ចូលចិត្តទំនើប

Chrome OS Tablet ដំបូងរបស់ Asus សម្រាប់ប្រើក្នុងថ្នាក់រៀន

ដោយ: ដួងច័ន្ទ 10 AM, Wednesday, 09 Jan, 2019

ក្រុមហ៊ុន Asus បានបង្កើត Tablet ដែលដំណើរការដោយប្រព័ន្ធ Chrome OS ជាលើកដំបូង ហើយក្រុមហ៊ុនធ្វើការផលិត ជាមួយការផ្តោតលើសិស្សានុសិស្សជាអតិថិជនគោលដៅ។ Tablet ថ្មីនេះ មានឈ្មោះថា Chromebook Tablet CT100 ដែលមានអេក្រង់ Touchscreen ទំហំ 9.7 inch ហើយវាផលិតឡើងជាមួយការការពារទៅនឹងការធ្លាក់ ដោយមានតួផលិតពីកៅស៊ូ និងប្រើប្រាស់កញ្ចក់ Tempered Glass ជាកញ្ចក់អេក្រង់។
ប្រព័ន្ធ Chrome OS ជាប្រព័ន្ធប្រតិបត្តិការថ្មីនៅលើ Tablet ហើយវាត្រូវបានផ្តោតជាសំខាន់សម្រាប់ការប្រើប្រាស់នៅក្នុងថ្នាក់រៀន ជាកន្លែងដែលទទួលបានការលក់ច្រើននៅក្នុងសហរដ្ឋអាមេរិក ក្នុងរយៈកាលប៉ុន្មានឆ្នាំចុងក្រោយនេះ។ Tablet ចុងក្រោយបង្អស់របស់ Asus នេះផ្តល់ឱ្យជាជម្រើសឧបករណ៍ប្រើប្រាស់មួយផ្សេងទៀត សម្រាប់ការប្រើប្រាស់នៅតាមសាលារៀន។

Chromebook Tablet ត្រូវបានផ្តល់ថាមពលដោយប្រព័ន្ធប្រតិបត្តិការ Hexa-Core OP1 ហើយវាត្រូវបានបំពាក់ជាមួយ RAM មានទំហំ 4GB និងមានឃ្លាំងផ្ទុកទិន្នន័យទំហំ 32GB។ វាមានរន្ធដោត USB-C មួយ ហើយក្រុមហ៊ុន Asus អះអាងថា Tablet នេះមានកម្លាំងថ្មខ្លាំងសម្រាប់ការប្រើប្រាស់ពេញមួយថ្ងៃនៅក្នុងថ្នាក់រៀន ដែលយើងអាចប៉ាន់ស្មានថាវាអាចដំណើរការរយៈពេល 7 ម៉ោងសម្រាប់ការបញ្ចូលថ្មម្តង។

សម្រាប់អ្នកប្រើប្រាស់ដែលចង់បានទាំង Laptop និង Tablet រួមគ្នា ក្រុមហ៊ុន Asus ក៏មានផ្តល់នូវជម្រើស 2-in-1 Chromebook ថ្មីមួយផងដែរ។ ម៉ូដែល Chromebook Flip C214 ថ្មីនេះ នៅតែរក្សាបាននូវការប្រើប្រាស់ប្រព័ន្ធប្រតិបត្តិការដូចម៉ូដែលចាស់ដដែល ជាមួយនឹងអេក្រង់ HD ទំហំ 11.6 inch និងមានទំពក់ 360-Degree Hinge ប៉ុន្តែវាផ្លាស់ប្តូរទីតាំង World-Facing Camera ចេញពីលើ Hinge ដូច្នេះវាពិបាកក្នុងការលាក់បាំង។ ម៉ូដែលដើមរបស់វាត្រូវបានផ្តល់ថាមពលដោយប្រព័ន្ធប្រតិបត្តិការ Intel N4000 Celeron ហើយវាមាន RAM ទំហំ 4GB និងមានឃ្លាំងផ្ទុកទិន្នន័យទំហំ 32GB។ នៅក្នុងនោះក៏មានរន្ធដោត USB-C ចំនួន 2 និងរន្ធដោតកាសមួយផងដែរ ព្រមជាមួយនឹងការប្រើប្រាស់រួមជាមួយ Stylus។
ក្រុមហ៊ុន Asus ក៏បាននឹងកំពុងធ្វើការ Update ផលិតផល Chromebook ចាស់ចំនួន 2 ម៉ូដែលផ្សេងទៀត ដែលផ្តោតសំខាន់ទៅលើទំហំរបស់វា។ ម៉ូដែល Chromebook C204 ទំហំ 11.6 inch និង Chromebook C403 ទំហំ 14 inch មានកៅស៊ូការពារការប៉ះទង្គិចដ៏ក្រាស់ ដែលប្រើប្រាស់សម្រាប់ទប់ស្កាត់ការញ័ររំជួយខ្លាំង និងមាន Keyboard ដែលធន់ជាប់បានយូរ។ ម៉ូដែលទាំងពីរនេះប្រើប្រាស់ប្រព័ន្ធប្រតិបត្តិការ Dual-Core Intel Celeron មាន RAM ទំហំ 4GB មានឃ្លាំងផ្ទុកទិន្នន័យទំហំ 32GB និងមានរន្ធដោត USB-A និង USB-C។ Asus អះអាងថាកម្លាំងថ្មប្រើប្រាស់ពេញមួយថ្ងៃសម្រាប់ការបញ្ចូលថាមពលម្តងនៅលើម៉ូដែលទំហំ 11.6 inch ប៉ុន្តែសម្រាប់ម៉ូដែលទំហំ 14 inch ប្រើប្រាស់បានតែរយៈពេល 11 ម៉ោងប៉ុណ្ណោះ ប្រហែលជាដោយសារតែទំហំអេក្រង់កាន់តែធំកាន់តែស៊ីថាមពលច្រើន។ ម៉ូដែលទំហំ 11.6 inch ក៏ត្រូវបានផលិតឡើងក្នុងកម្រាស់កាន់តែស្តើង ដូច្នេះវាមិនមានទំហំធំដូចម៉ូដែលចាស់ទេ។

នៅក្នុងករណីដែលឧបករណ៍ទាំងនេះត្រូវបានបំផ្លាញដោយការប៉ះទង្គិច ទោះបីជាវាមានបំពាក់ការការពារក្តី ក្រុមហ៊ុន Asus ផ្តល់នូវភាពងាយស្រួលដោយផលិតសមាសភាពខាងក្នុងរបស់វា ងាយស្រួលយកចេញ និងងាយស្រួលជួសជុល។ តម្លៃ និងកាលបរិច្ឆេទចេញលក់ មិនទាន់ត្រូវបានប្រកាសនៅឡើយទេ៕

ប្រភព: theverge ផ្នែក: បច្ចេកវិទ្យា, កុំព្យូទ័រ

អត្ថបទអ្នកចង់អាន

LG STYLUS 2 DUAL LTE បានមកដល់កម្ពុជាហើយ!

ដោយ: ម៉ូនី 8 AM, Friday, 03 Jun, 2016

LG Stylus 2 Dual ជាប្រភេទទូរសព្ទស្មាតហ្វូនស៊េរីថ្មីបំផុតដែលទើបមកដល់ប្រទេសកម្ពុជាដែលមានទំហំអេក្រង់ធំរហូតទៅដល់ 5.7អ៊ីញដែលជាប្រភេទអេក្រង់ IPS HD ងាយស្...

ក្រុមហ៊ុន Samsung ផលិតអេក្រង់ Monitor ភ្លោះ ដ៏ធំសម្បើម

ដោយ: ដួងច័ន្ទ 8 PM, Monday, 10 Apr, 2017

ក្រុមហ៊ុន Samsung កំពុងផលិតអេក្រង់ សម្រាប់ការទស្សនាម៉ូដែលថ្មី ដើម្បីជំនួស Monitor ភ្លោះ ដែលហួសសម័យ ហើយវាពិតជាមានទំហំធំអស្ចារ្យ។ ក្រុមហ៊ុនបានរាយការណ...

Adapter សម្រាប់ការបញ្ចូលថាមពល ឆាប់រហ័ស

ដោយ: ដួងច័ន្ទ 11 PM, Saturday, 28 Oct, 2017

  ជាមួយនឹងឧបករណ៍សាកថ្មគ្មានខ្សែ ទូរសព្ទ iPhone 8 និង iPhone X ក៏អាចដំណើរការជាមួយ ឧបករណ៍សាកថ្មល្បឿនលឿនដទៃទៀតដែរ។ ក្រុមហ៊ុន Apple បានអះអាងថាអ្នកអាចសា...

ស្វែងយល់ពី Neo Art Display របស់ LG

ដោយ: ដួងច័ន្ទ 10 AM, Monday, 18 Feb, 2019

ក្រុមហ៊ុន LG Display គឺជាក្រុមហ៊ុនដែលតែងតែនាំមកនូវភាពភ្ញាក់ផ្អើលនៅក្នុងព្រឹត្តិការណ៍ CES។ ជារៀងរាល់ឆ្នាំ ក្រុមហ៊ុននេះធ្វើដំណើរមកកាន់ទីក្រុង Las Veg...

Tomnerb.Com - YouTube Channel