ចូលចិត្តទំនើប

Apple កំពុងរងបណ្តឹងទាក់ទងនឹងរឿងឆបោក

ដោយ: ដួងច័ន្ទ 9 AM, Thursday, 20 Dec, 2018

កាលពីថ្ងៃសុក្រ សប្តាហ៍មុន មានពាក្យបណ្តឹងមួយបានចោទប្តឹងក្រុមហ៊ុន Apple ទាក់ទងការឆបោកបន្លំអំពីព័ត៌មានទាក់ទងនឹង Spec នៅក្នុងស៊េរីទូរសព្ទ iPhone X។

ឯកសារដើមបណ្តឹងចំនួន 2 បានបញ្ជូនទៅកាន់តុលាការ US District Court of Northern California ចោទប្តឹងថា ក្រុមហ៊ុន Apple បានធ្វើការផ្សព្វផ្សាយពាណិជ្ជកម្មក្លែងបន្លំ អំពីទំហំអេក្រង់ និងចំនួន Pixel របស់អេក្រង់ ដែលត្រូវបានតំឡើងនៅលើទូរសព្ទ iPhone X, iPhone XS និងទូរសព្ទ iPhone XS Max។ ពាក្យបណ្តឹងនេះ ចោទប្តឹងឡើងដើម្បីទាមទារការបញ្ជាក់ពីសញ្ញាច្បាស់លាស់សម្រាប់ផលិតផលទាំងនោះ។

ក្រុមហ៊ុន Apple មិនបានឆ្លើយតបភ្លាមៗទៅនឹងការស្នើសុំបញ្ចេញមតិយោបល់ទាក់ទងនឹងបញ្ហានេះឡើយ។

ការចោទប្តឹងនេះ បានលើកឡើងថា ក្រុមហ៊ុន Apple បានកុហកអំពីទំហំអេក្រង់ ដោយបានរាប់បញ្ចូលទាំងកន្លែងដែលគ្មានអេក្រង់ ដូចជា Notch និងនៅតាមជ្រុងទូរសព្ទជាដើម។ ដូច្នេះផលិតផលទូរសព្ទថ្មី នៃស៊េរីទូរសព្ទ iPhone មិនមែនជាប្រភេទអេក្រង់ All Screen ដូចការផ្សព្វផ្សាយពាណិជ្ជកម្មឡើយ។ នេះជាអ្វីដែលយើងបានដកស្រង់ចេញពី ឯកសារពាក្យបណ្តឹងចំនួន 55 ទំព័រ។ នៅក្នុងឯកសារពាក្យបណ្តឹងបានលើកឡើងជាឧទាហរណ៍ថា ទំហំអេក្រង់របស់ទូរសព្ទ iPhone X គឺមានទំហំ 5.8 inch ប៉ុន្តែតាមការវាស់វែងបានបង្ហាញថា វាមានទំហំត្រឹមតែ 5.6875 inch ប៉ុណ្ណោះ។

ពាក្យបណ្តឹងនេះក៏បានចោទប្តឹងផងដែរថា ស៊េរីទូរសព្ទ iPhone X មានកម្រិត Resolution នៅលើអេក្រង់ទាបជាងអ្វីដែលបានផ្សព្វផ្សាយ។ ទូរសព្ទ iPhone X តាមការផ្សព្វផ្សាយ គួរតែមាន អេក្រង់មាន Resolution កម្រិត 2436 x 1125 pixel ប៉ុន្តែផលិតផលនេះ មិនបានបំពាក់នូវ Pixel ពិតប្រាកដជាមួយនឹង Subpixel ពណ៌ក្រហម បៃតង និងពណ៌ខៀវ នៅក្នុងគ្រប់ទំហំ Pixel នីមួយៗទេ។ ទូរសព្ទ iPhone X ត្រូវបានគេចោទប្តឹងថា មានកម្រិត Subpixel ត្រឹមតែ 2 ប៉ុណ្ណោះសម្រាប់ ក្នុងមួយ Pixel ដែលនេះបង្ហាញថាវាមានចំនួនតិចជាងអ្វីដែលបានផ្សព្វផ្សាយ។ ជាមួយគ្នានេះ ការចោទប្តឹងនេះក៏បានលើកឡើងដែរថា ទូរសព្ទ iPhone 8 Plus មានអេក្រង់ដែលមានគុណភាពខ្ពស់ជាង អេក្រង់របស់ iPhone X។

នេះមិនមែនជាលើកទីមួយទេ ដែលក្រុមហ៊ុន Apple ទទួលរងការចោទប្តឹងទាក់ទងនឹងផលិតផលរបស់ពួកគេ។ កាលពីខែមីនា កន្លងទៅ មានអតិថិជនជាច្រើនសិបនាក់ បានចោទប្តឹងក្រុមហ៊ុន ក្នុងពាក្យបណ្តឹងដាច់ដោយឡែកពីគ្នា ចំនួន 59 ពាក្យបណ្តឹង ទាក់ទងនឹងបញ្ហាប្រព័ន្ធ Software ដែលកើតមានឡើងនៅលើផលិតផលទូរសព្ទ iPhone ចាស់ៗ និងទាមទារឱ្យមានដំណោះស្រាយត្រឹមត្រូវ។

កាលពីខែមិថុនា ក្រុមហ៊ុន Apple ទទួលរងការវាយប្រហារមួយទៀត ទាក់ទងនឹងបណ្តឹងសំណង 5 លានដុល្លារសហរដ្ឋអាមេរិក ចំពោះការខូចខាតលើអេក្រង់នាឡិកាដៃ Apple Watch ពាក់ព័ន្ធនឹងករណី ការប្រេះ រលាយ ឬជ្រុះដាច់ចេញពីតួនាឡិកា។

យើងទាំងអស់គ្នានឹងរងចាំមើលថា តើក្រុមហ៊ុន Apple នឹងធ្វើការឆ្លើយតបយ៉ាងណាទាក់ទងនឹង ពាក្យបណ្តឹងថ្មីនេះ ហើយបើសិនវាជាការពិត តើ Apple នឹងមានដំណោះស្រាយយ៉ាងណាដែរ?

ប្រភព: cnet ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

iPhone 7 អាច Pre-Order ចាប់ពី​ថ្ងៃទី 9 កញ្ញា​ ខាងមុខនេះ​ហេីយ!

ដោយ: WangSang 12 AM, Saturday, 30 Jul, 2016

iPhone7 និង iPhone7 Pro អាចនឹងបង្ហាញខ្លួនជាផ្លូវការនៅកំឡុុងខែ កញ្ញា ព្រមជាមួយនឹងកក់ទុកជាមុន ចាប់ពីថ្ងៃទី 9 កញ្ញា ហើយ Apple នឹងបញ្ចេញលក់សប្តាហ៍បន្ទា...

ទូរទស្សន៍ LG OLED ទំហំ 77 inch មានតម្លៃស្មើនឹងឡានមួយគ្រឿង

ដោយ: ដួងច័ន្ទ 9 PM, Sunday, 02 Jul, 2017

ទូរទស្សន៍ LG ម៉ូដែល W Series ដែលជាទូរទស្សន៍អេក្រង់ OLED បំពាក់បច្ចេកវិទ្យា 4K បានផ្តល់ ភាពភ្ញាក់ផ្អើលដល់អ្នកទាំងអស់គ្នា នៅក្នុងព្រឹតិ្តការណ៍ CES ជា...

ហាងទំនើប LG Premium BrandShop បើកសម្ពោធជាផ្លូវការដំបូងគេបង្អស់នៅប្រទេសកម្ពុជា

ដោយ: ទំនើប 10 AM, Saturday, 01 Dec, 2018

ក្រុមហ៊ុន LG Electronics និង ក្រុមហ៊ុន ជីហ្គៀ (G Gear ) បានប្រារព្ធនូវពិធីសម្ពោធជាផ្លូវការនូវហាងទំនើប LG Premium BRANDSHOP ដំបូងគេបង្អស់នៅក្នុងប្រទ...

វីធីផ្ញើសារសម្ងាត់នៅលើ Gmail

ដោយ: ដួងច័ន្ទ 8 AM, Monday, 17 Jun, 2019

ក្រុមហ៊ុន Google បានណែនាំឱ្យស្គាល់នូវមុខងារថ្មី Confidential Mode សម្រាប់កម្មវិធី Gmail កាលពីឆ្នាំ 2018។ វាជា Setting មួយដែលអនុញ្ញាតឱ្យអ្នកប្រើប្រា...

Tomnerb.Com - YouTube Channel