ចូលចិត្តទំនើប

Apple ត្រៀមបញ្ចេញទូរសព្ទថ្មី 3 ម៉ូដែល និង កាមេរ៉ាក្រោយ ៣​ គ្រាប់

ដោយ: ដួងច័ន្ទ 9 AM, Tuesday, 15 Jan, 2019

យោងតាមសារព័ត៌មាន Wall Street Journal ក្រុមហ៊ុន Apple នឹងណែនាំទូរសព្ទ iPhone ម៉ូដែលថ្មីដែលមានកាមេរ៉ា 3 គ្រឿង និងម៉ូដែលផ្សេងទៀត ដែលមានតម្លៃទាប ជាមួយនឹងអេក្រង់ LCD នៅក្នុងឆ្នាំថ្មីនេះ។

ទោះបីជាក្រុមហ៊ុនកំពុងជួបប្រទះបញ្ហាធ្លាក់ចុះចំនួននៃការលក់ទូរសព្ទ iPhone XR អេក្រង់ LCD នាពេលបច្ចុប្បន្នក្តី ក៏ព័ត៌មានថ្មីនេះមានន័យសម្តៅថា ក្រុមហ៊ុននៅតែចង់ផលិតស្រឡាយទូរសព្ទ ចាប់ពីកម្រិតមធ្យម ទៅកម្រិតខ្ពស់ដដែល។
ដូចជាក្រុមហ៊ុនផលិតទូរសព្ទដទៃភាគច្រើនទៀតដែរ ក្រុមហ៊ុន Apple បាននឹងកំពុងជួបប្រទះបទពិសោធន៍ធ្លាក់ចុះ នៅក្នុងទីផ្សារ Smartphone ខណៈដែលអ្នកប្រើប្រាស់ធ្វើការ Upgrade កាន់តែតិចទៅៗ។

បច្ចុប្បន្ននេះ Apple មានម៉ូដែលទូរសព្ទ Smartphone មានកាមេរ៉ាភ្លោះជាច្រើនជម្រើស ប៉ុន្តែក្រុមហ៊ុនដទៃទៀត រួមមាន Huawei និង LG បានបញ្ចេញលក់ម៉ូដែលទូរសព្ទដៃ ដែលមានកាមេរ៉ាយ៉ាងហោចណាស់ 3 គ្រឿង។ សូម្បីក្រុមហ៊ុន Samsung ក៏បានបញ្ចេញម៉ូដែលកម្រិតមធ្យម គឺ Galaxy A7 ជាមួយបណ្តុំកាមេរ៉ា 3 គ្រឿងនៅខាងក្រោយផងដែរ។

ការបន្ថែមម៉ូដែលទូរសព្ទដៃដែលមានកាមេរ៉ា 3 គ្រឿងអាចនឹងអនុញ្ញាតឱ្យក្រុមហ៊ុន Apple ផ្តល់ឱ្យអតិថិជននូវមុខងារថតរូបកាន់តែងាយស្រួល ដូចជា Telephoto Closeups និងការពង្រឹងគុណភាពមុខងារ Bokeh Blurred Background។ ទូរសព្ទ iPhone មានកាមេរ៉ា 3 គ្រឿង ក៏ធ្លាប់មានព័ត៌មានចចាមអារ៉ាមលេចឡើងពីពេលមុនដែរ ហើយពេលនេះព័ត៌មាននេះបានលេចឡើងសារជាថ្មី។
យោងតាមសារព័ត៌មាន Wall Street Journal បញ្ជាក់ថា ក្រុមហ៊ុន Apple មិនប្រញាប់ប្រញាល ក្នុងការផលិតទូរសព្ទម៉ូដែល XR មានតម្លៃទាបនោះទេ ប៉ុន្តែម៉ូដែលបន្ទាប់នេះស្ថិតក្នុងដំណាក់កាលអភិវឌ្ឍន៍អស់រយៈពេលជាច្រើនខែមកហើយ ហើយវាអាចនឹងជាកត្តាដ៏លំបាកមួយ និងការចំណាយដ៏ធំមួយ សម្រាប់ការផ្លាស់ប្តូរ Gear ផងដែរ។

នៅឆ្នាំ 2020 ក្រុមហ៊ុនមានគម្រោងផលិតគ្រប់ម៉ូដែលទូរសព្ទ iPhone ទាំងអស់ជាមួយអេក្រង់ OLED ដែលផ្តល់នូវ Contrast ដ៏ខ្លាំង និងពណ៌អេក្រង់កាន់តែស្រស់ស្អាត។

ម៉ូដែលទូរសព្ទ iPhone ទំនងដូចជាកាន់តែមានកម្រិតប្រកួតប្រជែងតិចទៅៗ ជារៀងរាល់ឆ្នាំ ប្រឈមជាមួយម៉ូដែលទូរសព្ទចេញពីក្រុមហ៊ុន Huawei និងក្រុមហ៊ុនដទៃទៀត ដែលក្នុងខណៈពេលនេះ យ៉ាងហោចណាស់ក៏មានបច្ចេកវិទ្យាឈានមុខជាងដែរ។ នៅក្នុងន័យនេះ វាជារឿងដ៏គួរឱ្យចាប់អារម្មណ៍មួយ សម្រាប់ការតាមដានអំពីដំណើរការរបស់ក្រុមហ៊ុន Apple នៅឆ្នាំបន្តបន្ទាប់ ក្នុងការព្យាយាមចាប់យកគុណសម្បត្តិត្រឡប់មកវិញ។

នៅក្នុងខណៈពេលនេះ វាទំនងជាម៉ូដែល XR នឹងត្រូវរក្សានៅដដែល រហូតដល់យ៉ាងហោចណាស់ក៏នៅក្នុងឆ្នាំ 2020 ដែរ ទើបយើងអាចបានឃើញផលិតផលជំនាន់ថ្មី។

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

ល្អមែនទែន! ថ្មទូរស័ព្ទបែបថ្មី សាក 1នាទី ពេញ!

ដោយ: ដាលីស 10 PM, Friday, 19 Jun, 2015

សម្រាប់បញ្ហារឿងថ្មទូរស័ព្ទ ឆាប់អស់អាចនិយាយបានថា ជារឿងមួយធំណាស់ សម្រាប់ទាំងអ្នកប្រើស្មាតហ្វូន និង Gadgetផ្សេងៗនោះ ជាពិសេសក្នុងរឿងការប្រើប្រាស់ ដែលមិ...

EA ចាប់ហ្គេម Plants vs Zombies បញ្ចូលរូបរាងជាមួយហ្គេ ម Mass Effect, Dead Space និង Medal of Honor

ដោយ: ដាលីស 8 PM, Thursday, 07 May, 2015

បង្ហាញខ្លួនឡើងប្រកបដោយជោគជយ័ដ៏ធំធេងសម្រាប់ Plants vs zombies ហ្គេមរុក្ខជាតិប្រយុទ្ធជាមួយខ្មោចឆៅ Zombies ដែលបាននាំយកមកបន្តធ្វើជាវើហ្សឹនសូសៀលនៅក្នុងហ...

Huawei កំពុងផលិតទូរសព្ទរមូរ ប្រើ 5G?

ដោយ: ដួងច័ន្ទ 9 AM, Wednesday, 24 Oct, 2018

លោក Richard Yu នាយកប្រតិបត្តិរបស់ក្រុមហ៊ុន Huawei បានបញ្ជាក់នៅក្នុងព្រឹត្តិការណ៍នេះការដាក់បង្ហាញទូរសព្ទម៉ូដែល Mate 20 និង Mate 20 Pro នៅសប្តាហ៍នេះថ...

Android Camera ដ៏តូច សម្រាប់អ្នកចូលចិត្តថតរូប

ដោយ: ដួងច័ន្ទ 4 PM, Sunday, 07 Jan, 2018

តើអ្នកធ្លាប់ស្រមៃចង់បានកាមេរ៉ា ដ៏តូចមួយ ដែលអ្នកអាចពាក់ជាប់ខ្លួនបានគ្រប់ទីកន្លែងដែរ ឬទេ? ពេលនេះក្តីស្រមៃរបស់អ្នក បានក្លាយជាការពិតហើយ ជាមួយនឹងកាមេរ៉ា...

Tomnerb.Com - YouTube Channel