ចូលចិត្តទំនើប

ដំណឹងល្អ! សម្រាប់អ្នកលក់តាមអនឡាញ ឥឡូវនេះ Facebook កំពុងសាកល្បងShopping Mode សម្រាប់ការ Live លក់ផ្ទាល់

ដោយ: ភារុន 8 AM, Thursday, 20 Dec, 2018

បច្ចុប្បន្ននេះ Facebook កំពុងសាកល្បងលក្ខណៈពិសេសថ្មីមួយ ដែលអនុញ្ញាតឱ្យអ្នកធ្វើអាជីវកម្មលក់ទំនិញតាមអនឡាញ កាន់តែមានប្រសិទ្ធភាព ចំពោះការ Live ផ្ទាល់នូវមុខទំនិញដែលពួកគេលក់។ នៅពេលដែលអ្នកលក់កំពុងបង្ហាញទំនិញ នៅលើ Page របស់ពួកគេនោះ អតិថិជនអាចឃើញប៊ូតុង Screenshot ដែលអនុញ្ញាតឱ្យអតិថិជនថតរូបទំនិញដែលពួកគេចង់ទិញ នឹងផ្ញើសារទៅអ្នកលក់ដោយផ្ទាល់ភ្លាមៗ។ លើសពីនេះ អ្នកលក់ក៏អាចផ្ញើសារសំណើរទូទាត់លុយ តាមរយៈ Messenger ដើម្បីសម្រួលដល់ដំណើរការលក់ផងដែរ។

យោងតាមសារព័ត៌មាន TechCrunch បានឱ្យដឹងថា លក្ខណៈពិសេសនេះ នឹងត្រូវបានសាកល្បងនៅប្រទេសថៃ ដែលនៅទីនេះមានអ្នកលក់តាមអនឡាញច្រើនសន្ធឹកសន្ធាប់ បាននាំយកទំនិញរបស់ខ្លួនទៅ Live លក់នៅលើបណ្តាញសង្គម Facebook ហើយផលិផលទាំងនោះមានដូចជា ផលិផលគ្រឿងសម្អាង កាបូប ស្បែកជើង ខោអាវ និងទំនិញផ្សេងៗទៀតជាច្រើន។ អ្នកលក់គ្រាន់តែកំណត់ពេលវេលា Live ដូចធម្មតា ដើម្បីបង្ហាញផលិតផលថ្មីៗ និងគំរូទំនិញជាដើម ទៅឱ្យអ្នកទិញដែលកំពុងមើល Facebook។ ម្យ៉ាងទៀតលក្ខណៈពិសេសនេះ ក៏ផ្តល់ឱ្យនូវការលើកទឹកចិត្តពិសេសៗ ដោយអ្នកលក់នឹងផ្តល់នូវរបស់អ្វីមួយឥតគិតថ្លៃបន្ងែម ទៅដល់អតិថិជនណាដែលបាន Share នូវការ Live ផ្ទាល់របស់ខ្លួននៅលើ New Feed របស់ពួកគេ។

លោក Mayank Yadav អ្នកគ្រប់គ្រងសេវាកម្មរបស់ក្រុមហ៊ុន Facebook ប្រចាំនៅប្រទេសថៃ បាននិយាយថា «ប្រទេសថៃគឺជាទីផ្សារដ៏សកម្មបំផុតរបស់យើង»។ នាពេលបច្ចុប្បន្ននេះ អ្នកលក់ទំនិញ ជាទូទៅប្រើមធ្យោបាយដោយខ្លួនឯងដើម្បីកត់ត្រាការលក់ ឬក៏ ការហៅទូរស័ព្ទទៅអ្នកទិញជាលក្ខណៈបុគ្គល ដោយប្រើ stream ក្នុងការផ្ញើសារទៅពួកគេ ជាមួយនឹងព័ត៌មានការទូទាត់ប្រាក់ផងដែរ។
ជាមួយនឹងការប្រើ មធ្យោបាយដោយខ្លួនឯងនេះ នឹងធ្វើឱ្យមានការភាន់ច្រឡំ ទាំងអ្នកទិញ និងអ្នកលក់ ដោយសារតែនៅពេលខ្លះការផ្សាយអាចផ្លាស់ប្តូរឆាប់រហ័សពេក គឺអ្នកលក់ផ្លាស់ប្តូរពីផលិផលមួយទៅផលិតផលមួយផ្សេងទៀតភ្លាមៗពេក។

ដូច្នេះក្រុមហ៊ុន Facebook បាននិយាយថា វានឹងមិនទទួលយក ការកាត់លុយ ដែលបានធ្វើឡើងតាមរយៈការ Live ផ្ទាល់ជាមួយនឹងលក្ខណៈពិសេសថ្មីនេះទេ។ ប៉ុន្តែក្រុមហ៊ុនក៏មិនទាន់បង្ហាញព័ត៌មានលម្អិត ថាតើលក្ខណៈពិសេសថ្មីនេះ នឹងអាចនាំទៅកាន់ប្រទេសផ្សេងៗទៀតដែរឬទេ? ប្រសិនបើលក្ខណៈថ្មីនេះនឹងដំណើរការបានពេញលេញនៅក្នុងប្រទសថៃ។

អត្ថបទអ្នកចង់អាន

រីករាយការផ្តល់ជូនយ៉ាងពិសេស ពី LG BrandShop ក្នុងឪកាស សួស្តីឆ្នាំថ្មី

ដោយ: ទំនើប 6 PM, Monday, 27 Mar, 2017

ដើម្បីចូលរួមអបអរសារទរ ក្នុងឪកាសបុណ្យចូលឆ្នាំខ្មែរ នាពេលខាងមុខនេះ LG BrandShop បានរៀបចំផ្តល់ជូននូវកម្មវិធីលក់យ៉ាងពិសេស ដល់អតិថិជនទាំងអស់ ដែលមានការលក...

រូបសាក់បែប High-Tech អាចបញ្ជូនទិន្នន័យ ពីស្បែកទៅកាន់ទូរសព្ទ

ដោយ: ដួងច័ន្ទ 8 PM, Sunday, 23 Apr, 2017

ការសាក់លោហៈនៅលើស្បែក ដែលមានបង្កប់បច្ចេកវិទ្យានៅផ្ទៃខាងលើ អាចនឹងក្លាយជាការពេញ និយមនាពេលអនាគត។ លោកស្រី Cindy Hsin-Liu Kao និសិត្សថ្នាក់ Ph.D នៃសាកលវិ...

Falyon ផលិតអាវក្រៅ ដ៏អស្ចារ្យ

ដោយ: ដួងច័ន្ទ 5 PM, Thursday, 18 May, 2017

នេះជាអាវក្រៅ ដែលធ្វើការសម្ងួតដោយខ្លួនឯង (Self-Drying Jacket) ដែលផលិតដោយក្រុមហ៊ុន Falyon។ អាវ SDJ-02 ផ្តល់នូវសមត្ថភាពពីរ គឺផ្តល់កម្តៅ និង ផ្តល់ភាពត្...

ឥឡូវនេះអ្នកអាចប្រើ Google Map នៅក្នុង CarPlay ជាមួយប្រព័ន្ធប្រតិបត្តិការ iOS 12 របស់ Apple បានហើយ

ដោយ: ភារុន 9 AM, Friday, 09 Nov, 2018

សព្វថ្ងៃនេះជាមួយប្រព័ន្ធប្រតិបត្តិការ iOS 12 ក្រុមហ៊ុន Apple បានបន្ថែមការផ្គត់ផ្គង់សម្រាប់សេវាកម្ម Google Map ដែលជាសេវាកម្មទី3 បន្ទាប់ពីដាក់វាបញ្ចូ...

Tomnerb.Com - YouTube Channel