ចូលចិត្តទំនើប

FCC បង្កើត «តំបន់ច្នៃប្រឌិតថ្មី» ចំនួន2 ដើម្បីសាកល្បងបច្ចេកវិទ្យាឥតខ្សែជំនាន់ក្រោយបង្អស់!

ដោយ: ភារុន 10 AM, Friday, 20 Sep, 2019

ទីភ្នាក់ងារ FCC កំពុងគាំទ្រដល់ការជំរុញបច្ចេកវិទ្យាឥតខ្សែជំនាន់ក្រោយបង្អស់ នោះគឺប្រព័ន្ធ «5G» តាមរយៈការរៀបចំតំបន់ទាំងមូល ដែលផ្តោតទៅលើបច្ចេកវិទ្យាដ៏ជឿនលឿន នោះគឺការបង្កើត «តំបន់ច្នៃប្រឌិតថ្មី» ដែលបកប្រែពីភាសាអង់គ្លេស «Innovation Zone» ចំនួន2 នៅក្នុងទីក្រុងញូវយ៉ក និងទីក្រុង Salt Lake ដែលទីក្រុងទាំងពីរនេះនឹងក្លាយជាកន្លែងសាកល្បងសម្រាប់ប្រព័ន្ធ 5G និងទម្រង់ឥតខ្សែដទៃទៀតផងដែរ។ ដូច្នេះ វាផ្តល់ភាពងាយស្រួលដល់អ្នកចូលរួម ក្នុងការពិសោធន៍កាន់តែច្រើន ក្រោមការយល់ព្រមតែមួយគត់ពី FCC តែមួយគត់ បើទោះបីជាពួកគេមិនមានទំនាក់ទំនងគ្នានឹងគ្នាក៏ដោយ។ ជាទូទៅ ក្រុមហ៊ុន និងអ្នកចូលរួម អាចធ្វើការសាកល្បងស្រាវជ្រាវ ដើម្បីធ្វើការជម្រុញព្រំដែននៃប្រព័ន្ធទូរស័ព្ទចល័តនៅលើបណ្តាញអ៊ីនធឺណិត ឬ បណ្តាញក្នុងស្រុក ដោយមិនមានការរំខានដល់សេវាកម្មប្រចាំថ្ងៃ។


អ្នកធ្វើតេស្ត ចាំបាច់ត្រូវតែគោរពទៅតាមគោលការណ៍ ដែល FCC បានណែនាំនៅក្នុងតំបន់ រួមទាំងគោរពសិទ្ធអ្នកគ្រប់គ្រងតំបន់ និងផ្តល់ការជូនដំណឹងជាមុន សម្រាប់គម្រោងអ្វីមួយរបស់ខ្លួន។
តំបន់ទីមួយ «ទីក្រុងញូវយ៉ក» នឹងគាំទ្រដល់ COSMOS នៅ West Harlem ហើយវាត្រូវបានគ្រប់គ្រងដោយសាកលវិទ្យាល័យ Columbia, សាកលវិទ្យាល័យ Rutgers, និងសាកលវិទ្យាល័យ NYU។ តំបន់ទីពីរ «ទីក្រុង Salt Lake» នឹងត្រូវបានគាំទ្រដល់ប្រព័ន្ធ POWDER និងដំណើរការនៅតាមច្រករបៀងជាច្រើន ដែលមានភ្ជាប់ជាមួយនឹងប្រព័ន្ធ «5G» ជាមួយនឹងការដឹកនាំរបស់សាកលវិទ្យាល័យ Rice និងសាកលវិទ្យាល័យ Utah។



ប៉ុន្តែ ពួកគេមិនមានការធានាថា តំបន់ទាំងពីរនេះ នឹងវិវត្តទៅរកភាពជោគជ័យឈានមុខគេនោះទេ។ ម្យ៉ាងទៀត វាគ្រាន់តែផ្តល់ភាពងាយស្រួល ក្នុងការកំណត់ចន្លោះតំបន់អភិវឌ្ឍន៍ ប៉ុន្តែវាក៏នៅមានបញ្ហាមួយចោទឡើងផងដែរ នោះគឺការទាក់ទាញអ្នកអភិវឌ្ឍន៍មករួមគ្នា ដែលអាចធ្វើឱ្យឧស្សាហកម្មនេះរញ្ជួយបាន។ វាមិនញឹកញាប់ទេ ដែលអ្នកចូលរួមសាកល្បងបច្ចេកវិទ្យាឥតខ្សែនេះ នឹងអាចចូលទៅកាន់តំបន់ធំៗ៕

អត្ថបទអ្នកចង់អាន

ជើងទម្រ សម្រាប់សាកថ្មទូរសព្ទទាំង ១០ ប្រភេទ ដ៏ទាន់សម័យ

ដោយ: ដួងច័ន្ទ 7 PM, Thursday, 16 Mar, 2017

បើសិនជាអ្នកបានឃើញ ទូរសព្ទរបស់អ្នកបង្ហាញថា ថាមពលថ្មនៅសល់តែ ១០ភាគរយទៀត តម្រូវឱ្យអ្នកបញ្ចូលថ្មជាបន្ទាន់ ប៉ុន្តែអ្នកមិនមានឧបករណ៍សាកថ្ម នៅក្បែរខ្លួន។ នេ...

កាន់តែប្លែកជាមួយ Keyboard ពីរជាន់!

ដោយ: ដួងច័ន្ទ 8 AM, Friday, 07 Jun, 2019

ផលិតផល Keyboard ហាក់ដូចជាមិនមានអ្វីថ្មី គួរឱ្យទាក់ទាញចំណាប់អារម្មណ៍សោះមែនទេ? ជាមួយនឹងការរចនាទម្រង់វែង មាន Layout កម្រាស់ស្តើង ទាមទារឱ្យអ្នកត្រូវធ្វ...

Xiaomi Black Shark 2 ជម្រើសថ្មីសម្រាប់លេងហ្គេម

ដោយ: ដួងច័ន្ទ 9 AM, Thursday, 21 Mar, 2019

ថ្ងៃនេះ ក្រុមហ៊ុន Xiaomi បានប្រកាសអំពីផលិតផលទូរសព្ទ Smartphone ថ្មីសម្រាប់ការលេងហ្គេម នោះគឺម៉ូដែល Black Shark 2។ កាលពីឆ្នាំមុន ក្រុមហ៊ុននេះបានបញ្ចេ...

ឧបករណ៍បន្ថែម ដ៏ចម្លែករបស់ iPhone

ដោយ: ចរិយា 10 PM, Wednesday, 07 Dec, 2016

iPhone ជាទូរសព្ទដ៏ពេញនិយម សម្រាប់ប្រជាជនកម្ពុជា។ ទូរសព្ទនេះចេញស៊េរីអី ក៏មកដល់កម្ពុជាដែរ។ ប៉ុន្តែ ឧបករណ៍បន្ថែម សម្រាប់ប្រើជាមួយ iPhone គ្មានអ្វីក្រៅ...

Tomnerb.Com - YouTube Channel