ចូលចិត្តទំនើប

ក្រុមហ៊ុន Apple, Google, Facebook និង Microsoft… កំពុងដាក់ពាក្យស្នើរសុំ FCC សម្រាប់ការតភ្ជាប់បណ្តាញ Wi-Fi ល្បឿនលឿនបំផុត

ដោយ: ភារុន 8 AM, Thursday, 25 Jul, 2019

វាកម្រណាស់ ក្នុងការមើលឃើញថាក្រុមហ៊ុន Apple, Google, Microsoft, Facebook, HP, Qualcomm, Intel, Broadcom, និង Marvell បានដើរនៅលើផ្លូវតែមួយ។ ក្រុមហ៊ុនទាំងអស់នេះ បានយល់ព្រមជាសាធារណៈចំពោះ ការចង់បាន បន្ទះឈីប និងឧបករណ៍ ដែលអាចទាញអត្ថប្រយោជន៍ដោយគ្មានព្រំដែនទៅលើល្បឿន Wi-Fi ដូច្នេះពួកគេ ត្រូវដាក់ពាក្យស្នើរសុំ FCC ដោយសារតែ ក្រុមហ៊ុនទាំងអស់នេះ ត្រូវការ Wi-Fi ល្បឿនលឿន ដើម្បីនាំយកវ៉ែនតា AR/VR ជំនាន់ក្រោយបំផុត និងភ្ជាប់ទិន្នន័យទៅអ្នកប្រើប្រាស់។

ជាទូទៅ បណ្តាញ Wi-Fi ត្រូវបានបង្កើតឡើង នៅលើ 2.4GHz និង 5GHz Spectrum ប៉ុន្តែ កាលពីចុងឆ្នាំមុន FCC បានយល់ព្រមជាផ្លូវការក្នុងការបើកចំហរ 6GHz Band ដែលវាក៏នឹងអាចដំណើរការបានផងដែរ ដោយផ្តល់នូវបណ្តាញ ឥតខ្សែទំហំ 1,200MHz ដ៏ធំ សម្រាប់ឧបករណ៍ អាចធ្វើការទំនាក់ទំនង ដោយមិនចាំបាច់ពឹងផ្អែកលើ Cellular តទៅទៀត ឡើយ។ ប៉ុន្តែ ការធ្វើបែបនេះ ក៏បង្កជាបញ្ហាដ៏ធំដល់សេវាកម្ម Cellular ។ នេះជាហេតុ នាំឱ្យមានតម្រូវការ ការសាងសង់ អង់តែន 6GHz Microwave សម្រាប់ការតភ្ជាប់ទំនាក់ទំនង ហើយពួកគេនៅតែមានក្តីបារម្ភជុំវិញការជ្រៀតជ្រែកចូល ផ្សេងៗផងដែរ។



ជាក់ស្តែង អ្នកផលិតបន្ទះឈីប និងក្រុមហ៊ុន Hardware មិនចង់បានគ្រាន់តែផ្នែកមួយនៃ 6GHz Spectrum ដូច្នេះពួកគេ កំពុងជម្រុញឱ្យមានដំណោះស្រាយ ដ៏មានសក្តានុពលភាពមួយ ទៅលើការជ្រៀតជ្រែកទាំងនោះ ដែលវាគឺជាបច្ចេកទេស មួយដែលត្រូវបានគេហៅថា បច្ចេកទេសសម្របសម្រួលប្រេកង់ដោយស្វ័យប្រវត្តិ ឬ Automatic Frequency Coordination និងហៅកាត់ថា (AFC) ដែលជាបច្ចេកទេសមួយ អាចដឹង និងបញ្ឈប់ការជ្រៀតជ្រែកផ្សេងៗ។

ប៉ុន្តែ វាតម្រូវឱ្យមានឧបករណ៍ Wi-Fi ដែលត្រូវបានចុះឈ្មោះនៅក្នុង Database ។ ដូច្នេះ នាពេលឥឡូវនេះ ក្រុមហ៊ុនយក្សទាំង 9 នេះកំពុងដាក់ញត្តិស្នើរសុំ FCC ដើម្បីអនុម័តប្រភេទ Wi-Fi ថ្មី ដែលអាចប្រើប្រាស់ថាមពលតិចបំផុត (VLP)៕

អត្ថបទអ្នកចង់អាន

HP ត្រៀមចាប់ Android OS ដាក់ចូលស្មាតហ្វូន ផលិតលក់ម្តងទៀត!

ដោយ: ដាលីស 12 AM, Sunday, 10 May, 2015

កាលពីចុងឆ្នាំ 2013កន្លងមកនេះ មានលេចឮព័ត៌មានថា HP ក្រុមហ៊ុនផលិតកុំព្យូទ័រល្បីឈ្មោះ កំពុងត្រៀមវិលត្រឡប់ មកហក់ចូលទីផ្សារស្មាតហ្វូនជាថ្មីម្តងទៀត ដោយជ្រ...

SSD ថ្មីរបស់ Toshiba ជាបន្ទះឈីប 3D

ដោយ: ដួងច័ន្ទ 9 AM, Wednesday, 08 Aug, 2018

ក្រុមហ៊ុន Toshiba ទើបនឹងប្រកាសពីផលិតផលថ្មី នៃស្រឡាយផលិតផល XG6 ដែលជាបន្ទះ SSD ដំបូងត្រូវបានផលិតឡើងជាមួយនឹងបច្ចេកវិទ្យា ទំនើបបំផុត 96 Layer 3D Flash។...

រថយន្ត Mitsubishi គ្មានកញ្ចក់មានអ្វីពិសេស?

ដោយ: ដួងច័ន្ទ 6 PM, Monday, 22 Jan, 2018

តើអ្នកធ្លាប់លឺពីរថយន្ត គ្មានកញ្ចក់ ដែរឬទេ? វាប្រហែលជាអ្វីដែលថ្មី និងចម្លែកសម្រាប់អ្នក ហើយពិតជាធ្វើឱ្យអ្នកចង់ដឹង ពីរថយន្តប្រភេទនេះកាន់តែខ្លាំង។ នៅក្...

ពាណិជ្ជកម្ម Samsung នៅអូស្ត្រាលីកំពុងរងបណ្តឹង

ដោយ: ដួងច័ន្ទ 8 AM, Tuesday, 09 Jul, 2019

ក្រុមហ៊ុន Samsung កំពុងរងពាក្យបណ្តឹងពីអ្នកប្រើប្រាស់នៅអូស្រ្តាលី ជុំវិញបញ្ហាកំហុសឆ្គងអំណះអំណាងនៅក្នុងការផ្សព្វផ្សាយពាណិជ្ជកម្មរបស់ក្រុមហ៊ុននេះ។ ការ...

Tomnerb.Com - YouTube Channel