ចូលចិត្តទំនើប

Messenger នឹងមកដល់លើ Desktop

ដោយ: ដួងច័ន្ទ 8 AM, Saturday, 04 May, 2019

គម្រោងផែនការរបស់ Facebook ក្នុងការផ្តោតលើការផ្ញើសារជាលក្ខណៈឯកជន នាពេលនេះទទួលបានសមាសភាព Software នៅលើ Desktop ហើយ។ ក្រុមហ៊ុនបានរៀបរាប់នៅថ្ងៃនេះថា ក្រុមហ៊ុនអាចនឹងនាំយកកម្មវិធី Messenger ដែលជាកម្មវិធីផ្ញើសារដ៏ពេញនិយម ទៅកាន់ Mac និង Window នៅក្នុងឆ្នាំនេះ។

ក្រុមហ៊ុន Facebook បានធ្វើការប្រកាសនេះនៅក្នុងសន្និសីទ F8 Developer របស់ខ្លួននៅក្នុងទីក្រុង San Jose រដ្ឋ California នៅថ្ងៃនេះ។
បច្ចុប្បន្ននេះ មានចំនួននៃការប្រើប្រាស់ទូរសព្ទចល័តច្រើនណាស់នៅទូទាំងពិភពលោក ច្រើនជាងការប្រើប្រាស់កុំព្យូទ័រលើតុ ហើយល្បឿនៃការអភិវឌ្ឍសម្រាប់បច្ចេកវិទ្យាកុំព្យូទ័រក៏បានធ្លាក់ចុះតាមនោះដែរ។ ប៉ុន្តែសម្រាប់អ្នកធ្វើការនៅក្នុងការិយាល័យ ដែលចំណាយពេលមួយថ្ងៃភាគច្រើនប្រើប្រាស់ Mac ឬ PC ចាត់ទុកការផ្ញើសារគឺមុខងារស្នូល ហើយកម្មវិធីផ្ញើសារដែលប្រើប្រាស់ជាប្រចាំមួយអាចរក្សាឱ្យពួកគេស្ថិតនៅក្នុងប្រព័ន្ធ Ecosystem របស់ Facebook ក្នុងរយៈពេលច្រើនម៉ោងក្នុងមួយថ្ងៃ។
នៅក្នុងសុន្ទរកថារបស់ Facebook បានលើកឡើងថា «អ្នកប្រើប្រាស់ចង់បានការផ្ញើសារដោយគ្មានឧបសគ្គចេញពីគ្រប់ឧបករណ៍ទាំងអស់ ហើយពេលខ្លះពួកគេគ្រាន់តែចង់បានកន្លែងបន្ថែមតូចមយយសម្រាប់ចែករំលែក និងភ្ជាប់ទំនាក់ទំនងជាមួយមនុស្សដែលពួកគេយកចិត្តទុកដាក់ខ្លាំង»។
ការបោះជំហានថ្មីមួយនេះ ក៏ជួយឱ្យកម្មវិធី Messenger ក្លាយទៅជាផលចំណេញមួយ ដោយធ្វើឱ្យវាក្លាយជាកន្លែងកាន់តែទាក់ទាញសម្រាប់មុខជំនួញអាជីវកម្មនានា ក្នុងការទិញយកការផ្សព្វផ្សាយពាណិជ្ជកម្ម។ ក្រុមហ៊ុន Facebook មានបំណងចង់បន្ថែមឧបករណ៍អាជីវកម្មផ្សេងទៀត នៅក្នុងកម្មវិធីផ្ញើសាររបស់ក្រុមហ៊ុនផងដែរ ធ្វើឱ្យវាក្លាយជាបណ្តាញដំបូងសម្រាប់ទីផ្សារអាជីវកម្ម និងសេវាកម្មអតិថិជនដ៏មានប្រសិទ្ធភាពមួយ។

Version នៅលើ Desktop របស់ Messenger នឹងបន្ថែមមុខងារ Audio Calls, Group Video Calls និងមុខងារដទៃទៀត ដែលស្រដៀងគ្នានឹងមុខងារនានានៅលើ Version ក្នុងទូរសព្ទដៃ។ វាទំនងជាអាស្រ័យលើគេហទំព័រ Messenger.com ជាប្រភេទ Web-Based Version នៃកម្មវិធី Messenger របស់ Facebook ដែលជាជម្រើសលឿនជាងមុនសម្រាប់ការប្រើប្រាស់កម្មវិធី Messenger ចេញពី Web Interface របស់ Facebook។
ក្រុមហ៊ុន Facebook បានបញ្ជាក់ថា App នៅលើ Desktop នាពេលនេះកំពុងធ្វើការសាកល្បង និងវានឹងបង្ហាញវត្តមានជាសកលនៅពេលណាមួយនៅក្នុងឆ្នាំនេះ៕

អត្ថបទអ្នកចង់អាន

ទូរសព្ទ Moto Z2 Play លេចព័ត៌មានអំពីមុខងារលម្អិត ដែលមានថ្មកាន់តែតូច

ដោយ: ដួងច័ន្ទ 9 AM, Wednesday, 10 May, 2017

យើងទទួលបានព័ត៌មានបែកធ្លាយ អំពីទូរសព្ទម៉ូដែលថ្មី Moto Z2 Play ហើយនៅពេលនេះយើងទទួលបានព័ត៌មានពីមុខងារលម្អិតផងដែរ។ ទោះបីជាវាការវិវត្តដ៏ល្អប្រសើរមួយ ប៉ុន...

បច្ចេកវិទ្យាដ៏ទំនើបរបស់ម៉ាស៊ីនបោកគក់ LG

ដោយ: ដួងច័ន្ទ 9 AM, Thursday, 09 Aug, 2018

ម៉ាស៊ីនបោកគក់ជំនាន់ថ្មីរបស់ LG ប្រភេទ Centum System មានបំពាក់មុខងារដែលបង្កប់ដោយបច្ចេកវិទ្យាឈានមុខ ជាច្រើនប្រភេទ។ ក្នុងចំណោមបច្ចេកវិទ្យាទំនើបៗទាំង...

មានអ្វីពិសេសពី Fujifilm X-T30

ដោយ: ដួងច័ន្ទ 9 AM, Thursday, 21 Feb, 2019

ក្រុមហ៊ុន Fujifilm គឺជាក្រុមហ៊ុនជំនាញផលិតផលកាមេរ៉ា Retro ហើយក្រុមហ៊ុននេះនៅតែបន្តនិន្នាការរបស់ខ្លួនក្នុងការផលិត ដើម្បីប្រកួតប្រជែងនៅក្នុងទីផ្សារ ជាព...

ម៉ាស៊ីនបោកគក់ដ៏សក្តិសមសម្រាប់អ្នករស់នៅក្នុងខុនដូ

ដោយ: ដួងច័ន្ទ 10 AM, Tuesday, 07 Aug, 2018

ថ្ងៃនេះ ទំនើប សូមណែនាំមិត្តអ្នកអាននូវម៉ាស៊ីនបោកគក់ម៉ូដែលថ្មីពី LG គឺម៉ូដែល FC1408D4W ដែលជាម៉ាស៊ីនបោកគក់ និងសម្ងួតក្នុងម៉ាស៊ីនតែមួយ។ នេះជាជម្រើសម៉ា...

Tomnerb.Com - YouTube Channel