ចូលចិត្តទំនើប

DisplayPort 2.0 ត្រៀមរួចរាល់សម្រាប់អេក្រង់ 8K

ដោយ: ដួងច័ន្ទ 8 AM, Saturday, 06 Jul, 2019

ក្រុមហ៊ុន VESA បានបង្ហាញអំពីការ update ដ៏ធំបំផុតមួយសម្រាប់ស្តង់ដា DisplayPort PC Display របស់ក្រុមហ៊ុន ចាប់តាំងពីវាត្រូវបានដាក់ឱ្យដំណើរការជាលើកដំបូងកាលពីឆ្នាំ 2007។

បច្ចេកវិទ្យា DisplayPort 2.0 ថ្មី ដែលត្រូវបានគេរំពឹងថានឹងមកដល់លើផលិតផល Monitor នៅចុងឆ្នាំ 2020 រួមមាន Bandwidth ដែលគាំទ្រដំណើរការជាមួយអេក្រង់ 8K ឬខ្ពស់ជាងនេះ។ Bandwidth ថ្មីនេះ នៅក្នុងកម្រិតខ្ពស់បំផុត 80Gps គឺជាទំហំធំជាងមុន 3 ដង ធៀបនឹង DisplayPort 1.4 ហើយវាមានន័យថា អ្នកនឹងមានលទ្ធភាពដំណើរការ Gaming Monitor ក្នុងកម្រិត 4K/144Hz ជាមួយនឹងការគាំទ្របច្ចេកវិទ្យា HDR ឬអេក្រង់ 8K ចំនួន 2 គ្រឿង ក្នុងកម្រិត 120Hz ជាមួយបច្ចេកវិទ្យា HDR។

ខាងក្រោមនេះគឺជាតារាងបង្ហាញពីទស្សនវិស័យរបស់ក្រុមហ៊ុន VESA នាពេលអនាគត៖
អេក្រង់តែមួយ៖
– អេក្រង់ 16K កម្រិត 60Hz និង 30 bpp 4:4:4 HDR ជាមួយ DSC
– អេក្រង់ 10K កម្រិត 60Hz និង 24 bpp 4:4:4 ដោយគ្មាន Compression
អេក្រង់ភ្លោះ៖
– អេក្រង់ 8K កម្រិត 120Hz និង 30 bpp 4:4:4 HDR ជាមួយ DSC
– អេក្រង់ 4K កម្រិត 144Hz និង 24 bpp 4:4:4 ដោយគ្មាន Compression
អេក្រង់ 3 គ្រឿង៖
– អេក្រង់ 10K កម្រិត 60Hz និង 30 bpp 4:4:4 HDR ជាមួយ DSC
– អេក្រង់ 4K កម្រិត 90Hz និង 30 bpp 4:4:4 HDR ដោយគ្មាន Compression

ស្តង់ដាថ្មីនេះនឹងមកដល់ ស្របពេលដែលយើងចាប់ផ្តើមផ្លាស់ប្តូរទៅកាន់អេក្រង់ខ្ពស់ជាង 4K។ ក្រុមហ៊ុន Apple កាលពីពេលថ្មីៗនេះបានប្រកាសអំពីអេក្រង់ 6K របស់ខ្លួន ហើយក្រុមហ៊ុន Dell ក៏បានបញ្ចេញលក់អេក្រង់ 8K Monitor ផងដែរ។ បច្ចេកវិទ្យា DisplayPort 2.0 នាពេលនេះនឹងដំណើរការតទល់ជាមួយនឹង HDMI 2.1 ដែលត្រូវបានរៀបចំឡើងសម្រាប់ប្រើប្រាស់ជាមួយ Monitor មានកម្រិត Resolution ខ្ពស់ដូចគ្នា នាពេលអនាគត ព្រមជាមួយ Gamut ពណ៌មានវិសាលភាពកាន់តែទូលំទូលាយ និងការពង្រឹង Refresh Rate។ ក្រុមហ៊ុន VESA នឹងនាំយកស្តង់ដាផ្ទាល់របស់ក្រុមហ៊ុនទៅកាន់ឧបករណ៍ភ្ជាប់ DisplayPort ឬតាមរយៈ USB-C។ ក្រុមហ៊ុននេះក៏កំពុងធ្វើការសហការជាមួយបច្ចេកវិទ្យា Thunderbolt 3 របស់ Intel ផងដែរ។ ខណៈដែល Bandwidth ត្រូវបានបង្កើន ក្រុមហ៊ុននេះក៏បានបង្ហាញពីបញ្ហា ខ្សែមួយចំនួន ដែលយើងធ្លាប់បានឃើញជាមួយនឹង Thunderbolt 3 ពីមុនមកដែរ។

គេហទំព័រ Anandtech បានរាយការណ៍ថា VESA មិនទាន់ឆ្លើយតបនឹងបញ្ហាខ្សែនៅឡើយទេ។ Thunderbolt 3 ទាមទារឱ្យមានខ្សែសកម្ម សម្រាប់ High-Bandwidth បើពុំនោះទេ វានឹងកាត់កាន់តែខ្លី ដែលនេះមានន័យថា ខ្សែមានតម្លៃកាន់តែថ្លៃ ជាមួយនឹងឧបករណ៍ផ្ទេរទិន្នន័យដទៃទៀត។

យ៉ាងណាក្តី ដោយសារ DisplayPort 2.0 អាស្រ័យលើ Thunderbolt 3 វាគួរតែអាចបង្កើតនូវភាពងាយស្រួលកាន់តែច្រើន សម្រាប់ក្រុមហ៊ុននានា ក្នុងការបង្កើតផលិតផល និងធ្វើតេស្ត។ ក្រុមហ៊ុន VESA រំពឹងថាអេក្រង់ដំបូង ជាមួយបច្ចេកវិទ្យា DisplayPort 2.0 នឹងមកដល់នៅចុងឆ្នាំក្រោយ៕

ប្រភព: theverge ផ្នែក: បច្ចេកវិទ្យា, Accessories

អត្ថបទអ្នកចង់អាន

អ្នកណាក៏អាចមានទូរសព្ទប្រើបានដែរ គ្រាន់តែមកហាងទូរសព្ទពិសិដ្ឋ16 ថ្ងៃនេះ

ដោយ: ស៊ីវងីម 3 PM, Sunday, 27 Jan, 2019

សម័យនេះ ជាសម័យបចេ្ចកវិទ្យាដែលមានកិច្ចការខ្លះ អ្នកអាចពឹងតែលើទូរសព្ទឆ្លាតវៃមួយប៉ុណ្ណោះ ក៏អាចសម្រេចបានដោយមិនបាច់ធ្វើដំណើរទៅណាឆ្ងាយ។ មិនថាទាក់ទងសាច់ញាត...

វិធី ៣ យ៉ាង ក្នុងការព្រីនឯកសារពី iPad

ដោយ: ដួងច័ន្ទ 4 PM, Saturday, 18 Mar, 2017

បើសិនអ្នក ជាម្នាក់ក្នុងចំណោមមនុស្សជាច្រើន ដែលប្រើប្រាស់ iPad ដើម្បីធ្វើការ អ្នកនឹងមានតម្រូវ ការព្រីនឯកសារជាក់ជាមិនខាន។ ជាសំណាងណាស់ ការព្រីនឯកសារតាម...

តោះ! មកស្គាល់ តិចនិចប្រើប្រាស់ Android Q

ដោយ: ដួងច័ន្ទ 8 AM, Saturday, 22 Jun, 2019

នៅពេលដែល Google បញ្ចេញប្រព័ន្ធ Android Q កាលពីឆ្នាំមុន អ្នកប្រើប្រាស់ទទួលបានលទ្ធភាពក្នុងការបោះបង់ចោលប៊ូតុង Navigation ទាំងបី ដែលមាននៅលើ Android អស់...

មកដឹង វិធីជួសជុល Call Failed Error នៅក្នុងទូរស័ព្ទ iPhone

ដោយ: ភារុន 10 AM, Thursday, 10 Jan, 2019

តើអ្នកធ្លាប់ជួបបញ្ហានៅលើទូរស័ព្ទ iPhone នៅពេលអ្នកហៅទូរស័ព្ទ ស្រាប់តែលោតពាក្យ Call Failed Error ដែរឬទេ?នេះវាមានន័យថាការហៅទូរស័ព្ទរបស់អ្នកមិនអាចដំណើរ...

Tomnerb.Com - YouTube Channel