ចូលចិត្តទំនើប

Apple កំពុងពិចារណាដាក់កាមេរ៉ាក្នុង Apple Watch

ដោយ: ដួងច័ន្ទ 8 AM, Friday, 05 Jul, 2019

បើសិនជាផលិតផល Apple Watch នឹងត្រូវបានបំពាក់កាមេរ៉ា វានឹងត្រូវតំឡើងនៅលើខ្សែនាឡិកា។ ក្រុមហ៊ុន Apple ពិតជាកំពុងខិតខំស្វែងរកវិធីសាស្រ្តក្នុងការបំពាក់កាមេរ៉ាមួយគ្រាប់ ទៅក្នុងផលិតផលនាឡិកា ដែលនេះជាព័ត៌មានដែលទទួលបានពីឯកសារស្នើសុំអាជ្ញាប័ណ្ណរបស់អាមេរិក ដែលទទួលបានការអនុញ្ញាតនាពេលថ្មីៗនេះ។


ក្រុមហ៊ុន Apple បានសម្រេចនូវដំណោះស្រាយដ៏សក្តិសមមួយ គឺការដាក់កាមេរ៉ានៅក្នុងខ្សែនាឡិកាដែលអាចបត់បែនបាន ផ្តល់ឱ្យអ្នកនូវសេរីភាពក្នុងការដាក់គោលដៅ Lens។ នៅក្នុងឯកសារដាក់ស្នើសុំអាជ្ញាប័ណ្ណ មានរៀបរាប់អំពីឧទាហរណ៍នៃផលិតផលគំរូ ដែលរួមបញ្ចូលនូវ Optical Sensor នៅផ្នែកខាងចុងនៃខ្សែនាឡិកា។ នៅពេលអ្នកពាក់ Apple Watch អ្នកអាចនឹងប្រើដៃម្ខាងទៀតក្នុងការកាត់កាមេរ៉ា និងថតរូបភាព ដោយធ្វើការចុចបញ្ជារនៅលើប៊ូតុងនៅក្បែរនោះ។ គ្រប់រូបភាពដែលអ្នកបានថត នឹងបង្ហាញនៅលើអេក្រង់ដើមរបស់នាឡិកា ដែលដើរតួជា Viewfinder។ ដើម្បីដំណើរការថតរូបដោយប្រើដៃតែម្ខាង ឯកសារស្នើសុំប័ណ្ណប៉ាតង់របស់ក្រុមហ៊ុន Apple បានបញ្ជាក់ពីគោលបំណងដាក់កាមេរ៉ានៅក្នុងខ្សែនាឡិកា Malleable ដែលអ្នកនឹងអាចពត់តម្រង់ Lens តទល់នឹងនាឡិកា។


ឯកសារស្នើសុំនេះក៏បានបញ្ជាក់ថា វាអាចអនុញ្ញាតឱ្យអ្នកថតរូប Selfie បានផងដែរ។ នៅក្នុងករណីនេះ ខ្សែនាឡិកដាអាចនឹងត្រូវតំឡើងជាមួយកាមេរ៉ាចំនួន 2 គ្រាប់ ដែលមួយគ្រាប់បែរមុខចេញមកក្រៅ និងមួយគ្រាប់ទៀតបែរមុខចូលក្នុង។ ឬម្យ៉ាងវិញទៀត កាមេរ៉ាអាចនឹងត្រូវតំឡើងនៅផ្នែកខាងលើបង្អស់នៃ Hinge ដែលអាចបង្វិលបាន។ ឯកសារប័ណ្ណប៉ាតង់ដែលត្រូវបានគេហទំព័រ 9to5Mac ទទួលបាននេះ ត្រូវបានដាក់ស្នើសុំកាលពីខែកញ្ញា ឆ្នាំ 2016។ យោងតាមការស្នើសុំ ក្រុមហ៊ុនបានរៀបចំឯកសារទស្សនទានបច្ចេកវិទ្យា ដែលអាចឱ្យអ្នកប្រើប្រាស់ពឹងផ្អែកបាននៅលើ Apple Watch។
ប្រាកដណាស់ថា ក្រុមហ៊ុនអាចជ្រើសរើសទីតាំងដាក់កាមេរ៉ានៅលើតួនាឡិកា ប៉ុន្តែ Apple បានបញ្ជាក់ថា វាអាចនឹងធ្វើឱ្យអ្នកពាក់មិនមានផាសុកភាពក្នុងការប្រើប្រាស់ ជាមួយនឹងទីតាំងមិនសមប្រកប នៅពេលពួកគេចង់ថតរូប។ ដៃរបស់អ្នកប្រើប្រាស់ក៏ប្រហែលជានឹងហត់នឿយខ្លាំងនៅពេលប្រើប្រាស់សម្រាប់ការថតវីដេអូចេញពី Smartwatch ដែលមានកាមេរ៉ា។

យើងមិនទាន់ច្បាស់ថាតើ ក្រុមហ៊ុន Apple នឹងប្រើប្រាស់ទស្សនទាននេះឬអត់ទេ ប៉ុន្តែជាទម្លាប់ ក្រុមហ៊ុននេះតែងអនុវត្តបច្ចេកវិទ្យាដែលទទួលបានអាជ្ញាប័ណ្ណនៅក្នុងផលិតផលពិតប្រាកដ៕

ប្រភព: mashable ផ្នែក: បច្ចេកវិទ្យា, នាឡិកា

អត្ថបទអ្នកចង់អាន

ខ្លាំង!!! SUV ៦ សម្រាប់ ២០១៨

ដោយ: ស. លីង 10 PM, Friday, 11 Aug, 2017

ក្រុមហ៊ុនផលិតរថយន្ត SUV បានឌីហ្សាញឡាន ២០១៧ ឡើងវិញសម្រាប់ឆ្នាំ ២០១៨។ ហ្វេនរបស់ SUV មិនបាច់និយាយក៏ដឹងដែរថា ម៉ូដប្រាកជាពិសេសហើយ តែតម្លៃវិញម៉េចដែរ? អ៊ី...

VAIO Phone Biz ស្មាតហ្វូនអាចប្រើជំនួសកុំព្យូទ័រ សម្រាប់អ្នកធុរកិច្ច

ដោយ: វិរីយា៉ 11 PM, Tuesday, 15 Mar, 2016

ចេញមក​ហើយ ក្រោយពី​មាន​ព័ត៌មាន​ច​ចាម​អារាម ជា​យូរ​មកហើយ​ថា VAIO ប្រ៊ែ​ន​កុំព្យូទ័រ​លែ​ប​ថប់​របស់​ខាង Sony ដែល​ធ្លាប់មាន​ព័ត៌មាន​ថា នឹង​បង្ហាញខ្លួន​ស...

Apple ធ្វើឱ្យបែកធ្លាយព័ត៌មានពី iPhone ថ្មី

ដោយ: ដួងច័ន្ទ 8 AM, Saturday, 22 Jun, 2019

មកដល់ពេលនេះ អ្នកប្រហែលជាមានហេតុផលជាច្រើន សម្រាប់មើលរំលងលើទូរសព្ទ iPhone 11 និង iPhone XR2 ដោយសារតែវាមានរូបរាងមិនសមប្រកប។ ប៉ុន្តែសូមរងចាំបន្តិចសិន! ...

LG បង្ហាញអេក្រង់ 4K HDR តម្លៃទាបមិនធ្លាប់មាន

ដោយ: ដួងច័ន្ទ 8 AM, Thursday, 04 Oct, 2018

តម្លៃរបស់អេក្រង់ Monitor ប្រភេទ HDR ប្រើប្រាស់សម្រាប់ការលេងហ្គេម បានបន្តការធ្លាក់ចុះ នេះបើតាមការវិនិច្ឆ័យលើម៉ូដែលថ្មីរបស់ក្រុមហ៊ុន LG។ ម៉ូដេល 32UK5...

Tomnerb.Com - YouTube Channel