ចូលចិត្តទំនើប

ទូរស័ព្ទ Galaxy Fold របស់ Samsung នឹងមានការគាំទ្រពីកម្មវិធីរាប់រយ!

ដោយ: ភារុន 10 AM, Wednesday, 11 Sep, 2019

ទូរស័ព្ទបត់រមូរ នឹងមិនមានតម្លៃថ្លៃកប់ពពក ប្រសិនបើវាគ្មានកម្មវិធីពិសេសៗ ដែលអាចនឹងទាញយកអត្ថប្រយោជន៍ជាច្រើនពីអេក្រង់បត់រមូរនោះទេ។ សម្រាប់ក្រុមហ៊ុន Huawei ក៏បានពន្យាពេលនៃការបញ្ចេញលក់ទូរស័ព្ទស្មាតហ្វូនបត់រមូរ ដែលស្ថិតនៅក្នុងខ្សែស្រឡាយ Mate X ផងដែរ ដើម្បីផ្តល់ពេលវេលាឱ្យអ្នកអភិវឌ្ឍន៍កម្មវិធី បង្កើនប្រសិទ្ធភាពនៃការប្រើប្រាស់ឱ្យបានកាន់តែប្រសើរជាងមុន។ ហើយសម្រាប់ទូរស័ព្ទបត់រមូរ Galaxy Fold ដែលត្រូវបានក្រុមហ៊ុនធ្វើការកែសម្រួល ហើយនៅទីបំផុត វាក៏បានត្រៀមខ្លួនរួចជាស្រេចក្នុងការបង្ហាញខ្លួនជាលើកដំបូងផងដែរ។ ក្រុមហ៊ុន Samsung ក៏បានបង្ហាញថាខ្លួនបានធ្វើការជាមួយនឹង Google និងអ្នកអភិវឌ្ឍន៍ ដើម្បីនាំមកនូវការគាំទ្រដល់កម្មវិធីរាប់រយ រួមបញ្ចូលទាំងកម្មវិធីធំៗ ដូចជា៖ Amazon Prime Video, Facebook, Spotify និង Twitter។ ហើយនេះកើតឡើង បន្ទាប់ពីក្រុមហ៊ុន Samsung និង Google បានបង្កើតបន្ទប់ពិសោធន៍សាកល្បង ដែលត្រូវចំណាយពេលអស់ជាច្រើនខែ ដើម្បីជួយអ្នកអភិវឌ្ឍន៍ ធ្វើការកាន់តែប្រសើរជាងមុន ក្នុងការងាររបស់ខ្លួន សម្រាប់ផលិតទូរស័ព្ទបត់រមូរថ្មីនេះ។




ម្យ៉ាងទៀត ការអភិវឌ្ឍនេះ ក៏តភ្ជាប់ជាមួយនឹងរបាយការណ៍លម្អិតនៃប្រព័ន្ធប្រតិបត្តិការ Android 10 ដែលអាចជួយដល់ការគាំទ្រទូរស័ព្ទបត់រមូរ។ ហើយវាកាន់តែល្អប្រសើរ ក្នុងការកំណត់ទំហំកម្មវិធី និងបន្តការអភិវឌ្ឍនៅលើអេក្រង់ ខណៈពេលដែលអ្នកអភិវឌ្ឍមានកម្មវិធីថ្មីៗ ដើម្បីជួយសម្រួលដល់ការសាកល្បង ការផ្លាស់ប្តូរលើការបង្ហាញពហុកម្មវិធី។ ដូច្នេះយើងទាំងអស់គ្នាគួរតែពិនិត្យមើលកម្មវិធី ដែលដំណើរការជាមួយនឹងទូរស័ព្ទបត់រមូរ។ ពិតណាស់ វាក៏មិនមានទូរស័ព្ទស៊េរីទំនើបច្រើនដែរ ដែលអាចប្រើប្រាស់កម្មវិធីទាំងនេះបាន៕

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

កាមេរ៉ា Lenovo ថ្មីកាន់តែអស្ចារ្យ

ដោយ: ដួងច័ន្ទ 1 PM, Thursday, 19 Jul, 2018

ទម្រង់វីដេអូ VR180 របស់ក្រុមហ៊ុន Google ត្រូវបានប្រកាសកាលពីមួយឆ្នាំមុន ហើយនៅពេលនេះ វីដេអូ 180-Degree VR ថ្មី បាននឹងកំពុងមានវត្តមាននៅលើផលិតផលកាមេរ៉...

តោះ! មកដឹងពីរបៀបប្រើប្រាស់ Wireless PowerShare នៅលើទូរស័ព្ទ Galaxy S10 ដើម្បីសាកថ្មទៅឱ្យ Galaxy Buds ឬក៏ទូរស័ព្ទផ្សេងទៀត

ដោយ: ភារុន 8 AM, Tuesday, 30 Apr, 2019

ក្រុមហ៊ុន Samsung មានទំនុកចិត្តយ៉ាងខ្លាំង ចំពោះថាមពលថ្មនៅក្នុងទូរស័ព្ទ Galaxy S10 ព្រោះថាឥឡូវនេះ ក្រុមហ៊ុនបានតំឡើងលក្ខណៈពិសេសថ្មីមួយ ដែលមានឈ្មោះថា ...

Microsoft PowerPoint នឹងផ្តល់លក្ខណៈពិសេស ទៅលើចំណងជើងប្រធាន និងចំណងជើងរង

ដោយ: ភារុន 8 AM, Thursday, 11 Apr, 2019

ក្រុមហ៊ុន Microsoft កំពុងធ្វើការបន្ថែមទៅលើលក្ខណៈពិសេសទៅលើ ចំណងជើងប្រធាន និងចំណងជើងរង នៅក្នុងកម្មវិធី PowerPoint នៅដើមឆ្នាំនេះហើយ។ លក្ខណៈពិសេសនេះ នឹ...

ទូរទស្សន៍ Sony OLED ឆ្នាំ 2018 លក់ក្នុងតម្លៃ $2,800

ដោយ: ដួងច័ន្ទ 9 PM, Tuesday, 05 Jun, 2018

ការហៅទូរទស្សន៍ OLED ដើមរបស់ក្រុមហ៊ុន Sony ថាមានតម្លៃថ្លៃ អាចជាការយល់ច្រឡំមួយ នៅពេលតម្លៃចាប់ផ្តើមលក់ដំបូងគឺ $5,000 សម្រាប់ម៉ូដែលទូរទស្សន៍ថ្មី។ ក្នុង...

Tomnerb.Com - YouTube Channel