ចូលចិត្តទំនើប

វិធីលាងសម្អាតអេក្រង់ និង Keyboard លើ Laptop

ដោយ: ដួងច័ន្ទ 8 AM, Tuesday, 30 Apr, 2019

មិនថា Laptop របស់អ្នកមានម៉ូដែលអ្វី ឬផលិតពីអ្វីនោះទេ ការប្រើប្រាស់រយៈពេលមិនយូរទេ នោះអ្នកនឹងចាប់ផ្តើមឃើញថាវាមានភាពកង្វក់ និងស្នាមនៅលើអេក្រង់ និងមានធូលីនៅលើក្តារវាយ អក្សរ។ Laptop មួយចំនួន ជាពិសេស MacBook ម៉ូដែលចុងក្រោយបង្អស់ មាន Keyboard ដែលងាយរងផលប៉ះពាល់ពីធូលី និងកំទេចកំទីនានា ដូច្នេះការរក្សាឱ្យ Keyboard មានអនាម័យ គឺជាវិធីមួយក្នុងការកាត់បន្ថយបញ្ហាដែលអាចនឹងកើតឡើងចំពោះ Laptop របស់អ្នក។

ដើម្បីលាងសម្អាត Laptop អ្នកត្រូវមាន៖
-ក្រណាត់ទន់ និងមិនមានថ្នេរ (ក្រណាត់ Microfiber ជាជម្រើសល្អបំផុត)
-សាប៊ូលាងចាន កម្រិតស្រាល
-កំប៉ុងបាញ់ខ្យល់ Compressed Air
-ទឹកអាល់កុល Isopropyl

មុនពេលចាប់ផ្តើម អ្នកត្រូវបិទថាមពល Laptop និងដកខ្សែចរន្តចេញ។ ទីតាំងដែលត្រូវលាងសម្អាតដំបូងគេ គឺគម្រប និងផ្ទាំងអេក្រង់។ អ្នកត្រូវលាយសាប៊ូលាងចាន ជាមួយនឹងទឹកក្តៅ ហើយជ្រលក់ក្រណាត់ជូតទៅក្នុងល្បាយសាប៊ូ ពូតទឹកឱ្យស្ងួត ហើយជូតលើផ្ទៃគម្រប និងផ្ទាំងអេក្រង់។ លាងសម្អាតក្រណាត់ជូតជាមួយទឹកស្អាត ហើយជូតលើ Laptop ម្តងទៀត។ ជាចុងក្រោយ ដើម្បីជៀសវាងស្នាមទឹកនៅជាប់លើ Laptop អ្នកត្រូវជូតវាជាលើកទី 3 ជាមួយនឹងក្រណាត់ស្ងួត។

ទីតាំងបន្ទាប់គឺ Keyboard។ ចំណុចសំខាន់នៅទីនេះ គឺមិនត្រូវអនុញ្ញាតឱ្យតំណក់ទឹកជ្រាបចូលទៅក្រោម Keyboard ឡើយ។ អ្នកត្រូវបានកំប៉ុងបាញ់ខ្យល់ Compressed Air ដើម្បីសម្អាត កំទេចកំទី ធូលីនានា ដែលនៅតាមចន្លោះគ្រាប់ចុចនីមួយៗ។ បន្ទាប់មក ជ្រលក់ក្រណាត់ទៅក្នុងទឹកអាល់កុល Isopropyl ហើយជូតថ្នមៗលើគ្រាប់ចុច។ អ្នកអាចប្រើប្រាស់សាប៊ូដុំ និងទឹក ដើម្បីសម្អាតស្នាមប្រឡាក់ ប៉ុន្តែអាល់កុល Isopropyl ជាជម្រើសប្រសើរជាង ក្រោមហេតុផល 2 យ៉ាង។ ទីមួយ វាឆាប់ស្ងួតបានភ្លាមៗ ដែលជួយកាត់បន្ថយហានិភ័យមួយភាគធំ នៃជម្រាបសារធាតុរាវទៅក្នុង Laptop។ ទីពីរ វាមានប្រសិទ្ធភាពកម្ចាត់កាកសំណល់ជាតិខ្លាញ់ ដែលមានជាប់តាមម្រាមដៃរបស់អ្នក។ បើសិនជាអ្នកឱ្យ Laptop របស់អ្នកទៅនរណាម្នាក់ខ្ចី ហើយបុគ្គលនៅក្អក ឬ កណ្តាស់លើ Laptop របស់អ្នក នោះអ្នកអាចកម្ចាត់មេរោគនានានៅលើ Keyboard ដោយប្រើប្រាស់ក្រដាសជូតសម្អាតមេរោគ ដែលមានផ្ទុកសារធាតុ Hydrogen Peroxide ចាប់ពី 0.5% ឡើងទៅ។

ជាចុងក្រោយ បើសិនជា Laptop របស់អ្នកមានរន្ធខ្យល់ចំហៀងធំៗ នោះវាងាយនឹងស្រូបទាញយកធូលីណាស់ ដូចគ្នានឹងម៉ូដែលដែលមានរន្ធដោតច្រើនផងដែរ។ អ្នកអាចប្រើប្រាស់កំប៉ុងបាញ់ខ្យល់ Compressed Air ដើម្បីផ្លុំធូលីចេញ។ វាមិនត្រឹមតែធ្វើឱ្យ Laptop របស់អ្នកមានអនាម័យប៉ុណ្ណោះទេ តែវាថែមទាំងជួយពង្រឹងដំណើររបស់ Laptop ដោយអនុញ្ញាតឱ្យវាគ្រប់គ្រងសីតុណ្ហភាពបានកាន់តែប្រសើរ ជាមួយរន្ធខ្យល់ស្អាត៕

អត្ថបទអ្នកចង់អាន

វិធីសាស្រ្ត 5 យ៉ាងដែលមនុស្សឆ្លាតវៃប្រើប្រាស់ Smartphone

ដោយ: ដួងច័ន្ទ 7 PM, Thursday, 15 Mar, 2018

ទូរសព្ទ Smartphone ជាឧបករណ៍អេឡិចត្រូនិចមួយប្រភេទ ដែលនៅជាប់ខ្លួនរបស់យើងស្ទើរគ្រប់ពេល ដែលតែងតែធ្វើឱ្យម្រាមដៃរបស់យើងជាប់រវល់ជានិច្ចកាល។ ការប្រើប្រាស់ទ...

Google បញ្ជាក់ថានឹងមិនចេញលក់ Smartwatch ថ្មីទេ

ដោយ: ដួងច័ន្ទ 8 AM, Wednesday, 05 Sep, 2018

ព័ត៌មានចចាមអារ៉ាមអស់ពេលជាយូរ បានផ្តោតលើការរៀបចំបញ្ចេញលក់ Smartwatch ថ្មី ពីក្រុមហ៊ុន Google ក្នុងឆ្នាំ 2018។ ប៉ុន្តែព័ត៌មានទាំងនោះមិនមានអាចក្លាយជាក...

អ្នកស្រាវជ្រាវព្រមានពីបញ្ហាកំពុងវាយប្រហារលើកុំព្យូទ័រ

ដោយ: ដួងច័ន្ទ 8 AM, Tuesday, 25 Sep, 2018

អ្នកស្រាវជ្រាវអំពីសុវត្ថិភាពប្រព័ន្ធបច្ចេកវិទ្យា ទើបនឹងបានស្រាវជ្រាវរកឃើញពីបញ្ហាដែលកើតមាននៅលើគ្រប់កុំព្យូទ័រទំនើបៗ ដែលអនុញ្ញាតឱ្យអ្នកលួចចូលគណនេយ្យ ...

ព័ត៌មានថ្មីពី Huawei P30 Pro

ដោយ: ដួងច័ន្ទ 9 AM, Tuesday, 19 Mar, 2019

នៅសល់តែប៉ុន្មានថ្ងៃទៀតប៉ុណ្ណោះ ទម្រាំដល់ថ្ងៃប្រកាសផ្លូវការរបស់ក្រុមហ៊ុន Huawei អំពីផលិតផលទូរសព្ទថ្មីម៉ូដែល P30 Pro និង P30 ប៉ុន្តែព័ត៌មានបែកធ្លាយជា...

Tomnerb.Com - YouTube Channel