ចូលចិត្តទំនើប

App បុណ្យណូអែលល្អបំផុត សម្រាប់ទូរស័ព្ធប្រើប្រាស់ប្រព័ន្ធ Android

ដោយ: ភារុន 9 AM, Saturday, 22 Dec, 2018

រដូវកាលបុណ្យ Christmas គឺជាពេលវេលាកម្សាន្តរបស់ជនបរទេសណាដែលកាន់សាសនាគ្រីស្ទ ប៉ុន្តែសម្រាប់ជនជាតិខ្មែរយើងក៏មានប្រារព្ធពិធីបុណ្យនេះតិចតួចដែរ នៅតាមសាលារៀនភាសាអង់គ្លេសមួយចំនួនតាំងពីតែមានការចាប់ផ្តើមបើកសាលាបង្រៀនភាសាអង់គ្លេសនៅប្រទេសយើងមក។ ដើម្បីឱ្យអ្នកអាចកម្សាន្តជាមួយនឹងថ្ងៃបុណ្យណូអែលនៅផ្ទះបាន ទំនើប សូមណែនាំ App បុណ្យណូអែលដ៏ល្អបំផុតមួយចំនួនដូចខាងក្រោមនេះ ដែលបានបង្កើតឡើងជាពិសេសសម្រាប់ទូរស័ព្ទប្រើប្រាស់ប្រព័ន្ធ Android៖
1. Portable North Pole
នេះជាកម្មវិធីហ្គេមវេនមន្ត ដែលអនុញ្ញាតឱ្យអ្នកបង្កើតជា សារវីដេអូផ្ទាល់ខ្លួនរបស់អ្នក ហើយក៏អាចផ្ញើសារនេះទៅកាន់មិត្តភក្តិ ក្រុមគ្រួសាររបស់អ្នក និងអ្នកជាទីស្រឡាញ់របស់អ្នកនៅថ្ងៃបុណ្យណូអែលផងដែរ។

Download PNP 2017 Portable North Pole
2. Christmas Frames
ស៊ុមបុណ្យណូអែល គឺជាកម្មវិធីបុណ្យណូអែលដ៏ល្អបំផុត សម្រាប់ទូរស័ព្ទដែលប្រើប្រាស់ប្រព័ន្ធប្រតិបត្តិការ Android។ អ្នកអាចថតរូបផ្ទាល់ខ្លួន ហើយបញ្ចូលរូបនេះទៅក្នុងកម្មវិធីនេះ អ្នកនឹងអាចបង្កើតជារូបថតរបស់អ្នកជាមួយស៊ុមបុណ្យណូអែលស្អាតៗ ហើយចែករំលែករូបភាពទាំងនេះនៅលើបណ្តាញទំនាក់ទំនងសង្គមរបស់អ្នក។
Download Christmas Frames
3. Christmas Countdown
កម្មវិធីនេះជាហ្គេមបុណ្យណូអែលសម្រាប់ទូរស័ព្ទប្រើប្រព័ន្ធ Android ដែលអនុញ្ញាតឱ្យអ្នកចូលរួមលេងហ្គេមយ៉ាងសប្បាយរីករាយ ជាមួយនឹងការលេងក្តារំអិល ដែលអ្នកត្រូវដើរតួ ជាសាន់តានៅក្នុងហ្គេម ហើយអ្នកក៏អាចមានជម្រើសផ្សេងទៀតក្នុងការលេងហ្គេមនេះនៅក្នុងទូរស័ព្ទដៃរបស់អ្នកផងដែរ។
Download Christmas Countdown
4. Christmas Gift List
ប្រសិនបើអ្នកមានគំនិតអំពីកាដូថ្ងៃបុណ្យណូអែល អ្នកអាចកត់ត្រាភ្លាមៗនៅក្នុងកម្មវិធីនេះ។ នៅពេលអ្នកបានទិញកាដូមួយ អ្នកអាចសម្គាល់កាដូនេះនៅក្នុងបញ្ជីតាមដាន Christmas Gift List តើវាដូចគ្នាដែរឬទេ? ម្យ៉ាងទៀតអ្នកក៏អាចកំណត់ថវិកាក្នុងទិញកាដូទាំងនេះផងដែរ។
Download Christmas Gift List
5. Google Santa Tracker
កម្មវិធីនេះ គឺជាហ្គេមបុណ្យណូអែលដ៏ល្អបំផុតសម្រាប់កូនក្មេងតូចៗលេងកម្សាន្ត។ វាផ្តល់កម្មវិធីកម្សាន្តសប្បាយជាច្រើនជាមួយនឹងសាន់តា នៅថ្ងៃបុណ្យណូអែល។ ជាពិសេសក្មេងៗក៏អាចតាមដាននូវដំណើររបស់សាន់តា នៅពេលគាត់ធ្វើដំណើរចែកអំណោយនៅថ្ងៃបុណ្យណូអែលនៅជុំវិញពិភពលោក។

Download Google Santa Tracker
6. Christmas Jigsaw Puzzles
កម្មវិធីនេះ គឺជាហ្គេមផ្គុំរូបកម្សាន្ត។ អ្នកអាចលេងជាមួយនឹងមិត្តភក្តិ ដើម្បីដោះស្រាយជាមួយនឹងការផ្គុំរូបភាពបុណ្យ ណូអែលស្អាតៗ ដែលមាននៅក្នុងហ្គេម ធ្វើយ៉ាងណាឱ្យបានលឿនបំផុត។

Download Christmas Jigsaw Puzzles
7. Christmas Songs
កម្មវិធីនេះ គឺជាកម្មវិធីសម្លេងរោទិ៍ ដែលជាបទភ្លេងក្នុងថ្ងៃបុណ្យណូអែល ហើយអុ្នកក៏អាចកំណត់សម្លេងរោទិ៍នេះ នៅពេលមានការជូនដំណឹងផ្សេងៗនៅក្នុងទូរស័ព្ទដៃរបស់អ្នក។ អ្នកក៏អាចស្តាប់ចម្រៀងបុណ្យណូអែល និងធ្វើការចែករំលែកជាមួយនឹងមិត្តភក្តិរបស់អ្នកផងដែរ។ បទចម្រៀងនៅក្នុងកម្មវិធីរួមមាន៖ Jingle Bells, Sleigh Ride, Happy New Year, Santa Baby, Rudolph the Red Nose Reindeer និងបទចម្រៀងផ្សេងៗទៀតជាដើម។
Download Christmas Songs 2017
8. Christmas Trivia
នេះគឺជាកម្មវិធីមួយដែលអនុញ្ញាតឱ្យអ្នកលេងហ្គេម ដែលមានមូលដ្ឋានជាបុណ្យណូអែល។ នៅក្នុងកម្មវិធីនេះមានសំណួរផ្សេងៗគ្នា ដែលអាចជ្រើសរើស ហើយក៏មានជម្រើសក្នុងការតាមដានពិន្ទុរបស់អ្នកផងដែរ។
Download Christmas Trivia
9. Subway Santa Xmas Surf
នេះគឺជាហ្គេមកម្សាន្តដ៏អស្ចារ្យមួយ ដែលតួអង្គសាន់តានៅក្នុងហ្គេមត្រូវរត់គ្មានទីបញ្ចប់ និងត្រូវជួបឧបសគ្គផ្សេងៗជាច្រើននៅតាមផ្លូវ តែអ្នកត្រូវរត់ឱ្យបានលឿនបំផុតតាមដែលអាចធ្វើបាន ប្រសិនបើមិនចង់ចាញ់ហ្គេមនេះ។

Download Subway Xmas Surf
10. Santa Dash
នេះគឺជាកម្មវិធីហ្គេមថ្មី សម្រាប់ថ្ងៃបុណ្យណូអែល ហើយវាគួរឱ្យចាប់អារម្មណ៍ ដោយសារនៅក្នុងហ្គេមនេះ តួអង្គសាន់តាកំពុងជិះរទេះរបស់គាត់ទៅចែកអំណោយ ប៉ុន្តែដោយសាររទេះបាត់បង់តុល្យភាព គាត់ក៏ត្រូវទម្លាក់អំណោយទាំងអស់របស់គាត់ ដូច្នេះអ្នកត្រូវប្រមូលអំណោយទាំងនោះឱ្យអស់ ដូច្នេះអ្នកក៏ត្រូវជួបឧបសគ្គជាច្រើនក្នុងការប្រមែប្រមូលអំណោយទាំងនោះផងដែរ។
Download Santa Dash: New Christmas Game

អត្ថបទអ្នកចង់អាន

Razer Lancehead: Mouse គ្មានខ្សែល្អបំផុត

ដោយ: ដួងច័ន្ទ 9 PM, Monday, 26 Feb, 2018

ក្រុមហ៊ុន Razer បានផលិត និងលក់ផលិតផល Mouse យ៉ាងជោគជ័យនៅក្នុងទីផ្សារ Hardware របស់កុំព្យូទ័រអស់រយៈពេលជាច្រើនឆ្នាំមកហើយ។ រហូតមកទល់ពេលនេះ ក្រុមហ៊ុនបាន...

LG K7 រូបរាងទាន់សម័យតម្លៃសមរម្យបំផុត

ដោយ: ម៉ូនី 3 AM, Monday, 25 Apr, 2016

កាលពី​ពេល​កន្លង​ទៅ​ថ្មីៗ នេះ ក្រុមហ៊ុន Ggear Co., LTD ដែល​ដៃគូរទីផ្សារលើ​ផលិត​ផល​ម៉ាក​ LG ទើប​នឹង​នាំ​ចូល​នូវ​ទូរស័ព្ទ​ធន់មធ្យម​ស៊េរី​ថ្មី​មក​ប្រទេ...

PlayStation Classic អាចលេងជាមួយឧបករណ៍បញ្ជារគ្មានខ្សែ

ដោយ: ដួងច័ន្ទ 9 AM, Monday, 24 Dec, 2018

ម៉ាស៊ីនហ្គេម PlayStation Classic បាននឹងកំពុងជួបប្រទះនឹងបញ្ហាចោទដ៏ធំមួយ គឺកង្វះខាតឧបករណ៍បញ្ជារគ្មានខ្សែ។ ប៉ុន្តែក្រុមហ៊ុន Sony មិនបានសំងំស្ងៀមទេ ដោយ...

អ្វីជា BATBAND?

ដោយ: ដួងច័ន្ទ 12 AM, Sunday, 26 Mar, 2017

BATBAND គឺជាឧបករណ៍សម័យថ្មី នៃបច្ចេកវិទ្យាសម្លេង ដែលអនុញ្ញាតឱ្យអ្នកស្តាប់លឺសម្លេងផ្ទាល់ខ្លួន និងសម្លេងនៅជុំវិញខ្លួនអ្នក។ វាជាឧបករណ៍ដែលបង្កើតឡើង ពីគំ...

Tomnerb.Com - YouTube Channel