ចូលចិត្តទំនើប

Fujifilm នាំយកបទពិសោធន៍ថ្មីមកកាន់កាមេរ៉ា

ដោយ: ដួងច័ន្ទ 9 AM, Tuesday, 18 Jun, 2019

ក្រុមហ៊ុន Fujifilm ទើបនឹងបានប្រកាសអំពីផលិតផលកាមេរ៉ា Instax ថ្មីចុងក្រោយបង្អស់ នោះគឺកាមេរ៉ាម៉ូដែល Instax Mini LiPlay។ ដូចគ្នានឹងកាមេរ៉ា Instax Mini មុនៗដែរ កាមេរ៉ាម៉ូដែល Mini LiPlay ថ្មីនេះ អាចថតរូបភាព lo-fi បួនជ្រុង ដែលត្រូវបានផ្តិតចេញភ្លាមៗ។

វាក៏មានសមត្ថភាពក្នុងការថតរូបភាពឌីជីថល និងថតសម្លេងក្នុងពេលតែមួយផងដែរ ដែលអ្នកអាចទស្សនានៅលើអេក្រង់ LCD របស់វា ឬផ្ទេរទៅកាន់ទូរសព្ទដៃរបស់អ្នកតាមរយៈកម្មវិធី Mini LiPlay របស់ Fujifilm។ វាដូចជា Version ខ្នាតតូចមួយនៃកាមេរ៉ាម៉ូដែល Instax Square SQ10 កាលពី 2 ឆ្នាំមុន ជាមួយនឹងបន្ថែមមុខងារថ្មីមួយ។ វានឹងមានវត្តមាននៅក្នុងទីផ្សារចាប់ពីថ្ងៃទី 14 ខែមិថុនា តទៅក្នុងតម្លៃ $159.95។
កាមេរ៉ា Instax របស់ Fujifilm មិនធ្លាប់ត្រូវបានគេទទួលស្គាល់លើគុណភាពរូបភាព ឬមុខងារកម្រិតខ្ពស់ឡើយ។ វាត្រូវបានផលិតឡើងសម្រាប់ថតរូបភាពផ្តិតចេញភ្លាមៗនៅក្នុងកម្រិត Contrast ខ្ពស់ នៅក្នុងស៊ុមពណ៌ស បែប Classic។ គ្រប់យ៉ាងដែលកាមេរ៉ាប្រភេទនេះអាចធ្វើបានលើសពីនេះ គឺជាការបន្ថែម ហើយកាមេរ៉ាម៉ូដែល Mini LiPlay មានគ្រប់យ៉ាង។

ជំនួសឱ្យ Viewfinder ដែលមាននៅលើគ្រប់កាមេរ៉ា Instax ម៉ូដែល Mini LiPlay មានអេក្រង់ LCD ទំហំ 2.7 inch សម្រាប់ការកំណត់ស៊ុម និងការទស្សនារូបភាព ដែលត្រូវបានបញ្ជាក់ថាមានអត្ថប្រយោជន៍យ៉ាងខ្លាំង និងជាការរំលឹកដល់កាមេរ៉ា Point and Shoot របស់ Kodak ម៉ូដែល Easyshare ឆ្នាំ 2005។ វាមិនមែនជាអេក្រង់មានគុណភាពខ្ពស់មួយនោះទេ ប៉ុន្តែវាល្អគ្រប់គ្រាន់ក្នុងការទស្សនាស៊ុម និង Exposure។ អេក្រង់នេះអនុញ្ញាតឱ្យអ្នកជ្រើសរើសរូបភាព ដើម្បីផ្តិតចេញ ហើយនៅពេលដែលអ្នកមានរូបចំនួន 10 សន្លឹកនៅក្នុងកាមេរ៉ាក្នុងពេលតែមួយ នេះជាអំណះអំណាងមួយដែលបញ្ជាក់ថាវាមានអត្ថប្រយោជន៍ខ្លាំង។ មុខងារថ្មីមួយទៀត គឺសមត្ថភាពក្នុងការថតសម្លេង។ ចុចនៅលើប៊ូតុងរូបមេក្រូ នៅខាងមុខតួកាមេរ៉ា នោះសម្លេងនឹងត្រូវបានថតរយៈពេល 10 វិនាទី មុន និងក្រោយប៊ូតុង Shutter ត្រូវបានចុច។ បន្ទាប់មក QR Code មួយនឹងលេចឡើងនៅលើរូបថតដែលផ្តិតចេញមក ខណៈដែលរូបថតច្បាប់ចម្លង និង QR Code ចម្លងមួយទៀត ត្រូវបាន Upload តាមរយៈ Bluetooth ទៅកាន់ Mini LiPlay App។

អ្នកអាចប្រើប្រាស់ microSD Card Slot ដើម្បីរក្សាទុករូបភាព ចេញពី CMOS Sensor ទំហំ 1/5 inch និងអាច Upload វាទៅក្នុងកុំព្យូទ័រ បើសិនជាអ្នកមិនចង់ប្រើប្រាស់ App។ រូបថតឌីជីថល មិនមានគុណភាពល្អទេ ដោយសារវាជារូបថតមានកម្រិត Contrast ខ្ពស់ និងលុបចោលពណ៌ស ដើម្បីបង្កើតចេញជា Instant Film សម្រាប់ការប្រើប្រាស់លើ Instagram។ ដូចគ្នានឹងកាមេរ៉ា Instant ដទៃទៀតដែរ ម៉ូដែល Instax Mini LiPlay ពិតជាផ្តល់ភាពរីករាយសម្រាប់ការប្រើប្រាស់ ហើយអេក្រង់របស់វាអនុញ្ញាតឱ្យអ្នកប្រើប្រាស់ Shutter បានដោយរីករាយ ដើម្បីទទួលបានរូបភាពល្អជាងគេ ដោយពុំចាំបាច់ចំណាយហ្វីលច្រើន។
ក្រុមហ៊ុន Fujifilm អះអាងថា កាមេរ៉ាថ្មីនេះអាចផ្តិតរូបថតបាន 100 សន្លឹក សម្រាប់ការបញ្ចូលថ្មម្តង ហើយការបញ្ចូលថ្មអនុវត្តតាមរយៈការប្រើប្រាសរន្ធដោត Micro USB នៅលើកាមេរ៉ា។

អេក្រង់នៅលើកាមេរ៉ា គឺជាការបន្ថែមដ៏ប្រសើរមួយសម្រាប់បទពិសោធន៍នៃការប្រើប្រាស់កាមេរ៉ា Instant ប៉ុន្តែសម្រាប់តម្លៃ $160 អាចជាចំណុចធ្វើឱ្យអ្នករារែកក្នុងការជ្រើសរើសយកវាមកប្រើប្រាស់ ដោយសារអ្នកត្រូវពិចារណាដល់ការទិញហ្វីលផងដែរ៕

ប្រភព: theverge ផ្នែក: បច្ចេកវិទ្យា, កាម៉េរ៉ា

អត្ថបទអ្នកចង់អាន

ឧបករណ៍ប្រើប្រាស់នៅក្នុងផ្ទះទាំង 7 ដ៏ល្អបំផុតដែលសក្តិសមទិញនៅបំណាច់ឆ្នាំនេះ

ដោយ: ភារុន 9 AM, Monday, 03 Dec, 2018

នេះគឺជាព័ត៌មានមួយដ៏គួរឱ្យចាប់អារម្មណ៍ បើអ្នកកំពុងស្វែងរកទិញឧបករណ៍ប្រើប្រាស់ក្នុងផ្ទះធ្វើជាអំណោយដ៏ល្អមួយ សម្រាប់ខ្លួនឯងប្រើប្រាស់នាពេលបំណាច់ឆ្នាំនេះ...

Samsung Notebook 9 ថ្មីលក់ក្នុងតម្លៃខ្ទង់ពាន់

ដោយ: ដួងច័ន្ទ 10 PM, Sunday, 27 May, 2018

ក្រុមហ៊ុន Samsung បានបង្ហាញពីផលិតផល Laptop ថ្មី ក្នុងស៊េរី Notebook 9 កាលពីខែធ្នូកន្លងទៅ ដែលមានចំនួន 3 ម៉ូដែល ក្នុងនោះរួមមានម៉ូដែល Notebook 9 Pen ផ...

HTC ត្រៀមជល់ Apple iPad ម្តងទៀត ដោយធេប្លែត Windows 8 ក្នុងឆ្នាំនេះ!

ដោយ: ដាលីស 9 PM, Wednesday, 08 Jul, 2015

នៅក្នុងទីផ្សាធេប្លែត ក្រៅពីមានម្ចាស់ទីផ្សារដូចជា iPad របស់ Apple និងធេប្លែត Android ពីអ្នកផលិត​ម៉ាក​ផ្សេង​​ទៀតហើយនោះ នៅមានធេប្លែតមួយប្រព័ន្ធទៀត ដែល...

LG Night 2019 ផ្ដល់ជូនដំណោះស្រាយសំរាប់ការរស់នៅ ដ៏ប្រសើរបំផុតពី LG ThinQ AI

ដោយ: ទំនើប 8 AM, Saturday, 31 Aug, 2019

នៅល្ងាចថ្ងៃទី 28 ខែ សីហា ឆ្នាំ 2019 កន្លងទៅនេះ ក្រុមហ៊ុន LG Electronics និងក្រុមហ៊ុន GGear Group ( ជីហ្គៀ គ្រុប ) ដែលជាក្រុមហ៊ុនដៃគូរយុទ្ធសាស្រ្តតែ...

Tomnerb.Com - YouTube Channel