ចូលចិត្តទំនើប

iPhone ថ្មី សន្យារក្សាការសម្ងាត់ របស់អ្នក

ដោយ: ដួងច័ន្ទ 9 AM, Sunday, 17 Mar, 2019

នៅក្នុងការអនុវត្តបន្តពីការផ្សព្វផ្សាយពាណិជ្ជកម្ម ដែលបានធ្វើឡើងនៅក្នុងព្រឹត្តិការណ៍ CES កាលពីពេលកន្លងទៅនេះ ក្រុមហ៊ុន Apple ទើបនឹងបញ្ចេញវីដេអូផ្សព្វផ្សាយពាណិជ្ជកម្មមួយថ្មីទៀត ដែលជាថ្មីម្តងទៀតផ្តោតសំខាន់លើផលិតផលទូរសព្ទ iPhone ក្នុងនាមជាជម្រើសរក្សាព័ត៌មានសម្ងាត់ និងឯកជន បានល្អប្រសើរជាងផលិតផលទូរសព្ទរបស់ក្រុមហ៊ុនដទៃទៀត។

ចំណងជើង «Privacy on iPhone-Private Side» បង្ហាញថាផលិតផលទូរសព្ទ iPhone ថ្មី ផ្តោតសំខាន់លើការឱ្យតម្លៃរបស់អ្នកប្រើប្រាស់លើការរក្សាព័ត៌មានសម្ងាត់ និងឯកជនភាព មិនថានៅក្នុងលក្ខខណ្ឌប្រើប្រាស់យ៉ាងណាក្តី។ វាត្រូវបានចងភ្ជាប់ជាមួយពាក្យស្លោក «If privacy matters in your life, it should matter to the phone your life is on» មានន័យថា បើសិនជាការរក្សាព័ត៌មានសម្ងាត់ ពិតជាសំខាន់សម្រាប់ជីវិតរបស់អ្នក វាគួរតែមានសារៈសំខាន់ដូចគ្នាចំពោះទូរសព្ទ ដែលអ្នកប្រើប្រាស់ជារៀងរាល់ថ្ងៃ។
ក្រុមហ៊ុន Apple ទទួលបានសិទ្ធិក្នុងការអួតបង្ហាញពីការបំពេញមុខងាររក្សាព័ត៌មានសម្ងាត់ ជាមួយវឌ្ឍនភាពនៅលើសន្តិសុខនៃការប្រើប្រាស់ មុខងារ Encryption ការតាមដានអ្នកប្រើប្រាស់ និងការពង្រឹងមុខងារ Default Setting។

យ៉ាងណាក្តី វាពិតជាមិនងាយនឹងបំភ្លេចអំពីករណីមួយកើតឡើងភ្លាមៗបន្ទាប់ពីការផ្សព្វផ្សាយរបស់ក្រុមហ៊ុន Apple កាលពីខែមករា ដែលមានយុវជនមួយរូបបង្ហាញពីបញ្ហាមួយនៅក្នុងសេវាកម្ម FaceTime ដែលអនុញ្ញាតឱ្យអ្នកណាក៏អាចស្តាប់លឺ តាមរយៈ Mic មុនពេលកិច្ចសន្ទនាចាប់ផ្តើម ហើយបញ្ហានេះមិនអាចទទួលបានការឆ្លើយតបពីក្រុមហ៊ុន Apple ឡើយ ទាក់ទងនឹងការជួសជុល មុនពេលដំណឹងនៃបញ្ហានេះត្រូវបានរីកសុះសាយ។
យើងពិតជាសង្ឃឹមថា មោទនភាពរបស់ក្រុមហ៊ុន Apple អំពីភាពខ្លាំងនៃការរក្សាព័ត៌មានសម្ងាត់របស់អ្នកប្រើប្រាស់នេះ នឹងមិនមានបញ្ហាអ្វីចោទឡើងឡើយ ហើយយើងក៏រងចាំស្វែងយល់ច្បាស់ទាំងអស់គ្នា អំពីឥទ្ធិពលដ៏ខ្លាំងរបស់វាដែរ។

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

Game ទាំង៥ ដែលសក្តិសមសម្រាប់ Nintendo Switch

ដោយ: ដួងច័ន្ទ 9 PM, Monday, 13 Mar, 2017

មនុស្សជាច្រើនកំពុងរំភើបរីករាយ និងអន្ទះសារចំពោះម៉ាស៊ីន Game Nintendo ថ្មី។ ប៉ុន្តែទោះវាជាម៉ាស៊ីនល្អយ៉ាងណាក្តី បើគ្មាន Game កំសាន្ត ក៏វាគ្រាន់តែជាប្រ...

ណែនាំ Mouse Pad ថ្មី ពី Asus

ដោយ: ដួងច័ន្ទ 3 PM, Tuesday, 10 Jul, 2018

ROG Balteus គឺជា Mousing Surface ជំនាន់ថ្មីចុងក្រោយបង្អស់របស់ក្រុមហ៊ុន Asus។ វាជាស្នាដៃដ៏ប្រណិតនៃបច្ចេកវិទ្យា ដែលផលិតឡើងមានសមត្ថភាពខ្ពស់ លើសពី Mo...

ម៉ូដែលកង់នារី ប្រចាំឆ្នាំ 2018

ដោយ: ដួងច័ន្ទ 8 PM, Thursday, 04 Jan, 2018

ការពីមុន ម៉ាកសញ្ញាកង់ជាច្រើន តែងផលិតកង់ម៉ូដែលស្រ្តីមួយម៉ូដែល ជារៀងរាល់ឆ្នាំ។ ឯសព្វថ្ងៃនេះ កង់ប្រភេទស្រីបានពង្រីកចំនួនផលិតផលកាន់តែច្រើន សម្រាប់អ្នកជ...

ក្រុមហ៊ុន LG ឈ្នះពានរង្វាន់កំពូលប្រចាំឆ្នាំ ពីស្ថាប័ន EISA ទៅលើបច្ចេកវិទ្យាសប្បនិមិ្មតចុងក្រោយបំផុត ដែលភ្ជាប់នៅក្នុងទូរទស្សន៍និងឧបករណ៍បំពងសំលេង

ដោយ: ទំនើប 9 AM, Saturday, 17 Aug, 2019

ការបន្តកំណត់ត្រាវែងឆ្ងាយនៃភាពជោគជ័យ ត្រូវបានសហការនិងទទួលស្គាល់ជាសាធារណៈពីអ្នកប្រើប្រាស់គ្រឿងអេឡិចត្រូនិចដ៏បំផុតក្នុងពិភពលោក ។ ទីក្រុងសេអ៊ូលថ្ងៃទី ១...

Tomnerb.Com - YouTube Channel