ចូលចិត្តទំនើប

Android នឹងមានកម្មវិធីស្រដៀងគ្នានឹង AirDrop ដែរ

ដោយ: ដួងច័ន្ទ 9 AM, Monday, 08 Jul, 2019

បើសិនជាអ្នកសាកសួរទៅកាន់អ្នកប្រើប្រាស់ទូរសព្ទ iPhone អំពីកម្មវិធីដែលងាយស្រួលប្រើប្រាស់ និងជាកម្មវិធីដែលពួកគេពេញចិត្ត ចម្លើយភាគច្រើនប្រាកដជាឆ្លើយថាគឺកម្មវិធី AirDrop។ វាជាកម្មវិធីដែលផ្តល់នូវវិធីសាស្រ្តងាយស្រួលក្នុងការចែករំលែករូបថត ជាមួយម្ចាស់ឧបករណ៍ Apple ដែលនៅក្បែរៗគ្នា។
យ៉ាងណាក្តី សម្រាប់អ្នកប្រើប្រាស់ប្រព័ន្ធ Android អាចនឹងទទួលបានមុខងារស្រដៀងគ្នានេះក្នុងពេលឆាប់ៗខាងមុខនេះ។ ក្រុមការងាររបស់គេហទំព័រ 9to5Google បានសម្រេចនូវការបង្កើតកម្មវិធីថ្មី មានឈ្មោះថា Fast Share សម្រាប់ប្រើប្រាស់នៅលើប្រព័ន្ធ Android ដែលដូចគ្នានឹង AirDrop ដែរ ដោយវាប្រើប្រាស់ការរួមបញ្ចូលគ្នានៃប្រព័ន្ធ Bluetooth និង WiFi ដើម្បីធ្វើការបញ្ជូនឯកសារ និងសារជាអក្សរទៅកាន់មនុស្សនៅក្បែរគ្នា។ ដោយគ្រាន់តែបើកដំណើរការមុខងារនេះ អ្នកនឹងអាចឃើញ Fast Share-Enabled Devices ជាមួយនឹងការបញ្ជូនដែលទាមទារការចុចតែ 2-3 ដង រួមទាំងការបញ្ជាក់ពីអ្នកទទួលផងដែរ។



នៅក្នុងនោះមានចំណុចគន្លឹះខុសគ្នាមួយចំនួន។ កម្មវិធីនេះមិនបានបង្ហាញថាអ្នកអាចកំណត់ចំនួននៃការបញ្ជូនទៅកាន់លេខទំនាក់ទំនងរបស់អ្នកទេ ប៉ុន្តែអ្នកអាចកំណត់ Preferred Visibility ដូច្នេះលេខទំនាក់ទំនងនៅក្នុង Favorites នឹងឃើញពីសញ្ញារបស់អ្នក ទោះបីនៅពេលអ្នកមិនប្រើប្រាស់ Fast Share ក្តី។ គំរូឈ្មោះអ្នកទទួលនៅក្នុងផ្ទាំង Fast Share បានបង្ហាញថាកម្មវិធីនេះអាចនឹងមានដំណើរការនៅលើ Chromebooks ឧបករណ៍ iOS និងនៅលើ Smartwatch ប្រើប្រាស់ Wear OS ផងដែរ ទោះបីជាយើងមិនអាចជឿជាក់បានទាំងស្រុងថាទាំងអស់នេះនឹងមានដំណើរការពិតប្រាកដ ឬទេ នៅពេលមុខងារនេះដំណើរការជាសាធារណៈ។ សម្រាប់ iOS Version អាចនឹងទាមទារ App ពិសេសមួយ។ យើងក៏នៅមិនទាន់ច្បាស់ថាពេលណាដែល Fast Share នឹងចេញដំណើរការ ទោះបីជាវាគឺជាកម្មវិធី Google Play Service មួយក្តី ហើយវាទំនងជាទាមទារប្រព័ន្ធ Android Q ផងដែរ។ ក្រុមហ៊ុន Google ប្រហែលជាមិនរងចាំយូរក្នុងការបញ្ចេញកម្មវិធីថ្មីនេះឱ្យដំណើរការទេ។




ជាមួយគ្នានេះ ក្រុមហ៊ុន Google ក៏បានព្រមានថា កម្មវិធីនេះបដិសេធនឹងការផ្ទេរបញ្ជូនឯកសារ ដោយប្រើប្រាស់ NFC-Based Android Beam នៅក្នុងប្រព័ន្ធ Android Q។ ក្នុងន័យនេះ កម្មវិធី Fast Share អាចនឹងក្លាយជាវិធីសាស្រ្តតែមួយគត់សម្រាប់ការបញ្ជូនឯកសារឆាប់រហ័ស ទៅកាន់អ្នកប្រើប្រាស់នៅក្នុងតំបន់ ដោយមិនចាំបាច់ពឹងផ្អែកលើ App ដែលមិត្តភក្តិរបស់អ្នកមិនចាំបាច់មាននោះទេ៕

អត្ថបទអ្នកចង់អាន

ក្រុមហ៊ុន Sony បន្ថែម 4K Touchscreen ទៅក្នុង Compact កាមេរ៉ា និង មាន Zoom ដ៏វែង

ដោយ: ដួងច័ន្ទ 9 AM, Monday, 03 Dec, 2018

ក្រុមហ៊ុន Sony បានប្រកាស Compact កាមេរ៉ាស៊េរីថ្មីកាលពីចុងសបា្តហ៍មុននេះ ជាមួយនឹងសមត្ថភាព Zoom ដែលមិនគួរឲ្យជឿដោយសារទំហំ Zoom ចាប់ពីទំហំ 24mm ទៅ ទំហំ ...

សញ្ញាប្រាប់ថា អ្នកត្រូវការម៉ាស៊ីនផ្តល់សំណើម

ដោយ: ដួងច័ន្ទ 8 AM, Saturday, 20 Oct, 2018

បើសិនជាអ្នកសួរខ្លួនឯងថា តើអ្នកត្រូវការម៉ាស៊ីនផ្តល់សំណើមឬទេ? ចម្លើយភាគច្រើនប្រាកដជាឆ្លើយថាទេ។ ម៉ាស៊ីនផ្តល់សំណើមជាទូទៅ មិនជួយពង្រឹងសុខភាពទេ ប៉ុន្តែវា...

ក្រុមហ៊ុន Apple នឹងចេញលក់ HomePod នៅប្រទេសជប៉ុន នារដូវនេះហើយ!!!

ដោយ: ភារុន 8 AM, Thursday, 11 Jul, 2019

HomePod ទំនងជាមិនអាចបញ្ចេញលក់នៅគ្រប់ទីកន្លែងនោះទេ ប៉ុន្តែក៏នៅតែមានប្រទេសមួយចំនួន អាចទទួលបានវា។ ទោះបីជាយ៉ាងនេះក្តី ក្រុមហ៊ុន Apple នៅតែប្រកាសថា នឹងប...

ប្រព័ន្ធ Infotainment ចុងក្រោយរបស់ Toyota ផ្តល់ដោយ Linux

ដោយ: ដួងច័ន្ទ 9 PM, Monday, 05 Jun, 2017

ក្រុមហ៊ុន Toyota នឹងក្លាយជាក្រុមហ៊ុនផលិតរថយន្តដំបូងបង្អស់ នៅសហរដ្ឋអាមេរិក ដែលប្រើប្រាស់បច្ចេកវិទ្យា Automotive Grade Linux (AGL) សម្រាប់រថយន្ត Toyo...

Tomnerb.Com - YouTube Channel