 19-21 ខែ កញ្ញា ឆ្នាំ 2018

ដោយ: ទំនើប 4 PM, Friday, 30 Nov, 2018

កម្មវិធីតាំងពិព័រណ៍ អាហារ និងភេសជ្ជៈអន្ដរជាតិដ៏ធំបំផុត នៅឯមជ្ឈមណ្ឌលពិព័រណ៍កោះពេជ្រ រាជធានីភ្នំពេញ ដែលត្រូវបានហៅថាពិព័រណ៍ Camfood 2018 ដែលបានធ្វើឡើង...

វិធីសាស្រ្ត 5 យ៉ាងដែលមនុស្សឆ្លាតវៃប្រើប្រាស់ Smartphone

ដោយ: ដួងច័ន្ទ 7 PM, Thursday, 15 Mar, 2018

ទូរសព្ទ Smartphone ជាឧបករណ៍អេឡិចត្រូនិចមួយប្រភេទ ដែលនៅជាប់ខ្លួនរបស់យើងស្ទើរគ្រប់ពេល ដែលតែងតែធ្វើឱ្យម្រាមដៃរបស់យើងជាប់រវល់ជានិច្ចកាល។ ការប្រើប្រាស់ទ...

Tomnerb.Com - YouTube Channel