ចូលចិត្តទំនើប

Laptop ថ្មីពី Alienware កាន់តែស្តើង កាន់តែខ្លាំង

ដោយ: ដួងច័ន្ទ 8 AM, Wednesday, 05 Jun, 2019

កាលពីដើមឆ្នាំនេះ នៅក្នុងព្រឹត្តិការណ៍ CES ក្រុមហ៊ុន Alienware បានប្រកាសថាម៉ូដែល Area-51m ដែលជាផលិតផល Gaming Laptop ចុងក្រោយបង្អស់របស់ក្រុមហ៊ុន ដែលមានបំពាក់នូវការរចនាថ្មីទាំងស្រុង រចនាឡើងក្នុងនាមជាប្រពៃណីម៉ាកសញ្ញាហ្គេមលំដាប់ខ្ពស់របស់ក្រុមហ៊ុន Dell។

នៅក្នុងព្រឹត្តិការណ៍ Computex 2019 ក្រុមហ៊ុន Alienware បាននាំយកការរចនាម៉ូដដូចគ្នាទៅកាន់ Laptop ម៉ូដែល m15 និង m17 ទោះបីជាម៉ូដែលទាំងពីរនេះមិនមានសមាសភាព Modular ដូចនៅលើម៉ូដែល 51m ក្តី។ ការរចនាម៉ូដថ្មីសម្រាប់ម៉ូដែល m15 និង m17 បានខ្ចីចំណែកភាគច្រើនចេញពីម៉ូដែល Area-51m នៅត្រង់ចំណុចដែល Laptop ថ្មីទាំងនេះមានការរចនាស្រដៀងនឹងការរចនាម៉ូដកាន់តែស្តើងនៃផលិតផលទូរសព្ទដៃ។ ប៉ុន្តែសូមកត់ចំណាំថា ផលិតផល Laptop ទាំងនេះនឹងមិនមានកម្រាស់ស្តើងដល់ថ្នាក់នោះទេ។ ពួកវានៅតែជាផលិតផល Gaming Laptop របស់ Alienware ទោះបីជាពួកវាជាផលិតផលស្តើងបំផុតរបស់ក្រុមហ៊ុននេះក្តី ប៉ុន្តែវានៅតែជាតួម៉ាស៊ីនដ៏ធំមួយដដែល។

ការរចនាម៉ូដថ្មីបង្ហាញអំពីការរចនាម៉ូដឡើងវិញទ្រង់ទ្រាយធំជាលើកទី 2 សម្រាប់ផលិតផល Laptop ចម្បងរបស់ Alienware ក្នុងរយៈពេលតិចជាងមួយឆ្នាំ ដែលក្នុងនោះម៉ូដែល m15 ត្រូវបានផ្លាស់ប្តូរកាលពីចុងឆ្នាំមុន ខណៈដែលម៉ូដែល m17 ត្រូវបានផ្តល់រូបរាងថ្មីនៅក្នុងព្រឹត្តិការណ៍ CES។ ប៉ុន្តែការផ្លាស់ប្តូរទាំងនោះមិនមែនគ្រាន់តែជាការតុបតែងពីខាងក្រៅប៉ុណ្ណោះទេ។ ព្រមជាមួយគ្នានេះ Keyboard ថ្មី ជាមួយនឹងគ្រាប់ចុច Key Travel កាន់តែវែង ត្រូវបានតំឡើងនៅលើ Laptop ថ្មីៗទាំងនេះ ទោះបីជាវាមានសម្បកកាន់តែស្តើងជាងមុន និងមាន Trackpad កញ្ចក់ថ្មី ព្រមជាមួយការ Update ថ្មីៗជាច្រើន រួមមានការបំពាក់ប្រព័ន្ធប្រតិបត្តិការជំនាន់ទី 9 ថ្មីចុងក្រោយរបស់ Intel និងការបំពាក់ GTX និង RTX GPU របស់ NVIDIA ផងដែរ។

ម៉ូដែលទំហំ 15 inch និង 17 inch មានលក្ខណៈដូចគ្នាស្ទើរតែទាំងស្រុង ក្រៅពីទំហំផ្ទៃអេក្រង់ និងជម្រើស Display។ ម៉ូដែលទំហំ 15 inch នឹងផ្តល់នូវជម្រើសអេក្រង់ 1080p ក្នុងកម្រិត 60Hz, 144Hz ឬ 240Hz ឬអេក្រង់ OLED កម្រិត 4K 60Hz ដែលជាជម្រើសអេក្រង់ផ្តល់នូវ Tobii Eyetracking ចំនួន 2 ដែលមុខងារនេះត្រូវបានក្រុមហ៊ុន Dell ហៅវាថាជាមុខងារដំបូងបង្អស់សម្រាប់ Laptop ទំហំ 15 inch។ ចំណែកម៉ូដែលទំហំ 17 inch វិញ នឹងផ្តល់ជូននូវជម្រើសអេក្រង់កម្រិត 60Hz ឬអេក្រង់ 1080p កម្រិត 144Hz។

ម៉ូដែល m15 និង m17 ថ្មីនឹងមានវត្តមាននៅក្នុងទីផ្សានៅថ្ងៃទី 11 ខែមិថុនាខាងមុខនេះ ដែលទំហំទាំងពីរនេះនឹងដាក់លក់ក្នុងតម្លៃចាប់ពី $1,499 ឡើងទៅ៕

ប្រភព: theverge ផ្នែក: បច្ចេកវិទ្យា, កុំព្យូទ័រ

អត្ថបទអ្នកចង់អាន

Mercedes-Benz បង្ហាញរថយន្តអគ្គិសនី SUV ដំបូង

ដោយ: ដួងច័ន្ទ 8 AM, Thursday, 13 Sep, 2018

នៅក្នុងព្រឹត្តិការណ៍មួយនៅក្នុងប្រទេសស៊ុយអែត ក្រុមហ៊ុន Mercedes-Benz បានបើករនាំងបាំង រថយន្តអគ្គិសនីដំបូង ជ្រកក្រោមស្លាកសញ្ញាពាណិជ្ជកម្ម EQ។ រថយន្តម៉...

Nokia ប្រកាសថាទូរស័ព្ទ Nokia 7 plus នឹងប្រតិបត្តិការជាមួយប្រព័ន្ធ Android 9 Pie

ដោយ: ភារុន 9 AM, Thursday, 10 Jan, 2019

ទូរស័ព្ទ Nokia 7 plus របស់ក្រុមហ៊ុន Nokia កំពុងចូលរួមជាមួយក្រុមដ៏តូចមួយ ដែលមិនមែនជាក្រុមទូរស័ព្ទពីមុន ដើម្បីអាចទទួលបានការ Update ទៅជាប្រព័ន្ធប្រតិប...

Samsung បានផលធំជាងគេនៅពេល Huawei ជួបបញ្ហា

ដោយ: ដួងច័ន្ទ 9 AM, Tuesday, 28 May, 2019

មហិច្ឆតារបស់ក្រុមហ៊ុន Huawei ក្នុងការដណ្តើមយកដំណែងរបស់ក្រុមហ៊ុន Samsung ក្នុងនាមជាម៉ាកសញ្ញាទូរសព្ទដៃធំជាងគេនៅក្នុងពិភពលោកនៅក្នុងឆ្នាំ 2020 បានកំពុង...

ដំណោះស្រាយរបស់ក្រុមហ៊ុន Nissan សម្រាប់ការផ្ញើសារ និងការបើកបរ

ដោយ: ដួងច័ន្ទ 1 PM, Saturday, 06 May, 2017

ការផ្ញើសារក្នុងពេលកំពុងបើកបរ ឬការធ្វើសកម្មភាពផ្សេងៗ ទៀតពេលកំពុងបើកបរ គឺជាទង្វើដ៏គ្រោះ ថ្នាក់ និងត្រូវតែជៀសវាង។ ប៉ុន្តែពេលខ្លះ បន្ទាប់ពីអ្នកបានលឺព័ត...

Tomnerb.Com - YouTube Channel