ចូលចិត្តទំនើប

Android Apps នឹង Update នៅពេលកំពុងប្រើប្រាស់

ដោយ: ដួងច័ន្ទ 8 AM, Saturday, 10 Nov, 2018

ការចាកចេញពីកម្មវិធីមួយ ខណៈដែលវាទាមទារការ Update ប្រហែលជាបញ្ហាមួយដែលអ្នកប្រើប្រាស់ភាគច្រើនកំពុងជួបប្រទះ ប៉ុន្តែក្រុមហ៊ុន Google បាននឹងកំពុងដោះស្រាយបញ្ហានេះ ហើយ។

ក្រុមហ៊ុន Google កំពុងណែនាំមុខងារ API ថ្មីសម្រាប់កម្មវិធី Android ដែលនឹងអនុញ្ញាតឱ្យអ្នកប្រើប្រាសបន្តការប្រើប្រាស់ App ខណៈដែលវាកំពុងទាញយកការ Update ឬអាច Boot ចេញពីកម្មវិធីនោះ បើសិនជាមានការ Update សំខាន់ៗ។

ក្រុមហ៊ុន Google បានប្រកាសថា កម្មវិធី In-App Updates API នៅក្នុងវេទិកា Android Dev ប្រចាំឆ្នាំរបស់ក្រុមហ៊ុន ព្រមជាមួយការប្រកាសអំពីកម្មវិធីគាំទ្រជាមួយអេក្រង់បត់រមូរ ស្របពេលនេះការអបអរសាទរខួប 10 ឆ្នាំនៃប្រព័ន្ធ OS។

កម្មវិធី API នឹងផ្តល់ឱ្យ Developer នូវជម្រើសមួយចំនួន នៅពេលពួកគេត្រូវការ Update កម្ម វិធី។ ជម្រើសទីមួយគឺ Full-Screen Experience ដែលរារាំងអ្នកប្រើប្រាស់ក្នុងការប្រើប្រាស់ App រហូតដល់កម្មវិធីនោះទាញយកការ Update និងតំឡើងកម្មវិធីចប់សព្វគ្រប់។ ជម្រើសនេះត្រូវបានណែនាំឱ្យប្រើប្រាស់សម្រាប់ការ Update សំខាន់ៗ ដែលទាបឱ្យមានការតំឡើងភ្លាមៗ ឬការទាមទារសុវត្ថិភាពសំខាន់ៗ និងការជួសជុលកម្មវិធីជាដើម។

ជម្រើសមួយផ្សេងទៀត គឺជាអ្វីដែលក្រុមហ៊ុន Google ហៅថាជាការ Update បត់បែន។ នៅពេលវាត្រូវបានដំណើរការ អ្នកប្រើប្រាស់នឹងនៅតែអាចបន្តប្រើប្រាស់កម្មវិធីនេះ ខណៈដែលវាកំពុងទាញយកការ Update។ Developer ក៏អាចនឹងរៀបចំលំហូរនៃការ Update ដូច្នេះវាប្រៀបដូចជាផ្នែកមួយនៃកម្មវិធីដែរ។

នាពេលនេះ កម្មវិធី In-App Updates API ថ្មី នឹងមានវត្តមានសម្រាប់តែ Android Developer ដែលជាដៃគូដំណើរមុនគេ។ ក្រុមហ៊ុន Google មិនបានប្រកាសអំពីកាលបរិច្ឆេទផ្លូវការ ដែលក្រុមហ៊ុននឹងបញ្ចេញវាជាសកល ប៉ុន្តែក្រុមហ៊ុនបានបញ្ជាក់ថា API ថ្មី នឹងមានវត្តមានសម្រាប់គ្រប់ Developer ទាំងអស់នាពេលឆាប់ៗនេះ៕

អត្ថបទអ្នកចង់អាន

កំពូល យានយន្តអគ្គិសនី ច្នៃប្រឌិតប្លែកៗ ទាំង 15

ដោយ: ដួងច័ន្ទ 7 PM, Wednesday, 07 Jun, 2017

គំនិតច្នៃប្រឌិត មិនដែលត្រូវបានបញ្ឈប់ឡើយ នៅក្នុងពិភពនៃការច្នៃយានយន្តអគ្គិសនី ដូចដែលមាន បញ្ជាក់នៅលើយានយន្ត ដែលបង្កើតឡើងពីគំនិតច្នៃប្រឌិតដ៏អស្ចារ្យ មិ...

តោះ! មកស្គាល់ ពីរបៀបភ្ជាប់ AirPods ថ្មី សម្រាប់អ្នកប្រើជាលើកដំបូង

ដោយ: ភារុន 8 AM, Monday, 08 Apr, 2019

AirPods របស់ក្រុមហ៊ុន Apple គឺមានភាពងាយស្រួលបំផុត ក្នុងការប្រើប្រាស់ដោយឥតខ្សែ ដើម្បីភ្ជាប់ជាមួយនឹង ឧបករណ៍អេឡិចត្រូនិចនានារបស់ក្រុមហ៊ុន Apple ។ ប៉ុន...

Earin កាស់ស្តាប់ស៊កក្នុងត្រចៀក គ្មានខ្សែ តូច និងស្រាលបំផុត

ដោយ: ដាលីស 3 PM, Saturday, 11 Apr, 2015

បើប្រិយមិត្តអ្នកអានគិតថា កាស់ស្តាប់ Bluetooth គឺជាកាស់ស្តាប់ស៊កក្នុងត្រចៀកដែលតូចជាងគេបំផុតនោះ លោក​អ្នកអាចនឹងយល់ខុសហើយ ព្រោះកាស់ស្តាប់ស៊កក្នុងរន្ធត្...

ឧបករណ៍ កម្តៅពែងកាហ្វេដ៏ទំនើប និងងាយស្រួល

ដោយ: ដួងច័ន្ទ 10 PM, Saturday, 11 Nov, 2017

បច្ចេកវិទ្យាជឿនលឿន ផ្តល់ឱ្យអ្នកនូវភាពងាយស្រួល សូម្បីតែការទទួលទានកាហ្វេ ក៏អ្នកអាចទទួលទានកាហ្វេក្តៅៗបានគ្រប់ពេល គ្រប់ទីកន្លែងមួយឧបករណ៍កម្តៅពែងកាហ្វេ។...

Tomnerb.Com - YouTube Channel