ចូលចិត្តទំនើប

iPad Mini ថ្មីមិនមានអ្វីប្លែកទេ តែលឿនជាងមុន

ដោយ: ដួងច័ន្ទ 10 AM, Wednesday, 13 Feb, 2019

យោងតាមព័ត៌មានដែលចេញផ្សាយដោយគេហទំព័រ Mac Otakara និង DigiTimes បានលើកឡើងថា អស់រយៈពេល 4 ឆ្នាំកន្លងមកហើយ ចាប់តាំងពីការបញ្ចេញលក់ iPad Mini 4 ក្រុមហ៊ុន Apple ប្រហែលជាទៅកាន់តែកៀកនឹងការបញ្ចេញលក់ផលិតផលជំនាន់ថ្មីហើយ។
គេហទំព័រទាំងពីរខាងលើ មិនមែនជាអ្នកដែលទន្ទឹងរងចាំការត្រឡប់មកវិញនូវផលិតផល Tablet ដ៏តូចរបស់ Apple តែម្នាក់នោះទេ។ កាលពីខែមុន គេហទំព័រ Bloomberg ក៏បានផ្សព្វផ្សាយព័ត៌មាន ដែលនិយាយថា យើងអាចនឹងបានឃើញផលិតផល iPad Mini ជំនាន់ថ្មី នៅក្នុងឆ្នាំនេះ ហើយវាក៏ជារឿងគាប់ជួនគ្នាផងដែរ ស្របពេលដែល iPad ត្រូវបានលើកឡើងនៅក្នុងលេខកូដប្រព័ន្ធប្រតិបត្តិការ iOS 12.2។

យ៉ាងណាមិញ ក្រៅពីការអភិវឌ្ឍ ដែលយើងធ្លាប់បានឃើញ ចេញពី iPad និង iPad Pro ស្តង់ដា នៅក្នុងការបង្ហើបព័ត៌មានអំពីម៉ូដែល Mini វាស្តាប់ទៅទំនងជាផលិតផល Tablet ថ្មីនេះអាចនឹងមានលក្ខណៈដូចដើម។ គេហទំព័រ Mac Otakara បានរៀបរាប់អំពីបរិមាត្ររបស់ Tablet ថ្មីនេះ ដែលមានលក្ខណៈស្រដៀងគ្នា ទៅនឹងម៉ូដែលនាពេលបច្ចុប្បន្ននេះ ហើយក៏បានរាយការណ៍ថា ផលិតផលថ្មីនេះនឹងនៅតែបន្តប្រើប្រាស់ការរួមបញ្ចូលគ្នានៃឧបករណ៍ភ្ជាប់ Lightning និងរន្ធដោតកាសស្តាប់ 3.5mm ថ្វីត្បិតផលិតផល iPad Pro ដែលចេញកាលពីឆ្នាំមុន បានបោះបង់មុខងារភ្ជាប់ទាំងពីរនេះចោល ទៅប្រើប្រាស់រន្ធដោត USB-C តែមួយវិញក្តី។ យើងអាចប៉ាន់ស្មានថា ទីតាំង Microphone នៅខាងក្រោយ អាចនឹងត្រូវបានផ្លាស់ប្តូរទៅផ្នែកខាងលើ ចំកណ្តាលវិញ ប៉ុន្តែនេះជាការផ្លាស់ប្តូររូបរាងតែមួយគត់ ដែលត្រូវបានរាយការណ៍មកទល់ពេលនេះ។

យោងតាមសេចក្តីរាយការណ៍ដដែលបានលើកឡើងថា ផលិតផល iPad Mini 5 អាចនឹងប្រើប្រាស់បន្ទះឈីប A10 Fusion ឬ A10X Fusion ដែលអាចនឹងផ្តល់ឱ្យវានូវកម្លាំងថាមពលប្រហាក់ប្រហែលគ្នាទៅនឹងផលិតផល iPad ទំហំ 9.7 inch ដែលចេញកាលពីឆ្នាំ 2018 ឬ iPad Pro ស៊េរីឆ្នាំ 2018។ ថ្វីត្បិតផលិតផល iPad ទាំងពីរខាងលើនេះ អាចដំណើរការជាមួយ Apple Pencil ប៉ុន្តែយើងនៅតែមិនទាន់ច្បាស់ថា ផលិតផលម៉ូដែល Mini ជំនាន់ថ្មីនេះនឹងប្រើប្រាស់ប៊ិចឬអត់ទេ។

ក្រៅពីលក្ខណៈពិសេសខាងលើ យើងអាចប៉ាន់ប្រមាណថា iPad Mini ថ្មីនឹងផ្តល់នូវបទពិសោធន៍ប្រើប្រាស់ iPad ដូចដើម។ មានន័យថាមិនមានឧបករណ៍ប្រើប្រាស់ជាមួយ Laptop ណាមួយ ដែលរន្ធដោត USB-C នៅលើ iPad Pro នឹងត្រូវបានអនុញ្ញាតឱ្យប្រើប្រាស់ជាមួយផលិតផលថ្មីនេះទេ ខណៈដែលទម្រង់រូបរាងដែលបានលើកឡើង បង្ហាញថាយើងនឹងមិនបានឃើញការរចនារូបរាងថ្មីទេ។

ជាមួយគ្នានេះ មានមតិមួយចំនួនបានលើកឡើងថា បើសិនជាការរក្សាបាននូវសុវត្ថិភាព អនុញ្ញាតឱ្យ Apple រក្សាតម្លៃ Tablet ទំហំតូចបំផុត ឱ្យនៅទាប ដូច្នេះផលិតផលថ្មីនេះនឹងសម្របខ្លួនបានយ៉ាងសមស្របនៅក្នុងស្រឡាយផលិតផលទាំងអស់៕

ប្រភព: theverge ផ្នែក: បច្ចេកវិទ្យា, ថេបប្លេត

អត្ថបទអ្នកចង់អាន

ឧបករណ៍ វាស់សីតុណ្ហភាព សម្រាប់ក្មេងរពឹស

ដោយ: ដួងច័ន្ទ 6 PM, Monday, 22 May, 2017

Earmo ជាឧបករណ៍វាស់សីតុណ្ហភាពក្នុងខ្លួន ជំនាន់ថ្មី ដែលអាចវាស់ពីកម្រិតកម្តៅបានយ៉ាងលឿន ដោយអ្នកគ្រាន់តែដាក់ Earmo ក្នុងត្រចៀក និងចុចប៊ូតុង ជាការស្រេច។ ...

តោះមកស្គាល់ វិធីងាយៗ ក្នុងការផ្ទេរទិន្នន័យពី Windows ទៅ Mac

ដោយ: ភារុន 8 AM, Wednesday, 13 Mar, 2019

ការផ្ទេរទិន្នន័យពី Windows ទៅ Mac មែនទេ? ជាទូទៅ Window របស់កុំព្យូទ័រ និង Mac មានលក្ខណៈខុសប្លែកគ្នាជាច្រើនដូចជា នៅក្នុងរយៈពេលនៃកម្មវិធីរបស់ប្រព័ន្ធ...

Apple ធ្វើឱ្យបែកធ្លាយព័ត៌មានពី iPhone ថ្មី

ដោយ: ដួងច័ន្ទ 8 AM, Saturday, 22 Jun, 2019

មកដល់ពេលនេះ អ្នកប្រហែលជាមានហេតុផលជាច្រើន សម្រាប់មើលរំលងលើទូរសព្ទ iPhone 11 និង iPhone XR2 ដោយសារតែវាមានរូបរាងមិនសមប្រកប។ ប៉ុន្តែសូមរងចាំបន្តិចសិន! ...

LG ដាក់បង្ហាញម៉ាស៊ីនសម្ងួតបច្ចេកវិទ្យាដ៏ឆ្លាតវៃ ដំបូងគេបង្អស់នៅក្នុងប្រទេសកម្ពុជា

ដោយ: ទំនើប 11 AM, Wednesday, 17 Jul, 2019

ថ្ងៃចន្ទ ទី15 ខែកក្កដា ឆ្នាំ2019 នេះ ក្រុមហ៊ុន LG Electronics និង ក្រុមហ៊ុន ជីហ្គៀ (G Gear) ប្រារព្ធពិធីសម្ពោធ ផលិតផលថ្មីម៉ាស៊ីនសម្ងួតបច្ចេកវិទ្យាដ...

Tomnerb.Com - YouTube Channel