ចូលចិត្តទំនើប

បាសដ៏តូចពី LG តែសម្លេងលឺខ្លាំងមិនធម្មតា

ដោយ: ដួងច័ន្ទ 9 AM, Wednesday, 06 Mar, 2019

តើអ្នកចូលចិត្តស្តាប់តន្រ្តីមែនទេ? ថ្ងៃនេះ ទំនើប សូមណែនាំឧបករណ៍បំពងសម្លេងម៉ូដែល PH1R ពីក្រុមហ៊ុន LG ដែលជាឧបករណ៍បំពងសម្លេងដ៏តូចមួយ តែមានសមត្ថភាពដ៏អសា្ចរ្យ ហួសពីការរំពឹងទុករបស់អ្នក។ ចង់ដឹងថា បាសដ៏តូចមួយនេះ អស្ចារ្យប៉ុណ្ណា? តោះទៅស្វែងយល់ទាំងអស់គ្នា។
សម្លេងលឺពេញ 360 ដឺក្រេ
អ្នកមិនចាំបាច់បារម្ភថាត្រូវអង្គុយពីមុខបាស ដើម្បីស្តាប់លឺសម្លេងតន្រ្តីនោះទេ ព្រោះផលិតផល LG PH1 មួយនេះ រចនាឡើងសម្រាប់ឱ្យអ្នកអាចធ្វើចលនាបានមួយជុំវិញឧបករណ៍ ហើយសម្លេងដែលបញ្ចេញពីឧបករណ៍បំពងសម្លេងនេះនឹងមិនត្រូវបានរារាំងឡើយ។ អ្នកអាចស្ថិតនៅពីមុខ ឬពីក្រោយឧបករណ៍នេះ ហើយសម្លេងដែលបញ្ចេញមកនៅតែតាមជាប់អ្នកជានិច្ច។

អំពូលភ្លើង LED ចម្រុះពណ៌
ឧបករណ៍បំពងសម្លេងដ៏តូចមួយនេះ អាចបញ្ចេញពន្លឺចេញពីអំពូល LED អមជាមួយនឹងការប្រគុំតន្រ្តី បន្ថែមនូវភាពរីករាយសម្រាប់អ្នក។ វាអាចបញ្ចេញពន្លឺភ្លឺខ្លាំង ជាមួយភ្លើងពណ៌លាត ឬអាចផ្តល់នូវអារម្មណ៍ស្ងប់សុខ ជាមួយពន្លឺដ៏ស្រទន់ ឬបញ្ចេញពន្លឺភ្លឹបភ្លែត អមតាមចង្វាក់ភ្លេង។

ការភ្ជាប់ Bluetooth
អ្នកនឹងកាន់តែរីករាយជាមួយការស្តាប់តន្រ្តី ដោយភ្ជាប់ការចាក់តន្រ្តីរបស់អ្នក ដោយគ្មានខ្សែ ជាមួយបច្ចេកវិទ្យា Bluetooth ចេញពីទូរសព្ទដៃ ដើម្បីទទួលបានបទពិសោធន៍នៃការស្តាប់តន្រ្តីកាន់តែទូលំទូលាយ។

មានបំពាក់ក្បាលមេក្រូ
ទទួលយកបទពិសោធន៍នៃការប្រើប្រាស់ទូរសព្ទដៃ និងឧបករណ៍បំពងសម្លេងព្រមពេលជាមួយគ្នា។ នៅពេលអ្នកទទួលការហៅទូរសព្ទចូល សម្លេងតន្រ្តីនឹងត្រូវបានផ្អាក ហើយអ្នកអាចធ្វើការសន្ទនាលើទូរសព្ទ ដោយពុំចាំបាច់កាន់ទូរសព្ទ និងនិយាយឆ្លើយឆ្លងគ្នា តាមរយៈឧបករណ៍បំពងសម្លេង ដែលមានក្បាលមេក្បាលបំពាក់រួចជាស្រេច។ នៅពេលដែលការសន្ទនាបានបញ្ចប់ សម្លេងតន្រ្តីនឹងបន្តប្រគុំជូនអ្នកឡើងវិញ។

ថាមពលថ្ម
ឧបករណ៍បំពងសម្លេងមួយនេះ ត្រូវបានផលិតឡើងដោយមានបំពាក់ថ្ម ដែលអាចបញ្ចូលថាមពលបាន ជាប្រភេទថ្ម Li-Polymer។ ថាមពលថ្មរបស់វាអាចគាំទ្រដល់ដំណើរការប្រគុំតន្រ្តី បានរយៈពេលជាច្រើនម៉ោង។

ឧបករណ៍ភ្ជាប់ Aux Input
បន្ថែមភាពរីករាយពីលើការប្រគុំតន្រ្តីចេញពីឧបករណ៍ដែលភ្ជាប់ជាមួយប្រព័ន្ធ Bluetooth ព្រោះមិនមែនគ្រប់តន្រ្តីសំណព្វចិត្តរបស់អ្នកមានរក្សាទុកនៅក្នុងឧបករណ៍តែមួយឡើយ។ ដូច្នេះអ្នកអាចប្រើប្រាស់ឧបករណ៍ភ្ជាប់ Aux Input សម្រាប់ការប្រគុំតន្រ្តីកាន់តែងាយស្រួល ជាមួយគ្រប់ឧបករណ៍ចាក់តន្រ្តីគ្រប់ប្រភេទ៕

ប្រភព: G gear ផ្នែក: បច្ចេកវិទ្យា, Appliances

អត្ថបទអ្នកចង់អាន

Kyocera ចេញលក់ទូរសព្ទ ដែលអាចលាងសាប៊ូបាន ជំនាន់ទី២

ដោយ: ដួងច័ន្ទ 9 PM, Wednesday, 15 Feb, 2017

ទូរសព្ទ Smartphone របស់អ្នកតែងនៅជាប់ខ្លួនអ្នកជានិច្ច ស្ទើរគ្រប់ទីកន្លែង ប៉ុន្តែការលាងសម្អាតវា ត្រូវការដោះគ្រឿង ខ្ចៅខ្យងជាច្រើន។ ផ្នែកខ្លះនៃទូរសព្ទដ...

Lexus LC 500 ឃើញភ្លាមលង់ស្នេហ៍ភ្លែត

ដោយ: ដួងច័ន្ទ 9 PM, Wednesday, 23 May, 2018

នេះជារថយន្តដ៏ថ្មីស្រឡាងមួយគ្រឿង ដែលទទួលបានចំណាប់អារម្មណ៍ខ្ពស់គ្រប់ទីកន្លែងដែលវា បានទៅដល់មិនថា នៅលើផ្លូវថ្នល់ ឬនៅកន្លែងចំណតទេ។ រថយន្ត Lexus LC 500 ជ...

ទូរស័ព្ទ iPhone មិនដំណើរការ GPS មែនទេ? ដំណោះស្រាយទាំងនេះ អាចជួយបាន!

ដោយ: ភារុន 9 AM, Friday, 22 Mar, 2019

បញ្ហាប្រព័ន្ធ GPS នៅលើទូរស័ព្ទ iPhone គឺមិនមែនជាបញ្ហាធម្មតាៗ ដែលតែងតែកើតមាន ដូចជាបញ្ហាប្រព័ន្ធ Wi-Fi ឬក៏បញ្ហាជាមួយនឹង Bluetooth នោះទេ ប៉ុន្តែក៏នៅតែ...

តោះ! ស្វែងយល់ពី របៀបបម្លែង វីដេអូ Youtube ទៅជា MP3 Format

ដោយ: ភារុន 8 AM, Monday, 08 Apr, 2019

នៅពេលអ្នកចង់បម្លែងវីដេអូ Youtube ទៅជា MP3 Format នោះគឺមានជម្រើសមួយ គឺការដោនឡូតឃ្លីបវីដេអូនេះទុក ហើយបន្ទាប់មកបម្លែងវាទៅជាសំឡេង ដោយប្រើប្រាស់កម្មវិធី...

Tomnerb.Com - YouTube Channel