ចូលចិត្តទំនើប

Apple នឹងផលិតទូរសព្ទបត់ដែរ?

ដោយ: ដួងច័ន្ទ 7 AM, Thursday, 20 Jun, 2019

ក្រុមហ៊ុន Apple បានបង្ហាញថានឹងចេញលក់ទូរសព្ទ iPhone ថ្មីចំនួន 3 ម៉ូដែលនៅចុងឆ្នាំនេះ ហើយភាពចម្រូងចម្រាស់នៃការរចនាម៉ូដរបស់ពួកវាក៏ត្រូវបានដឹងយ៉ាងច្បាស់ផងដែរ។ ប៉ុន្តែក្រុមហ៊ុននេះ ក៏បាននឹងកំពុងធ្វើការយ៉ាងបើកចំហរលើផលិតផលដែលមានមហិច្ឆតាកាន់តែធំ ហើយនាពេលនេះក្រុមហ៊ុនកំពុងលេចចេញជារូបរាងហើយ។

គេហទំព័រ Patently Apple បានឱ្យដឹងថា ស្ថាប័ន US Patent and Trademark Office កាលពីពេលថ្មីៗបានផ្តល់ប័ណ្ណប៉ាតង់ថ្មីដល់ក្រុមហ៊ុន Apple សម្រាប់គម្រប និងអេក្រង់កាច់បត់បានសម្រាប់ឧបករណ៍អេឡិចត្រូនិចមួយ។ លើសពីនេះទៀត គេហទំព័រមួយនេះបានបង្ហាញទាំងវិធីសាស្រ្តដែល Apple នឹងផលិតវា និងការពិចារណាលើទម្រង់នៃការកាច់បត់របស់វាផងដែរ។ យើងបានដឹងថាក្រុមហ៊ុន Apple មានមណ្ឌលការងារមួយសម្រាប់ការផលិតអេក្រង់មួយ ដែលមានទីតាំងដែលអាចបត់បែនបាន និងស្រទាប់គម្របមួយ ប្រើប្រាស់សេរ៉ាមិច ដូចជា Toughened Glass ឬ Sapphire ជាដើម។ នេះគឺជាការបោះជំហានមួយចេញពីអ្វីដែលយើងបានឃើញចេញពីឧបករណ៍បត់បែនរបស់ក្រុមហ៊ុន Samsung និង Huawei ដែលប្រើប្រាស់ផ្ទាំងផ្លាស្ទិចដ៏សាមញ្ញ។


ជាមួយនឹងវិធីសាស្រ្តថ្មីរបស់ខ្លួន Apple បង្ហាញថាក្រុមហ៊ុនមានសមត្ថភាពក្នុងការផលិតទម្រង់កាច់បត់បានល្អប្រសើរជាងទូរសព្ទដទៃដែលយើងបានឃើញមកទល់ពេលនេះ។ ទម្រង់កាច់បត់ស្តង់ដាត្រូវបានបង្ហាញរួចហើយ ប៉ុន្តែ Apple ក៏បានបង្ហាញទម្រង់រ៉ាឌីកាល់កាត់បត់ជា 2 និង 3 ផ្នត់ផងដែរ។


បើសិនជាអ្នកនៅតែមានចម្ងល់អំពីគោលបំណងរបស់ Apple អ្នកមិនគួរខ្វល់ទេ ដោយសារនេះគ្រាន់តែជាឯកសារប័ណ្ណប៉ាតង់ចុងក្រោយនៃ Folding iDevice Patents ដែលក្រុមហ៊ុនបានដាក់ស្នើសុំកាលពីឆ្នាំមុនប៉ុណ្ណោះ រួមទាំងឯកសារមួយទៀត ដែលបង្ហាញអំពី Subtle Heating នៅពីក្រោមអេក្រង់ ដូច្នេះការកាច់បត់មិនរឹង ឬប្រេះទេ នៅក្នុងសីតុណ្ហភាពត្រជាក់ផងដែរ។ ជាទូទៅ Apple មិនមែនជាក្រុមហ៊ុនទីមួយដែលប្រឡូកចូលក្នុងទីលានប្រកួតទេ ប៉ុន្តែក្រុមហ៊ុននេះទំនងជាត្រៀមខ្លួនរួចរាល់សម្រាប់សមរភូមិដ៏ក្តៅគគុកមួយ។

តើយើងរំពឹងថានឹងអាចបានឃើញ iPhone Fold នៅពេលណា? ខណៈដែលទូរសព្ទកាច់បត់ដំបូងបានបង្ហាញវត្តមាននៅក្នុងទីផ្សាររួចទៅហើយនោះ គួរឱ្យស្តាយដែលទូរសព្ទ iPhone នៅក្នុងឆ្នាំ 2019 នេះមិនមានអ្វីទាក់ទាញសោះ។ នៅក្នុងឆ្នាំ 2020 នឹងមានការផ្លាស់ប្តូររូបរាងទ្រង់ទ្រាយធំមួយសម្រាប់ iPhone ដែលនេះប្រហែលជាអាចបញ្ជាក់ថាជាពេលវេលាដែលទូរសព្ទជំនាន់ថ្មីរបស់ Apple នឹងមកដល់ហើយ៕

ប្រភព: forbes ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

រថយន្តដំបូងបង្អស់របស់ Hyundai ដែលមានដំបូល សូឡា នឹងបង្ហាញខ្លួននៅប្រទេសកូរ៉េខាងត្បូង

ដោយ: ភារុន 8 AM, Thursday, 08 Aug, 2019

នាពេលក្រោយៗមកនេះ ក្រុមហ៊ុន Hyundai បានបង្ហាញផែនការបំពាក់បន្ទះ សូឡា ជាមួយនឹងរថយន្តរបស់ខ្លួន។ ឥឡូវនេះរថយន្តដំបូងបង្អស់ ដែលមានបំពាក់បន្ទះ សូឡា បានត្រៀ...

Adapter សម្រាប់ការបញ្ចូលថាមពល ឆាប់រហ័ស

ដោយ: ដួងច័ន្ទ 11 PM, Saturday, 28 Oct, 2017

  ជាមួយនឹងឧបករណ៍សាកថ្មគ្មានខ្សែ ទូរសព្ទ iPhone 8 និង iPhone X ក៏អាចដំណើរការជាមួយ ឧបករណ៍សាកថ្មល្បឿនលឿនដទៃទៀតដែរ។ ក្រុមហ៊ុន Apple បានអះអាងថាអ្នកអាចសា...

កម្មវិធីជំនួយ សម្រាប់គម្រោងជួសជុលផ្ទះ

ដោយ: ដួងច័ន្ទ 7 AM, Saturday, 03 Feb, 2018

ពេលនេះអ្នកបានត្រៀមខ្លួនរួចរាល់ សម្រាប់ការចាប់ផ្តើមគម្រោងកែលម្អគេហដ្ឋាន ដែលអ្នកបានរៀបចំទុកហើយមែនទេ? នេះជាការសម្រេចចិត្តដ៏រីករាយមួយ ប៉ុន្តែវាក៏ងាយនឹង...

ទាញយកកម្មវិធី iOS 10.2.1 ដើម្បីការពារកុំឱ្យ Hacker ចូលទៅបំផ្លាញ ទិន្នន័យរបស់អ្នក

ដោយ: ដួងច័ន្ទ 1 PM, Sunday, 29 Jan, 2017

ក្រុមហ៊ុន Apple តែងតែរួសរាន់ ក្នុងការអនុវត្តកម្មវិធីសុវត្ថិភាពស្រប ពេលដែលផលិតផលរបស់ក្រុមហ៊ុនដាក់លក់លើទីផ្សា។ ក្រុមហ៊ុននេះនឹងផ្តល់ការជូនដំណឹង ដល់អតិ...

Tomnerb.Com - YouTube Channel