ចូលចិត្តទំនើប

ទូរសព្ទ Galaxy A80 ឡូយខ្លាំងប៉ុណ្ណា?

ដោយ: ដួងច័ន្ទ 3 PM, Thursday, 18 Apr, 2019

ក្រុមហ៊ុន Samsung មានបំណងនាំយកកាមេរ៉ាបង្វិលត្រឡប់មកកាន់ទូរសព្ទដៃវិញ ហើយទូរសព្ទម៉ូដែលថ្មី Galaxy A80 គឺជាទូរសព្ទដៃដែលនឹងបង្ហាញលក្ខណៈសម្បត្តិថ្មីនេះ។

វាជាទូរសព្ទដែលមានអេក្រង់ AMOLED កម្រិត 1,080 x 2,400 ទំហំ 6.7 inch ដ៏ធំ ប៉ុន្តែមុនពេលយើងចូលទៅពិនិត្យស៊ីជម្រៅលើលក្ខណៈពិសេសដទៃទៀត យើងបានឃើញភ្លាមៗចំណុចទាក់ទាញរបស់វាដែលលេចឡើង។ នោះគឺកាមេរ៉ាបង្វិលចំនួនបីគ្រាប់ ដែលជាបណ្តុំនៃការថតរូបកម្រិតបឋម និងការថតរូប Selfie ហើយវាក៏មិនមាន Notch ផងដែរ។
ទូរសព្ទថ្មីនេះនឹងចេញលក់នៅតំបន់អឺរ៉ុប អាស៊ី និងតំបន់ដទៃទៀតនៅចុងខែឧសភាខាងមុខនេះហើយ។
ទូរសព្ទនេះរួមបញ្ចូលនូវកាមេរ៉ាទំហំ 48 megapixel មានល្បឿន f/2.0 មួយគ្រាប់ ជាមួយកាមេរ៉ា Ultrawide (123 ដឺក្រេ) ទំហំ 8 megapixel មួយគ្រាប់ និង Sensor ប្រភេទ 3D Depth មួយគ្រាប់។ កាមេរ៉ា 3D Depth មួយគ្រាប់នេះមានបន្ថែមមុខងារ Live Focus Video ដែលធ្វើការ ស្កេនអ្វីដែលកាមេរ៉ាបានឃើញ សម្រាប់ធ្វើការវាស់វែង និងជម្រៅ ដែលអ្នកអាចរំពឹងថាវានឹងផ្តល់នូវ Bokeh Effect ដ៏អស្ចារ្យ សម្រាប់ការថត Selfie និងការថតរូបធម្មតា។

ក្រុមហ៊ុន Samsung បានរៀបរាប់ថា Lens ប្រភេទ Wide Angle ថ្មីរបស់ក្រុមហ៊ុន មានមុំទស្សនា (View Angle) ដូចគ្នានឹងកែវភ្នែករបស់មនុស្ស។ ចំណុចពិសេសគឺថាមុខងារ Wide Angle នាពេលនេះអាចដំណើរការ Shift ពីរដង ទាំងការថតរូបទេសភាព និងការថត Selfie ជាក្រុម។
ចំណែកកាមេរ៉ាបង្វិលវិញ វាហាក់ដូចជាដំណោះស្រាយនៃការទទួលបានកាមេរ៉ាល្អបំផុតសម្រាប់គ្រប់ស្ថានភាព និងការផ្តល់នូវទំហំអេក្រង់កាន់តែធំ ដោយពុំចាំបាច់មាន Notch និង Punch Hole។

គ្រប់យ៉ាងកើតឡើងនៅពេលអ្នកនៅក្នុងកម្មវិធីកាមេរ៉ា។ អ្នកគ្រាន់តែចុចប៊ូតុងនៅលើអេក្រង់ ដែលប្រើប្រាស់សម្រាប់ផ្លាស់ប្តូរពីកាមេរ៉ាមុខ និងក្រោយ នោះផ្នែកខាងក្រោយនៃទូរសព្ទនឹងពង្រីក។ គ្រឿងម៉ូទ័រតូចៗនឹងបញ្ចេញសម្លេង ហើយចលនានេះបង្វិលផ្ទាំងកាមេរ៉ា ដែលមាន Lens និង Sensor នឹងបែរមុខមករកអ្នក។ នៅពេលនោះ ទូរសព្ទនេះនឹងមានប្រវែង 0.5 inch ពន្លូតវែងជាងមុន។ សំណួរមួយក៏បានចោទឡើង ថាតើគ្រឿងយន្តទាំងនេះអាចធន់នឹងដំណើរការការបង្វិលរាប់រយដងឬទេ?
សម្រាប់មុខងារវីដេអូវិញ នៅក្នុងវីដេអូផ្សព្វផ្សាយអំពី Super Steady Video Mode កាន់បន្ថយរំញ័រវីដេអូ ហើយមុខងារ Scene Optimizer ដែលគាំទ្រដោយបច្ចេកវិទ្យា AI នឹងអាចពង្រីកសមត្ថភាពបានរហូតដល់ 39 Scene។
នៅក្នុងទូរសព្ទថ្មីនេះមានបំពាក់ថ្មទំហំ 3,700mAh ដែលធ្វើឱ្យវាស្ទើរតែស្មើនឹងថាមពលរបស់ស៊េរី S10 ទៅហើយ។ វាក៏បំពាក់បច្ចេកវិទ្យាបញ្ចូលថាមពលល្បឿនលឿនកម្រិត 25W ដូចនៅក្នុងទូរសព្ទ S10 5G ដែលនឹងចេញនៅពេលខាងមុខ និងម៉ូដែល A70។ Samsung បានបញ្ជាក់ថាម៉ូដែល A80 នឹងមាន Intelligent Battery ដែលសម្របខ្លួននឹងការប្រើប្រាស់ប្រចាំថ្ងៃរបស់អ្នក ជួយឱ្យអ្នកអាចប្រើប្រាស់ទូរសព្ទបានពេញមួយថ្ងៃ។

ស្រដៀងគ្នានេះដែរ មុខងារ Intelligent Performance Enhancer ដែលនឹងបង្កើនប្រសិទ្ធភាពការប្រើប្រាស់ប្រព័ន្ធប្រតិបត្តិការ អាស្រ័យលើវិធីសាស្រ្តដែលអ្នកគ្រប់គ្រងទូរសព្ទរបស់អ្នក។ ឧទាហរណ៍ បើសិនជាអ្នកប្រើប្រាស់ Camera App និងប្រើប្រាស់វាជាប្រចាំនៅលើការបង្ហោះលើ Instagram នោះទូរសព្ទ A80 របស់អ្នកនឹងសិក្សាអំពីទម្លាប់នេះ ហើយជំរុញសមត្ថភាព Social Media App នៅពេលអ្នកប្រើប្រាស់ Camera App។ ខណៈដែលទូរសព្ទនេះមិនមានមុខងារ Facial Detection ការការពារសុវត្ថិភាពនៅលើទូរសព្ទត្រូវអនុវត្តតាមរយៈការស្កេនក្រយ៉ៅដៃនៅលើអេក្រង់។

ទូរសព្ទ Galaxy A80 នឹងចេញលក់ជាសកលនៅក្នុងជម្រើស 3 ពណ៌ គឺ Angel Gold, Ghost White និង Phantom Black៕

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

ធ្វើដូចម្តេចដើម្បីធ្វើឲ្យ Google Home របស់អ្នកមានច្រើនភាសា?

ដោយ: ភារុន 11 AM, Sunday, 04 Nov, 2018

បច្ចុប្បន្ននេះមានឧបករណ៍អេឡិចត្រូនិចជាច្រើនត្រូវបានគេផលិតឡើង      នឹងបានដាក់ឲ្យប្រើប្រាស់ដោយការបញ្ជាដោយ  ​សម្លេង។ ដើម្បីឲ្យឧបករណ៍ប្រតិបត្តិតាមពាក្យប...

Lasso មុខងារវីដេអូថ្មីពី Facebook

ដោយ: ដួងច័ន្ទ 9 AM, Monday, 12 Nov, 2018

ក្នុងគោលបំណងអូសទាញអ្នកប្រើប្រាស់ ជាពិសេសយុវវ័យ ដែលបច្ចុប្បន្នកំពុងងាកចេញពីការប្រើប្រាស់កម្មវិធីរបស់ខ្លួន ក្រុមហ៊ុន Facebook ជាថ្មីម្តងទៀតបានស្វែងរក...

Blackphone ស្មាតហ្វូន សម្រាប់អ្នកមាន ការសម្ងាត់ច្រើន!

ដោយ: ដាលីស 9 AM, Sunday, 10 May, 2015

សម្រាប់នៅក្នុងប្រទេសខ្លះ រដ្ឋាភិបាលអាចមានការលួចស្តាប់ការនិយាយ តាមទូស័ព្ទ ឬការឆ្លើយឆ្លងព័ត៌មានតាមវិធីផ្សេងៗ ដើម្បី​​​​ការពារការធ្វើវិទ្ធង្សនា រួមទាំ...

កាស Bluetooth ល្អបំផុតក្នុងឆ្នាំ 2017

ដោយ: ដួងច័ន្ទ 8 PM, Sunday, 08 Oct, 2017

ទូរសព្ទ Smartphone នាពេលបច្ចុប្បន្នបានបន្តបន្ថែម មុខងារកាន់តែពិសេស ប៉ុន្តែសម្រាប់វានៅតែមានបញ្ហាចោទឡើង នៅពេលវាបំពេញមុខងារហៅទូរសព្ទ។ កាស Bluetooth ដើ...

Tomnerb.Com - YouTube Channel