ចូលចិត្តទំនើប

តើអ្នកធ្លាប់ស្គាល់កម្មវិធី SmartEdu ទេ?

ដោយ: ដួងច័ន្ទ 8 AM, Monday, 25 Mar, 2019

ប្រហែលជាមិនមានមនុស្សច្រើនទេ ដែលស្គាល់អំពីកម្មវិធី SmartEdu។ នៅក្នុងអត្ថបទខាងក្រោម ទំនើប នឹងពន្យល់លម្អិតអំពីកម្មវិធី SmartEdu ដើម្បីអនុញ្ញាតឱ្យមិត្តអ្នកអានបានស្វែងយល់កាន់តែច្បាស់ថាតើកម្មវិធីនេះជាអ្វី? និងមានសារៈសំខាន់ដូចម្តេចខ្លះ?
កម្មវិធី SmartEdu ត្រូវបានបង្កើតឡើងនៅក្នុងឆ្នាំ 2016 ដែលបង្កើតឡើងក្នុងគោលបំណងទាក់ទាញយកការផ្លាស់ប្តូរជាវិជ្ជមាន និងផ្តល់អំណាចដល់ប្រជាជនកម្ពុជា តាមរយៈវិស័យអប់រំ។ នៅក្នុងកិច្ចសហប្រតិបត្តិការជាមួយក្រសួងប្រៃសណីយ៍ និងទូរគមនាគមន៍ និងក្រសួងអប់រំ យុវជន និងកីឡា ក្រុមហ៊ុន Smart Axiata មានបំណងផ្តល់ការគាំទ្រការបណ្តុះបណ្តាលអ្នកដឹកនាំសម្រាប់កម្ពុជានៅក្នុងយុគឌីជីថល តាមរយៈកម្មវិធីអាហារូបករណ៍ SmartEdu និងកម្មវិធី SmartEdu University Student Development Program។

ទស្សនវិស័យ
កម្មវិធី SmartEdu មានបំណងផ្តល់ការគាំទ្រការបណ្តុះបណ្តាលអ្នកដឹកនាំសម្រាប់កម្ពុជា។ កម្មវិធីនេះមានផែនការផ្តល់ការគាំទ្រដល់រាជរដ្ឋាភិបាល ក្នុងការទទួលបានអ្នកមានទេពកោសល្យខ្ពស់ និងយុវវ័យដែលពោរពេញដោយមហិច្ឆតាចូលរួមយ៉ាងសកម្មក្នុងការអភិវឌ្ឍប្រទេសនៅក្នុងយុគឌីជីថលថ្មី។

បេសកកម្ម
នៅក្រុមហ៊ុន Smart Axiata ពួកគេធ្វើការចែករំលែកទស្សនវិស័យនៃការកសាងប្រភពទេពកោសល្យតាមរយៈកម្មវិធី SmartEdu។ ពួកគេចូលរួមចំណែកនៅក្នុងកម្មវិធីតាមរយៈការសាយភាយទស្សនវិស័យ «ជំរុញប្រទេសកម្ពុជាតាមរយៈវិស័យអប់រំ» ដែលជាមូលដ្ឋាននៅគ្រប់ការអប់រំ ការអភិវឌ្ឍន៍ និងកម្មវិធីដឹកនាំនានា ស្ថិតែនៅក្រោមមែកធាងកម្មវិធី SmartEdu។ ពួកគេលើកទឹកចិត្តសិស្សវិទ្យាល័យឱ្យបន្តការសិក្សានៅឧត្តមសិក្សា ស្របពេលធ្វើការឧបត្ថម្ភសិស្សដែលមានទេពកោសល្យខ្ពស់ជាងគេ ដែលមានជំនាញ និងសមត្ថភាព ដែលពួកគេជឿជាក់ថាជាអ្វីដែលអ្នកដឹកនាំនាពេលអនាគតត្រូវការ ដើម្បីប្រកួតប្រជែងនៅក្នុងប្រទេស និងអន្តរជាតិ។

កម្មវិធីអាហារូបករណ៍
ចាប់តាំងពីការដាក់ដំណើរការក្នុងឆ្នាំ 2016 កម្មវិធីអាហារូបករណ៍ SmartEdu បានពង្រីកការឧបត្ថម្ភទៅកាន់សិស្សចំនួន 10 រូប ដែលមានបំណងបន្តការសិក្សានៅសាកលវិទ្យា នៅវិទ្យាសា្ថនជាតិប្រៃសីណីយ៍ ទូរគមនាគមន៍ និងព័ត៌មានវិទ្យា។ ចាប់តាំងពីឆ្នាំ 2017 មក សិស្សចំនួន 20 រូបនឹងត្រូវបានជ្រើសរើសនៅក្នុងកម្មវិធីនេះ។ សិស្សនីមួយៗទទួលបានថវិកា $15,000 សម្រាប់បង់ថ្លៃសិក្សា និងប្រាក់ឧបត្ថម្ភប្រចាំខែ សម្រាប់ការចំណាយប្រចាំថ្ងៃ ក្នុងអំឡុងពេលសិក្សា។ សិស្សទាំងនោះក៏នឹងទទួលបានឱកាសនានា ដូចជាការចូលរួមក្នុងកម្មវិធីអភិវឌ្ឍន៍ និងជាផ្នែកមួយនៃការផ្សព្វផ្សាយ CSR ក៏ដូចជាឱកាសបម្រើការងារនៅក្រុមហ៊ុន Smart នៅពេលពួកគេបញ្ចប់ការសិក្សា។

តើអ្នកណាមានសិទ្ធិចូលរួមក្នុងកម្មវិធីនេះ?
សិស្សដែលបញ្ចប់ការសិក្សាថ្នាក់ទី 12 ជាមួយនឹងលំដាប់និទ្ទេសទាបបំផុតត្រឹមនិទ្ទេស B និងសិស្សបញ្ចប់ការសិក្សាថ្នាក់ទី 12 ដែលមានបំណងបន្តការសិក្សានៅតាមសាកលវិទ្យាល័យរដ្ឋ ដែលស្ថិតនៅក្រោមការគ្រប់គ្រងរបស់ក្រសួងអប់រំ យុវជន និងកីឡា និងក្រសួងប្រៃសណីយ៍ និងទូរគមនាគមន៍ ឬសិស្សបញ្ចប់ការសិក្សាថ្នាក់ទី 12 ដែលមានបំណងជ្រើសរើសវគ្គសិក្សាមានរយៈពេលមិនលើសពី 5 ឆ្នាំ។

អត្ថបទអ្នកចង់អាន

ហ្គេមថ្មីពីអ្នកផលិត Pokémon

ដោយ: ដួងច័ន្ទ 10 AM, Monday, 24 Sep, 2018

ក្រុមហ៊ុន Game Freak ជាក្រុមហ៊ុនផលិតវីដេអូហ្គេមរបស់ប្រទេសជប៉ុន ដែលជាក្រុមហ៊ុននៅពីក្រោយហ្គេម Pokémon។ ពេលនេះក្រុមហ៊ុនមួយនេះកំពុងដំណើរការផលិតហ្គេម RP...

Lexus LC 500 ឃើញភ្លាមលង់ស្នេហ៍ភ្លែត

ដោយ: ដួងច័ន្ទ 9 PM, Wednesday, 23 May, 2018

នេះជារថយន្តដ៏ថ្មីស្រឡាងមួយគ្រឿង ដែលទទួលបានចំណាប់អារម្មណ៍ខ្ពស់គ្រប់ទីកន្លែងដែលវា បានទៅដល់មិនថា នៅលើផ្លូវថ្នល់ ឬនៅកន្លែងចំណតទេ។ រថយន្ត Lexus LC 500 ជ...

ជប៉ុនបង្ហាញខ្លួន STARBUCKS TOUCH ស្រោម iPhone អាចទិញកាហ្វេបាន!

ដោយ: ដាលីស 10 AM, Saturday, 30 May, 2015

ព័ត៌មាននេះអាចនឹងធ្វើឱ្យ អ្នកតាមដានតិចណូឡូជី និងអ្នកដែលចូលចិត្តញ៉ាំកាហ្វេ ត្រូវស្រក់ទឹកមាត់ និងនឹក​ច្រណែន​ជនជាតិជប៉ុនទៀតហើយ ព្រោះថ្មីៗនេះ STARBUCKS ...

15 វត្ថុបង្កើតថ្មី ដែលអ្នកត្រូវការ សម្រាប់ការរស់នៅ ដ៏ល្អឥតខ្ចោះ!!

ដោយ: ភារុន 8 AM, Friday, 31 May, 2019

យើងម្នាក់ៗតែងជំពប់ជួប ទៅលើវត្ថុច្នៃប្រឌិតថ្មីៗសាមញ្ញៗ ប៉ុន្តែមានប្រសិទ្ធភាពដ៏អស្ចារ្យ ដែលធ្វើឱ្យជីវភាពរស់នៅរបស់យើងគ្រប់គ្នា កាន់តែមានភាពងាយស្រួលឡើង...

Tomnerb.Com - YouTube Channel