ចូលចិត្តទំនើប

បែកធ្លាយរូបភាព iPad Pro ថ្មីរបស់ Apple មានកាមេរ៉ា 3 គ្រាប់

ដោយ: ភារុន 8 AM, Friday, 20 Sep, 2019

Apple ហាក់បីដូចជា កំពុងត្រៀមខ្លួនផលិត iPad Pro ថ្មី ដែលមានប្រព័ន្ធកាមេរ៉ា 3 គ្រាប់នៅផ្នែកខាងក្រោយ ស្រដៀងទៅនឹងទូរស័ព្ទ iPhone 11 Pro ។ ពាក្យចចាមអារាមនៃប្រព័ន្ធថ្មីនេះរបស់ផលិតផល iPad ដែលវានឹងមានកាមេរ៉ា 3 គ្រាប់ នឹងអាចលេចចេញរូបរាង ជាលើកដំបូងនៅដើមឆ្នាំនេះ ហើយឥឡូវនេះលោក Sonny Dickson ក៏កំពុងបង្ហើបនូវអ្វីដ៏ពិសេស មុននឹងព្រឹត្តិការណ៍ Apple នាខែតុលា នឹងមកដល់ផងដែរ។ យោងទៅតាមសេចក្តីរាយការណ៍នេះ ផ្នែកខាងក្រោយនៃ iPad Pro ស៊េរីថ្មី នឹងមានកាមេរ៉ា 3 គ្រាប់ដូចគ្នាទៅនឹងទូរស័ព្ទ iPhone 11 Pro។

ប្រសិនបើ Apple កំពុងតំឡើងកាមេរ៉ា 3 គ្រាប់របស់ខ្លួននៅលើ iPad Pro នោះវាមានន័យថាផលិតផល Tablet លែងស្ថិតនៅពីក្រោយផលិតផលទូរស័ព្ទ iPhone តទៅទៀតហើយ។ ដូច្នេះ ម៉ូដែល iPad Pro ឥឡូវនេះនឹងប្រើប្រាស់ប្រព័ន្ធកាមេរ៉ា ដែលស្រដៀងទៅនឹងទូរស័ព្ទ iPhone XR ដែលជាផលិតផលចេញកាលពីឆ្នាំមុន ហើយសម្រាប់ iPad Pro ស៊េរីថ្មី ក៏នឹងមានប្រព័ន្ធកាមេរ៉ា 3 គ្រាប់ ដូចគ្នាទៅនឹងទូរស័ព្ទ iPhone 11 Pro ដែលអនុញ្ញាតឱ្យអ្នកប្រើប្រាស់ច្នៃប្រឌិត ខណៈពេលថតរូបវីដេអូ 4K ឱ្យមានគុណភាពខ្ពស់ជាងមុន និងអាចកែសម្រួលរូបភាព ដោយផ្ទាល់នៅលើ iPad Pro ថ្មីផ្ទាល់។

ឥឡូវនេះ នៅមិនទាន់ព័ត៌មានលម្អិតដទៃទៀត អំពីលក្ខណៈពិសេសៗផ្សេងទៀតនៃផលិតផល iPad Pro ថ្មី។ ប៉ុន្តែ យោងទៅតាមវិបសាយព័ត៌មាន Bloomberg បានធ្វើសេចក្តីរាយការណ៍ថាផលិតផល iPad Pro ថ្មី ទំនងជាម៉ូដែល ដែលមានទាំងទំហំ 11អ៊ីញ និង12.9អ៊ីញ ហើយនឹងទទួលបានអ្វីៗកាន់តែប្រសើរឡើង ដូចគ្នាទៅនឹងផលិតផលទូរស័ព្ទ iPhone ថ្មីផងដែរ។


ទំនងជានឹងមានពាក្យចចាមអារាមជាច្រើនផ្សេងទៀត អំពីផលិតផល iPad Pro ថ្មីរបស់ Apple នៅសប្តាហ៍ក្រោយៗទៀត ដូច្នេះ ប្រិយមិត្តអ្នកអានរបស់ ទំនើប សូមរង់ចាំតាមដានជាមួយនឹងយើងទាំងអស់គ្នា៕

ប្រភព: theverge ផ្នែក: បច្ចេកវិទ្យា, ថេបប្លេត

អត្ថបទអ្នកចង់អាន

មកស្គាល់ Tablet ស្តើងបំផុតរបស់ Samsung

ដោយ: ដួងច័ន្ទ 9 AM, Thursday, 21 Feb, 2019

ក្រុមហ៊ុន Samsung បានធ្វើការប្រកាសពីផលិតផលដ៏គួរឱ្យភ្ញាក់ផ្អើលមួយនៅក្នុងឆ្នាំនេះ ប៉ុន្តែវាមិនមែនជាផលិតផលទូរសព្ទ ដែលយើងទាំងអស់គ្នាកំពុងអន្ទះសារចង់ដឹង...

កម្មវិធីស្មាតហ្វូនវីងងាយស្រួល ទាន់សម័យ ថែមទាំងទទួលបានរង្វាន់

ដោយ: ទំនើប 3 PM, Tuesday, 29 Jan, 2019

«គឺអត់ជឿជាក់ អាចថាគាត់បុគ្គលិកវីងអាចច្រឡំអ្វីមួយចឹង ខ្ញុំក៏Call ទូរសព្ទ ទៅបញ្ជាក់គាត់ម្តងទៀត ហើយពូខ្ញុំក៏គាត់បានប្រាប់ដែរថា ក្មួយមានបញ្ជាក់គេឬអត់? ...

Cruise AV រថយន្តគ្មានចង្កូតដំបូងរបស់ GM

ដោយ: ដួងច័ន្ទ 9 PM, Sunday, 14 Jan, 2018

ការវិវត្តនៃបច្ចេកវិទ្យាយានយន្ត បើកបរដោយស្វ័យប្រវត្តិ មានសន្ទុះកាន់តែខ្លាំង ហើយថ្ងៃនេះក្រុមហ៊ុន General Motor ក៏បានបោះជំហានប្រឡូកក្នុងវិស័យនេះ ជាមួយ...

3 ចំណុចត្រូវដឹង មុនពេលប្តូរ Galaxy S8 ជាកុំព្យូទ័រ

ដោយ: ដួងច័ន្ទ 12 PM, Saturday, 13 May, 2017

Samsung DeX គឺជាឧបករណ៍តូចមួយ ដែលប្រែក្លាយទូរសព្ទ Smartphone ទៅជាម៉ាស៊ីនកុំព្យូទ័រ។ ជាមួយនឹងទូរសព្ទ Galaxy S8 ក្រុមហ៊ុន Samsung បានប្រកាសពីឧបករណ៍ថ្ម...

Tomnerb.Com - YouTube Channel