ចូលចិត្តទំនើប

iPhone ថ្មីអាចក្លាយជា ឧបករណ៍បញ្ចូលថាមពលផងដែរ

ដោយ: ដួងច័ន្ទ 8 AM, Tuesday, 26 Mar, 2019

ក្រុមហ៊ុន Huawei និង Samsung ថ្មីៗនេះបានណែនាំមុខងារដ៏មានអត្ថប្រយោជន៍មួយនៅក្នុងផលិតផលទូរសព្ទថ្មីៗមួយចំនួនរបស់ពួកគេ នោះគឺសមត្ថភាពបញ្ចូលថាមពលទៅឱ្យឧបករណ៍ដទៃទៀតដោយគ្មានខ្សែ ដែលអនុញ្ញាតឱ្យអ្នកចែករំលែកថាមពលថ្មរបស់អ្នកបានបន្តិចបន្តួច។
Blog របស់ប្រទេសជប៉ុនមួយ មានឈ្មោះថា Macotakara បានធ្វើសេចក្តីរាយការណ៍មួយថា ទូរសព្ទ iPhone ថ្មីរបស់ក្រុមហ៊ុន Apple ក៏អាចនឹងមានបញ្ចូលមុខងារថ្មីមួយនេះផងដែរ។

បណ្តាញ Blog មួយនេះបានលើកឡើងថាក្រុមហ៊ុនផ្គត់ផ្គង់របស់ចិន ដែលជាជំនួយបន្ថែមលើ សេចក្តីរាយការណ៍កាលពីពេលថ្មីៗនេះចេញពីអ្នកវិភាគ Ming-Chi Kuo ដែលបានអះអាងថា ទូរសព្ទ iPhone ម៉ូដែលឆ្នាំ 2019 អាចនឹងទទួលបានមុខងារផ្តល់ថាមពលទៅកាន់ឧបករណ៍ដទៃ ព្រមគ្នាជាមួយការពង្រឹងសមត្ថភាពកាមេរ៉ា និងទំហំថាមពលថ្មកាន់តែធំ។ បណ្តាញនេះក៏បានកត់សម្គាល់ថា ទូរសព្ទ iPhone ដែលគ្រោងនឹងចេញក្នុងពេលខាងមុខនេះ អាចនឹងមានបំពាក់ជាមួយខ្សែបញ្ចូលថាមពលថ្មី និងរន្ធបញ្ចូលថាមពលប្រភេទ 18W ដែលបំពាក់ជាមួយផលិតផល iPad Pro ទោះបីវានឹងមិនប្រើប្រាស់ USB-C ក្តី។

ការបំពាក់សមត្ថភាពបញ្ចូលថាមពលទៅកាន់ឧបករណ៍ដទៃទៀត ដោយគ្មានខ្សែ អាចនឹងធ្វើឱ្យទូរសព្ទ iPhone មួយគ្រឿងពោរពេញដោយអត្ថប្រយោជន៍ ជាពិសេសបន្ទាប់ពីក្រុមហ៊ុន Apple បញ្ចេញផលិតផល AirPods ជំនាន់ទី 2 ដែលអាចនឹងបំពាក់ជាមួយសម្បកបញ្ចូលថាមពលដោយគ្មានខ្សែ ព្រមជាមួយព័ត៌មានចចាមអារាមអំពីកាសស្តាប់ Beats Powerbeats គ្មានខ្សែដែលនឹងចេញលក់នាពេលខាងមុខនេះ នោះមុខងារថ្មីនេះនឹងពោរពេញដោយអត្ថប្រយោជន៍ បើសិនជាកាសស្តាប់ ឬនាឡិកា Apple Watch របស់អ្នកអស់ថាមពល ខណៈដែលអ្នកកំពុងស្ថិតនៅខាងក្រៅ និងមិនមានលទ្ធភាពស្វែងរកឧបករណ៍បញ្ចូលថាមពលបាន៕

បើសិនជាមុខងារថ្មីនេះ មានវត្តមាននៅលើទូរសព្ទ iPhone ថ្មីពិតប្រាកដមែន នោះការប្រើប្រាស់ឧបករណ៍អេឡិចត្រូនិចរបស់យើងកាន់តែងាយស្រួល។ យើងនឹងរងចាំតាមដានព័ត៌មានថ្មីៗបន្តបន្ទាប់ទៀត ដើម្បីអនុញ្ញាតឱ្យប្រិយមិត្តរបស់ ទំនើប ទទួលបានព័ត៌មានថ្មីៗអំពី iPhone ជំនាន់ថ្មី។ សូមរងចាំតាមដានទាំងអស់គ្នាជាមួយ ទំនើប៕

ប្រភព: theverge ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

microSD ទំហំ 1TB របស់ SanDisk ចេញលក់ហើយ

ដោយ: ដួងច័ន្ទ 8 AM, Thursday, 23 May, 2019

ផលិតផលអង្គចងចាំ Extreme microSD ទំហំ 1TB របស់ក្រុមហ៊ុន SanDisk គឺជាអង្គចងចាំមានសមត្ថភាពធំជាងគេ ដែលមិនទាន់ធ្លាប់មាននៅក្នុងទីផ្សាពីមុនមក ហើយនាពេលនេះ ...

ស្រោមបញ្ឈរធ្វើឱ្យការលេងហ្គេមលើ Nintendo Switch កាន់តែងាយ

ដោយ: ដួងច័ន្ទ 9 AM, Tuesday, 17 Jul, 2018

ផ្នែកមួយដ៏ធំនៃចំណុចខ្លាំងរបស់ Nintendo Switch គឺភាពចល័តរបស់វា ប៉ុន្តែការជ្រើសយកហ្គេមប្រភេទចាស់ៗ ដែលធាតុដើមដំបូងត្រូវបាន លេងនៅលើម៉ាស៊ីនប្រភេទ Arcade...

Walkcar យានជំនិះកំពូលប្លែក និងអស្ចារ្យ

ដោយ: ដាលីស 10 PM, Monday, 07 Sep, 2015

Walkcar គឺជាផលិតផល នៃការច្នៃបង្កើតរបស់ក្រុមហ៊ុន Cocoa Motors នៅក្នុងប្រទេសជប៉ុន ជាយានជំនិះ ដែលធ្វើ​អំពី​បន្ទះដែកអាលុយមីញ៉ូមបួនជ្រុង ទំហំធំល្មមអាចឱ្...

វីដេអូផ្សាយពាណិជ្ជកម្ម Case AirPod របស់កូរ៉េខាងត្បូង ពិតជាធ្វើឱ្យអ្នកប្រើប្រាស់ចង់បាន!

ដោយ: ភារុន 8 AM, Tuesday, 03 Sep, 2019

ក្រុមហ៊ុន Apple កំពុងដំណើរការចាក់ផ្សាយពាណិជ្ជកម្ម AirPod ថ្មី ជាវីដេអូផ្សព្វផ្សាយខ្លីមួយ នៅក្នុងប្រទេសកូរ៉េខាងត្បូង ហើយនេះបានធ្វើឱ្យក្រុមហ៊ុន Apple...

Tomnerb.Com - YouTube Channel