ចូលចិត្តទំនើប

តោះ! មកស្វែងយល់ពី នាឡិកាឆ្លាតវៃ ស៊េរីចុងក្រោយបង្អស់របស់ Fossil

ដោយ: ភារុន 8 AM, Friday, 09 Aug, 2019

នាឡិកាឆ្លាតវៃរបស់ Fossil មានសមត្ថភាពខ្ពស់ ប៉ុន្តែវាមិនសូវមានភាពលេចធ្លោក្នុងចំណោមនាឡិកាឆ្លាតវៃដទៃទៀត ដែលដំណើរការដោយប្រព័ន្ធប្រតិបត្តិការ Wear OS ។ ឧទាហរណ៍ៈ នាឡិកាឆ្លាតវៃ Gen 5 Fossil ថ្មី ដែលជានាឡិកាឆ្លាតវៃ Touchscreen របស់ក្រុមហ៊ុនមានលក្ខណៈពិសេសប្លែកៗមួយចំនួន ដែលផ្តល់ភាពងាយស្រួល ក្នុងការផ្តល់ការណែនាំ ទៅលើការប្រកួតប្រជែង ជាពិសេសភាពជាប់ធន់បានយូររបស់វា។ លើសពីនេះ Extended Battery Mode ថ្មីរបស់នាឡិកាឆ្លាតវៃនេះ អាចជួយឱ្យនាឡិកាមានរយៈប្រើប្រាស់បានច្រើនថ្ងៃ ក្នុងពេលសាកថ្មម្តង។ ម្យ៉ាងទៀត ការជូនដំណឹងផ្សេងៗ និងកម្មវិធីតាមដានចង្វាក់បេះដូងរបស់នាឡិកា ក៏អាចធ្វើឱ្យអ្នកប្រើប្រាស់អាចកំណត់ពេលវេលា សម្រាប់ធ្វើសកម្មភាព ផ្សេងៗនៅក្នុងជីវភាពប្រចាំថ្ងៃ។

នាឡិកាឆ្លាតវៃ ម៉ូដែល FTS ដំបូងបង្អស់របស់ Fossil ដែលមានបំពាក់ Speaker មិនត្រឹមតែប៉ុណ្ណោះទេ ថែមទាំងមាន បំពាក់មីក្រូហ្វូន ដែលធ្វើឱ្យនាឡិកាមិនត្រឹមតែផ្តល់ Audible Feedback សម្រាប់សំឡេងបញ្ជាប៉ុណ្ណោះទេ ប៉ុន្តែថែមទាំងអនុញ្ញាតឱ្យអ្នកឆ្លើយឆ្លងទៅនឹងការហៅទូរស័ព្ទរបស់អ្នកបានទៀត ហើយរួមបញ្ចូលទាំងអ្នកប្រើប្រាស់ទូរស័ព្ទ iPhone ផង ដែរ។ បន្ថែមលើនេះ Fossil កំពុងបន្ថែមកម្មវិធីមួយ ដែលនឹងអនុញ្ញាតឱ្យអ្នកនិយមប្រើប្រាស់ផលិតផល Apple អាចទំនាក់ទំនងគ្នាតាមរយៈការហៅទូរស័ព្ទបាន។ ម្យ៉ាងទៀតក្រុមហ៊ុន Fossil ក៏បាននិយាយថា វាគឺជាលើកទីមួយហើយ ដែលជាជំរើស មួយនៃឧបករណ៍ ដែលដំណើរការប្រព័ន្ធ Wear OS។ ក្រុមហ៊ុនក៏បានបញ្ជាក់ថា នាឡិកាឆ្លាតវៃថ្មីនេះ មាន Speaker ដែលធន់នឹងទឹក ដូច្នេះអ្នកពាក់អាចហែលទឹកលេងកម្សាន្តបាន ដោយមិនចាំបាច់ព្រួយបារម្ភ។





ម្យ៉ាងទៀត នាឡិកាឆ្លាតវៃថ្មីនេះ ក៏ត្រូវបានរំពឹងថា នឹងមានឃ្លាំងផ្ទុកទិន្នន័យទ្វេរដង (ម៉ូដែលមុនមានឃ្លាំងផ្ទុកទំហំ 8GB) ព្រមទាំងមានVersion ដ៏ទំនើបដូចជា Google Pay និងប្រព័ន្ធប្រតិបត្តិការ Wear OS ចុងក្រោយបង្អស់។ លើសពីនេះ អ្នកប្រើប្រាស់ក៏នឹងទទួលបានបន្ទះឈីប Snapdragon Wear 3100 ផងដែរ។
លក្ខណៈពិសេសផ្សេងៗទៀតរបស់នាឡិកាឆ្លាតវៃថ្មីនេះ រួមមាន៖
ផ្ទៃផ្នែកកញ្ចក់មុខទំហំ 44m
អេក្រង់ទំហំ 1.3-inch
តួដែក និងខ្សែ មានទំហំធំជាងមុន
រចនាម៉ូត មានលក្ខណៈស្រដៀងគ្នានឹងនាឡិកាហាត់កីឡា និងរចនាម៉ូត ដោយបង្កប់ដោយត្បូងគ្រីស្តាល់ភ្លឺផ្លេក
សម្រាប់តម្លៃរបស់នាឡិកាឆ្លាតវៃថ្មីនេះ គឺ $295 ថ្វីត្បិតតែវាមិនមែនជាតម្លៃមួយថោក ប៉ុន្តែអ្នកកំពុងទទួលបានបទពិសោធន៍ក្នុងការក្លាយម្ចាស់នាឡិកាឆ្លាតវៃដ៏ទំនើប និងទាន់សម័យកាល៕

ប្រភព: engadget ផ្នែក: បច្ចេកវិទ្យា, នាឡិកា

អត្ថបទអ្នកចង់អាន

Apple នាំយក iPad Air ត្រឡប់មកវិញហើយ

ដោយ: ដួងច័ន្ទ 9 AM, Thursday, 21 Mar, 2019

ក្រុមហ៊ុន Apple បាននឹងកំពុងនាំយកផលិតផល iPad Air ត្រឡប់មកវិញហើយ ជាមួយនឹងម៉ូដែលមានទំហំកាន់តែធំ។ នៅថ្ងៃនេះ ព្រមគ្នាជាមួយផលិតផល iPad Mini ថ្មី ក្រុមហ៊ុ...

លក្ខណៈពិសេស របស់ទូរសព្ទរមូរ របស់ Samsung

ដោយ: ដួងច័ន្ទ 8 AM, Saturday, 10 Nov, 2018

ក្រុមហ៊ុន Samsung បានធ្វើសេចក្តីសង្ខេបបង្ហាញពីផលិតផលថ្មីរបស់ក្រុមហ៊ុនគឺ Infinity Flex Display Device នៅថ្ងៃនេះ ដែលជាប្រភេទទូរសព្ទបត់រមូរបាន ប្រភេទ ...

ហាង​ LG Brand Shop មានកម្មវិធីលក់ប្រចាំឆ្នាំដ៏អស្ចារ្យ

ដោយ: ទំនើប 1 PM, Tuesday, 18 Dec, 2018

ដើម្បីចូលរួមអបអរសារទរនៅក្នុងរដូវកាលបុណ្យ ណូអែល និង ឆ្លងឆ្នាំសកល ឆ្នាំ 2019 នាពេលខាងមុខនេះ ហាងលក់ គ្រឿងអេឡិចត្រូចនិច LG Brand Shop បានរៀបចំនូវកម្មវិ...

ភ្ញាក់ផ្អើលជាមួយ Laptop ធ្វើពីស្បែករបស់ HP!

ដោយ: ដួងច័ន្ទ 8 AM, Friday, 05 Oct, 2018

យើងគិតថា MacBook ជា Laptop ដ៏ប្រណិតមួយ ប៉ុន្តែតើអ្នកមានធ្លាប់គិតទេថា Laptop ធ្វើពីស្បែក តើប្រណិតយ៉ាងណា? នេះជាអ្វីដែលក្រុមហ៊ុន HP កំពុងនាំមកជូនយើងទា...

Tomnerb.Com - YouTube Channel