ចូលចិត្តទំនើប

BMW Z4 Roadster បង្អួតរាងដ៏ស្រស់សង្ហារ

ដោយ: ដួងច័ន្ទ 9 AM, Thursday, 30 Aug, 2018

ក្រុមហ៊ុន BMW បានបង្ហាញរថយន្តម៉ូដែលថ្មី BMW Z4 Roadster នៅក្នុងតំបន់ Pebble Beach រដ្ឋ California ជាមួយការរចនាម៉ូដដ៏ទាក់ទាញដែលប្រើប្រាស់លំនាតាមម៉ូដែល the 8 Series។ គំរូនៃរថយន្តទាំងពីរនេះត្រូវបានបង្ហាញកាលពីឆ្នាំមុន នៅតំបន់ Pebble Beach ដូចគ្នា ដែលធ្វើឱ្យយើងជឿជាក់ថាក្រុមហ៊ុន BMW ពិតជាចូលចិត្តបង្អួតម៉ូដែលរថយន្តថ្មីៗនៅលើទីលានវាយកូនហ្គោល។

លោក Bernhard Kuhnt ប្រធាន និងជានាយកប្រតិបត្តិរបស់ BMW នៅតំបន់អាមេរិកខាងជើងបានមានប្រសាសន៍ថា« កាលពីឆ្នាំមុនយើងសន្យាជាមួយនឹងគំរូរថយន្ត ហើយឆ្នាំនេះយើងនាំមកជូននូវផលិតផលយានយន្តពិតប្រាកដ។»

ដូចគ្នានឹងគំរូរថយន្ត Z4 កាលពីឆ្នាំមុន វាត្រូវបានផលិតឡើងក្នុងទំហំធំជាងម៉ូដែល Z4 ចាស់ និងនៅតែបន្ត Penchant ប្រចាំក្រុមហ៊ុន សម្រាប់ការរចនាម៉ូដកាន់តែទាក់ទាញ និងឡូយឆាយ។
ម៉ូដែល Z4 នឹងត្រូវបានបំពាក់ជាមួយមុខងារ iDrive Infotainment ចុងក្រោយបង្អស់ មានអេក្រង់ភ្លោះ និងមានបំពាក់ប្រព័ន្ធ BMW Driving Assistant Professional ថ្មី។ ប្រព័ន្ធ Semi-Autonomous ថ្មីនេះនឹងមានរួមបញ្ចូលនូវមុខងារ Traffic Jam Assistant ដែលនឹងត្រូវបានបំពាក់នៅលើរថយន្តម៉ូដែល X5។ នៅពេលមុខងារនេះត្រូវបានដាក់ដំណើរការ វារួមបញ្ចូលនៅការបើកបរដោយមិនចាំបាច់ប្រើដៃរយៈពេល 30 វិនាទី នៅពេលអ្នកធ្វើដំណើរក្នុងល្បឿន 17 គីឡូម៉ែត្រក្នុងមួយម៉ោង និងការបើកបរដោយមិនប្រើដៃកាន់ចង្កូតរយៈពេល 7 វិនាទី ក្នុងល្បឿនកាន់តែលឿន។ វាក៏មានបំពាក់ប្រព័ន្ធផ្លាស់ប្តូរ Lane ដោយស្វ័យប្រវត្តិ នៅពេលស្លាកសញ្ញាណែនាំកាន់តែខិតមកជិត។

ប្រព័ន្ធបញ្ជាររថយន្តថ្មីនេះនឹងមិនមានមុខងារ Gesture Support ទេ ព្រោះប្រហែលជាបណ្តាលមកពីពន្លឺព្រះអាទិត្យខ្លាំង ដែលអាចនឹងធ្វើឱ្យវាមិនអាចដំណើរការបាន។
យានយន្តដែលបានបង្ហាញខ្លួននៅ Pebble Beach ជា Version ដែលមានបំពាក់ប្រព័ន្ធ M40i ខ្ពស់ជាងគេ ដែលនឹងមានសមត្ថភាពបង្កើនល្បឿនពី 0 ទៅ 60 នៅក្នុងរយៈពេល 4.4 វិនាទី។ រថយន្តនេះនឹងមានដាក់លក់ក្នុងទីផ្សារនៅត្រីមាសទី2 ក្នុងឆ្នាំ 2019 ហើយសម្រាប់ម៉ូដែល Z4 30i ជាមួយនឹងកម្លាំងម៉ាស៊ីនតូចជាងនេះ នឹងមានដាក់លក់នៅដើមឆ្នាំ 2019។

យើងមិនទាន់បានទទួលព័ត៌មានអំពីតម្លៃរបស់រថយន្តម៉ូដែលថ្មីនេះនៅឡើយទេ ប៉ុន្តែក្រុមហ៊ុន BMW នឹងចែករំលែកព័ត៌មានលម្អិតរបស់ Z4 នៅថ្ងៃទី 18 ខែកញ្ញា ខាងមុខនេះហើយ។ ទំនើប នឹងរាយការណ៍ប្រាប់មិត្តអ្នកអានបន្ថែមពីព័ត៌មាននានាទាក់ទងនឹងរថយន្ត BMW Z4 នៅពេលបន្តបន្ទាប់ទៀត៕

ប្រភព: engadget ផ្នែក: បច្ចេកវិទ្យា, យានយន្ត

អត្ថបទអ្នកចង់អាន

ទូទឹកកកស៊េរីថ្មី LG ឡូយម៉ាកប់

ដោយ: WangSang 1 AM, Friday, 19 Aug, 2016

ដោយសារតែបច្នុប្បន្ន យើងសង្តេតឃើញថាមានការកើននូវសមាជិកគ្រួសារពីមួយថ្ងៃទៅមួយថ្ងៃធ្វើអោយមនុស្សគ្រប់គ្នាមិនសូវមានពេលវេលាគ្រប់គ្រាន់ក្នុងការដើរផ្សារទិញទំ...

សូមកុំបារម្ភពីការតំឡើង iOS 12

ដោយ: ដួងច័ន្ទ 8 AM, Friday, 21 Sep, 2018

ក្រុមហ៊ុន Apple នៅតែបន្តការលក់ទូរសព្ទម៉ូដែល iPhone 6s ជំនាន់ឆ្នាំ 2015 ដដែលមកទល់សប្តាហ៍មុននេះ។ បន្ទាប់មកក្រុមហ៊ុនបានធ្វើការប្រកាសអំពីទូរសព្ទម៉ូដែលថ...

មូលហេតុ 7 យ៉ាង ដែលធ្វើឱ្យម៉ាស៊ីនត្រជាក់របស់អ្នកមានបញ្ហា

ដោយ: ភារុន 9 AM, Friday, 09 Nov, 2018

ម៉ាស៊ីនត្រជាក់គឺជាឧបករណ៍ប្រើប្រាស់អេឡិចត្រូនិចក្នុងគេហដ្ឋានមួយដ៏ពេញនិយម។ ពីព្រោះម៉ាស៊ីនត្រជាក់មិនត្រឹមតែ ផ្តល់ភាពត្រជាក់ស្រួលនៅរដូវក្តៅនោះទេ សូម្បី...

Smart Watch សម្រាប់អ្នកជិះកង់

ដោយ: ដួងច័ន្ទ 10 PM, Wednesday, 08 Nov, 2017

មិនថាអ្នកចង់បាននាឡិកាដៃបែបស្ព័រ ដែលអាចតាមដានការជិះកង់ និងចង្វាក់បេះដូងរបស់អ្នក ឬអ្វី ម្យ៉ាងដែលមានលក្ខណៈបែប Fashion-Forward និងត្រៀមរួចរាល់ សម្រាប់ក...

Tomnerb.Com - YouTube Channel