ចូលចិត្តទំនើប

Firefox អភិវឌ្ឍន៍មុខងារកាន់តែប្រសើរ

ដោយ: ដួងច័ន្ទ 8 AM, Thursday, 01 Nov, 2018

ក្រុមហ៊ុន Mozilla កំពុងព្យាយាមធ្វើអ្វីម្យ៉ាង ដើម្បីដោះស្រាយបញ្ហាដែលអ្នកប្រើប្រាស់មួយចំនួន កំពុងធុញទ្រាន់ ដូចជាអារម្មណ៍ដ៏គួរឱ្យធុញថប់នៅពេលអ្នកគិតពីអ្វីម្យ៉ាង ហើយភ្លាមៗនោះ ការផ្សព្វផ្សាយពាណិជ្ជកម្មអំពីរឿងនោះក៏លេចឡើង។

ជាមួយការ Update ថ្មីរបស់ Firefox មុខងារ Anti-Tracking Measures ត្រូវបានដាក់ឱ្យដំណើរការ ដែលនឹងជួយការពារគេហទំព័រនានាពីការតាមដានអ្នក នៅពេលដែលអ្នកផ្លាស់ប្តូរពីគេហទំព័រមួយទៅមួយទៀត។

ករណីនេះកើតឡើងមួយឆ្នាំបន្ទាប់ពី ការ Update ធំបំផុតរបស់ Firefox គឺ Quantum ដែលបាននាំមកនូវល្បឿនដំណើរការកាន់តែលឿន ក៏ដូចជាការការពារពីការ Tracking ផងដែរ។
Version ចុងក្រោយបង្អស់របស់ Firefor គឺ 63 នឹងដាក់ដំណើរការមុខងារ Enhanced Tracking Protection ថ្មី ដែលបំពេញតាមការទាមទាររបស់អ្នកប្រើប្រាស់ ដែលមានបំណងចង់បានឯកជនភាពកាន់តែច្រើន។

ជាមួយការ Update នេះ អ្នកប្រើប្រាស់អាចបិទដំណើរការ Cookies នានា និងការចូលទៅប្រើប្រាស់ឃ្លាំងស្តុកទិន្នន័យពីជនដទៃ ឬ Third-Party Tracker។ នៅក្នុងនោះ អ្នកនៅតែមានជម្រើសក្នុងការ Block គ្រប់ Cookies ទាំងអស់នៅក្រោម Preference ប៉ុន្តែការធ្វើដូចនេះនឹងធ្វើឱ្យដំណើរការគេហទំព័រប្រព្រឹត្តិទៅដោយមិនរលូន។

ចាប់តាំងពីដាក់ឱ្យដំណើរការ Firefox Quantum ក្រុមការងារ Mozilla បានកត់សម្គាល់ឃើញថា មានអ្នកប្រើប្រាស់កាន់តែច្រើនប្រើប្រាស់មុខងារ Tracking Protection ដោយដំណើរការវាជាមុខងារ Always On។ វាត្រូវបានបិទ ដោយ Default ហើយវានឹងដំណើរការដោយស្វ័យប្រវត្តិ នៅពេលអ្នកប្រើប្រាស់ប្តូរទៅ Private Browsing។ ប៉ុន្តែហេតុអ្វីក្រុមហ៊ុន Mozilla មិនដាក់ឱ្យមុខងារ Tracking Protection ដំណើរការជា Default តាំងពីចាប់ផ្តើមដំបូង? ចម្លើយគឺ ការបិទមុខងារ Tracking ទាំងអស់អាចបណ្តាលឱ្យគេហទំព័រទាំងមូលមានបញ្ហា។ ក្រុមហ៊ុន Mozilla ត្រូវដំណើរការ និងជួសជុលបញ្ហានេះ ដើម្បីធានាថាទំព័រនីមួយៗត្រូវបានដំណើរការដោយត្រឹមត្រូវ។ ហើយ Mozilla មិនចង់បិទ Cookies ទាំងអស់ទេ ក្រុមហ៊ុនគ្រាន់តែចង់បិទ Cookie ណាដែលជាភាគីទីបី ដែលតាមដានអ្នកប្រើប្រាស់ពីគេហទំព័រមួយទៅមួយប៉ុណ្ណោះ។

នៅក្នុងនោះក៏មានបញ្ហាដែលមានបំណងរំខានដល់គេហទំព័រតូចៗ និងនិងអ្នកបង្កើតមាតិកានៅលើគេហទំព័រ ដោយធ្វើការបិទគ្រប់ការផ្សព្វផ្សាយពាណិជ្ជកម្មទាំងអស់។ ក្រុមហ៊ុន Mozilla មិនប្រឆាំងជាមួយការផ្សព្វផ្សាយពាណិជ្ជកម្មទេ ព្រោះនេះជាមធ្យោបាយស្វែងរកប្រាក់ចំណូល។ ប៉ុន្តែក្រុមហ៊ុនស្វែងយល់ឃើញថា Online Tracking កាន់តែរីករាលដាលធំឡើង។
មុខងារ Enhanced Tracking Protection នឹងផ្តល់ឱ្យអ្នកនូវអត្ថប្រយោជន៍នៃការមិនទទួលរង Tracking ខណៈដែលវានៅតែអនុញ្ញាតឱ្យគេហទំព័រនៅតែអាចស្វែងរកប្រាក់ចំណូលពីការផ្សព្វផ្សាយពាណិជ្ជកម្ម។

ក្រុមហ៊ុន Mozilla ជាក្រុមហ៊ុនស្ថិតនៅលំដាប់ជួរមុខគេ ក្នុងការផ្តល់ឱ្យអតិថិជននូវជម្រើសកាន់តែច្រើនសម្រាប់ការពារឯកជនភាពពីការតាមដាន។ កាលពីដើមខែនេះ ក្រុមហ៊ុន Mozilla បានប្រកាសថាក្រុមហ៊ុននឹងធ្វើការសហការជាមួយ ProtonVPN ដើម្បីធ្វើតេស្តសាកល្បងលើ បណ្តាញ Virtual Private ថ្មី ក្នុងតម្លៃ $10 ក្នុងមួយខែ។ ហើយនៅក្នុងនោះក៏មាន Firefox Monitor ឥតគិតថ្លៃមួយ ដែលជាសេវាកម្ម ដែលនឹងប្រាប់អ្នកពីពេលវេលាដែល Password របស់អ្នកត្រូវបានសម្របសម្រួល៕

អត្ថបទអ្នកចង់អាន

កំប៉ុងអំបិលដ៏ឆ្លាតវៃ ផ្លាស់ប្តូរវិធីដាក់គ្រឿងផ្សំ ក្នុងម្ហូបរបស់អ្នក

ដោយ: ដួងច័ន្ទ 9 PM, Friday, 19 May, 2017

អំបិល ជាគ្រឿងផ្សំដ៏សំខាន់ នៅក្នុងផ្ទះបាយ ហើយនាពេលនេះ វាត្រូវបានវិវត្តបច្ចេកវិទ្យាថ្មី ដែលជាគុណសម្បត្តិនៃក្រុមហ៊ុនផលិតសម្ភារៈ សម្រាប់ការរស់នៅប្រចាំថ...

វិធីសាស្រ្តរក្សាទុកទិន្នន័យ Google Photos

ដោយ: ដួងច័ន្ទ 7 AM, Wednesday, 26 Jun, 2019

នាពេលនេះ មុខងារផ្ទេរទិន្នន័យ (Synchronize) ដោយស្វ័យប្រវត្តិរវាងកម្មវិធី Google Photos និង Google Drive ត្រូវបានបញ្ចប់ តើយើងអាចធ្វើយ៉ាងដូចម្តេច ដើម្...

SAMSUNG ប្រកាសចេញ​លក់ Galaxy S7 និង S7 edge ពណ៌ឈូកមាស​ថ្ងៃ​នេះ

ដោយ: WangSang 10 PM, Wednesday, 20 Apr, 2016

Samsung បាន​ប្រកាស​ជា​ផ្លូវ​ការ​នូវ​​ជម្រើស​ពណ៌​ថ្មី សម្រាប់​ទូរស័ព្ទ​ម៉ូដែល​ថ្មី​របស់​ខ្លួន​នោះ​គឺ Galaxy S7/ S7 edge ពណ៌ឈូកមាស។ ពណ៌ថ្មីនេះ​នឹង​ចា...

ទីបំផុត! Snapchat មាន Lens សម្រាប់សត្វឆ្កែ ចេញជាផ្លូវការហើយ

ដោយ: ភារុន 8 AM, Monday, 31 Dec, 2018

កាលពីខែតុលា កន្លងទៅនេះ Snapchat ដែលជាកម្មវិធីផ្ញើសារពហុមេឌៀ ដែលត្រូវបានប្រើប្រាស់ជាសកល ហើយក៏បានធ្វើការណែនាំអំពី ការគាំទ្ររបស់ខ្លួនជាផ្លូវការ ដល់ការ...

Tomnerb.Com - YouTube Channel