ចូលចិត្តទំនើប

កាសស្តាប់ AirPods នៅតែល្អជាងគេ

ដោយ: ដួងច័ន្ទ 8 AM, Saturday, 06 Apr, 2019

តើអ្នកមានចាំទេ កាសស្តាប់ AirPods ធ្លាប់ត្រូវបានមនុស្សជាច្រើនសើចចំអក ដោយសារតែរូបរាងដ៏ចម្លែកខុសពីគេរបស់វា។ ប៉ុន្តែផលិតផលកាសស្តាប់នេះទទួលបានប្រជាប្រិយភាពកើនឡើងខ្លាំង ក្នុងរយៈពេលប៉ុន្មានឆ្នាំចុងក្រោយនេះ ហើយយោងតាមការសិក្សាថ្មី ដោយ Counterpoint Research បានរកឃើញថា ផលិតផលកាសស្តាប់គ្មានខ្សែមួយនេះ នៅតែគ្របដណ្តប់ខ្លាំងនៅក្នុងទីផ្សា ទោះបីជាមានការផ្លាស់ប្តូរស្ថានភាពក្នុងទីផ្សារមួយចំនួនក្តី។

យោងតាមការស្រាវជ្រាវខាងលើ គេបានធ្វើការព្យាករណ៍ថា ចំនួនកាសស្តាប់ ដែលត្រូវបានដឹកជញ្ជូនទៅដល់ដៃអតិថិជន មានប្រមាណ 12.5 លានគ្រឿង នៅក្នុងត្រីមាសទី 4 ក្នុងឆ្នាំ 2018 ហើយក្រុមហ៊ុន Apple មានចំណែកផលិតផលភាគច្រើន។ ក្នុងនោះក្រុមហ៊ុនបច្ចេកវិទ្យាយក្សមួយនេះ ទទួលបានចំណែកទីផ្សាររហូតដល់ 60%។

នេះជាការសម្រេចបានដ៏ធំ គួរឱ្យភ្ញាក់ផ្អើល ដែលក្នុងនោះយើងក៏បានឃើញចំនួនម៉ាកសញ្ញាផលិតផលថ្នាក់កណ្តាល ក៏បាននឹងកំពុងចាប់ផ្តើមទាញយកចំណែកទីផ្សារមួយភាគធំផងដែរ នៅក្នុងត្រីមាសចុងក្រោយនៃឆ្នាំ 2018 នេះ។ ទោះបីជានៅក្នុងទឹកដីរបស់ Apple ផ្ទាល់ក្តី ដែលជាទីកន្លែង AirPods នៅតែរក្សាដំណែងកំពូលក្នុងការលក់ ក៏ម៉ាកសញ្ញាផលិតផលរបស់ប្រទេសកូរ៉េ និងដាណឺម៉ាក មាន Samsung និង Jabra ក៏កំពុងដំណើរការយ៉ាងប្រសើរដែរ។ ចំណែកទីផ្សាររបស់ Cupertino មានកម្រិតទាប នៅក្នុងប្រទេសចិន ធៀបនឹងតំបន់ដទៃទៀត ដោយសារការកើនឡើងនៃវត្តមានផលិតផលដែលមានតម្លៃទាប។

ចំណែកនៅក្នុងតំបន់អាស៊ីប៉ាស៊ីហ្វិក ផលិតផលរបស់កាសស្តាប់របស់ Apple ទទួលបានលទ្ធផលគាប់ប្រសើរ ប៉ុន្តែក៏នៅមានម៉ាកសញ្ញាផលិតផលថ្មីៗ និងមានតម្លៃសមរម្យ ក៏បាននឹងកំពុងជះឥទ្ធិពលដល់ការលក់របស់ Apple ដែរ។

យ៉ាងណាមិញ លទ្ធផលរបស់ Apple នៅតំបន់អឺរ៉ុបមិនគាប់ប្រសើរឡើយ ដោយចំនួននៃការលក់ស្ថិតនៅក្រោមបន្ទាត់រំពឹងទុក ខណៈដែលផលិតផល Jabra មានចំណែកទីផ្សាររហូតដល់ 14% ហើយតំបន់អឺរ៉ុបក៏ជាកន្លែងដែលម៉ាកសញ្ញាផលិតផលអឺរ៉ុបខាងលិចថ្មីៗ កំពុងធ្វើការគ្រប ដណ្តប់។
បន្ថែមលើប្រជាប្រិយភាពកើនឡើងជាបន្តបន្ទាប់របស់ម៉ាកសញ្ញាផលិតផលថ្មីៗ និងម៉ាកសញ្ញាផលិតផលថ្នាក់កណ្តាល កត្តាមួយផ្សេងទៀតដែលជះឥទ្ធិពលអាក្រក់លើផលិតផលរបស់ Apple គឺអតិថិជនផ្ទាល់។ អតិថិជនមួយចំនួនកំពុងទន្ទឹងរងចាំទិញកាសស្តាប់ AirPods មួយគូ បានជ្រើសរើសរងចាំសម្រាប់ Version ថ្មី ដែលត្រូវបានប្រកាសកាលពីខែមីនាកន្លងទៅនេះ។

យើងនឹងរងចាំមើលទាំងអស់គ្នាថា តើ AirPods ថ្មីនឹងទទួលបានលទ្ធផលយ៉ាងណានៅក្នុងទីផ្សារដែលកំពុងមានការប្រកួតប្រជែងខ្លាំងមួយនេះ៕

ប្រភព: engadget ផ្នែក: បច្ចេកវិទ្យា, Accessories

អត្ថបទអ្នកចង់អាន

Oppo Find X មានកាមេរ៉ាដ៏ខ្លាំង

ដោយ: ដួងច័ន្ទ 2 PM, Friday, 20 Jul, 2018

បើសិនជាមាននិន្នាការតែមួយគត់ក្នុងការចង្អុលបង្ហាញពីទូរសព្ទស៊េរីថ្មីក្នុងឆ្នាំ 2018 វាគឺជាកិច្ចខិតខំប្រឹងប្រែងដើម្បីពង្រីកផ្ទៃអេក្រង់ទូរសព្ទឱ្យកាន់តែធ...

Microsoft បង្ហាញកុំព្យូទ័រ ARM-Powered Windows 10 ថ្មី

ដោយ: ដួងច័ន្ទ 6 PM, Thursday, 21 Dec, 2017

ក្រុមហ៊ុន Microsoft និង Qualcomm បានបង្ហាញជាផ្លូវការនូវកុំព្យូទ័រយួរដៃ ដំណើរការដោយ ARM-Powered Windows 10 ដំបូងនៅថ្ងៃនេះ។ ដូចដែលបានរំពឹងទុកក្រុមហ៊ុ...

iPhone ថ្មីអាចក្លាយជា ឧបករណ៍បញ្ចូលថាមពលផងដែរ

ដោយ: ដួងច័ន្ទ 8 AM, Tuesday, 26 Mar, 2019

ក្រុមហ៊ុន Huawei និង Samsung ថ្មីៗនេះបានណែនាំមុខងារដ៏មានអត្ថប្រយោជន៍មួយនៅក្នុងផលិតផលទូរសព្ទថ្មីៗមួយចំនួនរបស់ពួកគេ នោះគឺសមត្ថភាពបញ្ចូលថាមពលទៅឱ្យឧបករ...

DisplayPort 2.0 ត្រៀមរួចរាល់សម្រាប់អេក្រង់ 8K

ដោយ: ដួងច័ន្ទ 8 AM, Saturday, 06 Jul, 2019

ក្រុមហ៊ុន VESA បានបង្ហាញអំពីការ update ដ៏ធំបំផុតមួយសម្រាប់ស្តង់ដា DisplayPort PC Display របស់ក្រុមហ៊ុន ចាប់តាំងពីវាត្រូវបានដាក់ឱ្យដំណើរការជាលើកដំបូ...

Tomnerb.Com - YouTube Channel