ចូលចិត្តទំនើប

ចំណេះដឹងអំពីការថែរក្សាយានយន្ត

ដោយ: ដួងច័ន្ទ 9 AM, Monday, 24 Dec, 2018

ការថែរក្សាយានយន្ត គឺជាកត្តាចាំបាច់មួយ ដែលអ្នកមិនគួរមើលរំលង និងទាមទារការយកចិត្តទុកដាក់ ដើម្បីយានយន្តរបស់អ្នកអាចប្រើប្រាស់បានយូរអង្វែង។ មានចំណុចជាច្រើន ដែលត្រូវបានចាត់ទុកទៅក្នុងការថែរក្សាយានយន្ត ហើយអ្នកត្រូវការស្វែងយល់កាន់តែច្រើនអំពីចំណុចសំខាន់ៗ រួមទាំងសញ្ញាតាស់តឿនជាច្រើន ដែលអាចជួយអ្នកក្នុងការបញ្ជៀសបញ្ហាបាន។ នៅក្នុងអត្ថបទខាងក្រោម អ្នកនឹងបានស្វែងយល់ពីចំណុចសំខាន់ៗ ចាំបាច់សម្រាប់ការថែរក្សាយានយន្តរបស់អ្នក។
ភ្លើងសញ្ញាព្រមាន
មនុស្សជាច្រើន មិនរីករាយទេនៅពេលរថយន្តរបស់ពួកគេបញ្ចេញភ្លើងសញ្ញាព្រមាន ដែលអាចជាសញ្ញាបង្ហាញពីដើមចមនៃបញ្ហា។ នៅពេលភ្លើងសញ្ញាព្រមានលេចឡើង វាគឺជាប្រព័ន្ធវិនិច្ឆ័យនៃរថយន្ត ដែលស្វែងរកឃើញបញ្ហា និងប្រាប់ទៅអ្នក ដើម្បីធ្វើការជួសជុលឱ្យបានឆាប់។ ភ្លាមៗ បន្ទាប់ពីភ្លើងសញ្ញាទាំងនោះលេចឡើង អ្នកគួរស្វែងយល់អំពីន័យរបស់វា ហើយធ្វើការជួសជុលឱ្យបានឆាប់ ដើម្បីបញ្ជៀសការខូចខាតកាន់តែធ្ងន់ធ្ងរ។ ដូច្នេះអ្នកត្រូវចាប់អារម្មណ៍គ្រប់សញ្ញាព្រមានខុសៗគ្នា និងធ្វើការជួសជុលឱ្យបានកាន់តែលឿន កាន់តែប្រសើរ។

រំញ័រកង់
អ្នកអាចដឹងពីរំញ័របាន នៅពេលបើកបរ បើសិនជាសម្បកកង់របស់អ្នកមិនបានតំឡើងឱ្យត្រឹមត្រូវ។ បើសិនជាករណីនេះកើតឡើង បញ្ហាដំបូងអាចកើតចេញពីការតំរៀបជួរកង់ ដែលករណីភាគច្រើន គឺកង់មិនមានតុល្យភាព ដែលទាមទារឱ្យមានការផ្លាស់ប្តូរ។ អ្នកត្រូវធ្វើការត្រួតពិនិត្យលើបញ្ហារំញ័រនេះ និងមិនគួរបន្តប្រើប្រាស់រថយន្តទៀតទេ ព្រោះវាអាចបង្កជាបញ្ហាដទៃ។

ហ្វ្រាំង
ប្រព័ន្ធហ្វ្រាំងរបស់យានយន្ត ត្រូវតែមានភាពរលូន និងដំណើរការដោយស្ងប់ស្ងាត់។ ក្នុងករណីដែលអ្នកយល់ថាមានភាពញ័រ ឬនៅពេលចាប់ហ្វ្រាំងមានលេចលឺសម្លេងកកិត អ្នកគួរធ្វើការពិនិត្យលើប្រព័ន្ធហ្វ្រាំងឱ្យបានឆាប់ ដែលបញ្ហានេះអាចបណ្តាលមកពីការអស់ស្បែកហ្វ្រាំង ឬបញ្ហាហ្វ្រាំងដទៃទៀត។

សម្ពាធកង់
ហេតុផលមួយដែលធ្វើឱ្យសម្បកកង់យានយន្តតែម្ខាងរបស់អ្នកឆាប់ខូច គឺព្រោះតែកង្វះខាតសមតុល្យសម្ពាធខ្យល់ នៅគ្រប់កង់ទាំងអស់។ សម្បកកង់ធូរខ្លាំងក៏អាចធ្វើឱ្យសម្បកកង់ឆាប់ខូចដែរ ដោយវាបណ្តាលឱ្យមានការកកិតកាន់តែច្រើន។ អ្នកត្រូវពិនិត្យកម្រិតសម្ពាធកង់យានយន្តរបស់អ្នកឱ្យបានទៀងទាត់ និងធ្វើការផ្លាស់ប្តូរ ក្នុងករណីចាំបាច់។

ប្រេងម៉ាស៊ីន
តួនាទីរបស់ប្រេងម៉ាស៊ីន គឺផ្តល់នូវប្រេងរំអិល និងធ្វើឱ្យម៉ាស៊ីនផ្នែកខាងក្នុងមានភាពត្រជាក់។ នៅក្នុងដំណើរការនេះ ប្រេងម៉ាស៊ីននឹងប្រមូលយកភាពកង្វក់ និងកាកសំណល់នានា ដែលនឹងកាត់បន្ថយសមត្ថភាពរបស់វា។ នេះជាហេតុផលដែលអ្នកគួរពិនិត្យមើលប្រេងម៉ាស៊ីនឱ្យបានទៀងទាត់ និងធ្វើការផ្លាស់ប្តូរ ដើម្បីធានាថារថយន្តរបស់អ្នកអាចដំណើរការដោយរលូន។ អ្នកគួរធ្វើការពិនិត្យមើលតម្រង់ប្រេងម៉ាស៊ីន បើសិនជាវាមានកំណក ជាសញ្ញាប្រាប់ថាអ្នកត្រូវផ្លាស់ប្តូរតម្រង់ និងប្រេងម៉ាស៊ីន។ បើសិនជាអ្នកមិនយល់អំពីការពិនិត្យគុណភាពប្រេងម៉ាស៊ីនទេ អ្នកគួរទៅកាន់យានដ្ឋានជួសជុល ដើម្បីធ្វើការត្រួតពិនិត្យ និងផ្លាស់ប្តូរ៕

 

ប្រភព: pouted ផ្នែក: បច្ចេកវិទ្យា, យានយន្ត

អត្ថបទអ្នកចង់អាន

នៅឥណ្ឌា ទៀតហើយ! Oppo F3 Lite សម្ពោធក្នុងខែតុលា

ដោយ: ស. លីង 11 PM, Tuesday, 24 Oct, 2017

នៅខែតុលា ឆ្នាំ២០១៧ នេះ មានការសម្ពោធទូរស័ព្ទថ្មីៗជាច្រើន នៅក្នុងប្រទេសឥណ្ឌា។ ក្រៅពី Huawei Honor 6C ទូរស័ព្ទដៃរបស់ចិន Oppo F3 Lite ក៏បានសម្ពោធ និងផ្...

Gadget សម្រាប់អ្នកឈ្លក់វង្វេងនឹង iPhone

ដោយ: ដួងច័ន្ទ 10 PM, Tuesday, 03 Oct, 2017

ការប្រើប្រាស់ទូរសព្ទ iPhone បានបង្ហាញពីភាពហ៊ឺហា ស៊ីវិល័យរបស់អ្នករួចជាស្រេចទៅហើយ ប៉ុន្តែដើម្បីបន្ថែមភាពងាយស្រួលក្នុងការប្រើប្រាស់ និងកាន់តែឡូយឆាយ អ្...

មានអ្វីភ្ញាក់ផ្អើលសម្រាប់ iPhone ថ្មី?

ដោយ: ដួងច័ន្ទ 5 PM, Friday, 15 Jun, 2018

នេះជាពេលវេលា ដែលត្រូវប្រឈមមុខនឹងការពិត។ ទូរសព្ទ iPhone ជាទូរសព្ទ Smartphone ដ៏ពេញនិយម ប៉ុន្តែវាមានឧបសគ្គដ៏ធំមួយ នោះគឺតម្លៃ។ យ៉ាងណាក្តីក៏ក្រុមហ៊ុន A...

Aerofex Hoverbike ម៉ូតូហោះបាន

ដោយ: ដាលីស 3 PM, Saturday, 11 Apr, 2015

បច្ចុប្បន្ន ម៉ូតូដែលយើងឃើញរៀងរាល់ថ្ងៃនេះ ពីមួយថ្ងៃទៅមួយថ្ងៃមានការអភិវឌ្ឍរូបរាង ម៉ូដម៉ាកកាន់​តែ​​ចម្លែក​ឡើង​ជារឿយៗ តែថ្មីៗក្រោយគេបំផុតនេះ មានការអភិវ...

Tomnerb.Com - YouTube Channel