ចូលចិត្តទំនើប

ទូរសព្ទមានកាមេរ៉ាទំហំ 64 MP បានមកដល់ហើយ

ដោយ: ដួងច័ន្ទ 6 AM, Thursday, 16 May, 2019

ក្រុមហ៊ុន Samsung បានប្រកាសអំពីបច្ចេកវិទ្យា Image Sensor ថ្មីសម្រាប់ប្រើប្រាស់នៅលើទូរសព្ទចល័ត ជាមួយនឹងកម្រិត Resolution ខ្ពស់ជាងអ្វីដែលកំពុងមានវត្តមាននៅក្នុងទីផ្សានាពេលបច្ចុប្បន្ន។

បច្ចេកវិទ្យា ISOCELL Bright GW1 គឺជា Sensor មានទំហំ 64 megapixel ដែលប្រើប្រាស់ Pixel ទំហំ 0.8μm ប៉ុនគ្នានឹងទំហំរបស់ Sensor មានទំហំ 48 megapixel របស់ក្រុមហ៊ុន Samsung នាពេលបច្ចុប្បន្ន។ មានន័យថា វានឹងក្លាយជា Sensor មានទំហំដ៏ធំ ដែលអាចចាប់យកពន្លឺជារួមកាន់តែច្រើន
បច្ចេកវិទ្យា Bright GW1 នឹងផលិតរូបភាពមានទំហំ 16 megapixel ដោយធ្វើការច្របាច់បញ្ចូលនូវ Pixel ចំនួន 4 បញ្ចូលរួមគ្នាតែមួយ ដូចជាអ្វីដែល Sensor ទំហំ 48 megapixel ប្រែក្លាយរូបភាពទំហំ 12 megapixel តាមលំនាំដើម។

Sensor ថ្មីរបស់ Samsung ក៏នឹងមានលទ្ធភាពផ្លាស់ប្តូរ Color Filter សម្រាប់ការថតរូប Full Resolution ទំហំ 64 megapixel នៅក្នុងស្ថានភាពពន្លឺល្អដែរ។ Sensor ប្រភេទ IMX586 ទំហំ 48 megapixel របស់ក្រុមហ៊ុន Sony មានសមត្ថភាពស្រដៀងគ្នា ប៉ុន្តែផលិតផលរបស់ Samsung មិនមានទេ។ នៅថ្ងៃនេះ ក្រុមហ៊ុនរបស់ប្រទេសកូរ៉េមួយនេះក៏បានប្រកាសថាផ្នែកនៃទំហំ 48 megapixel ដែលត្រូវបានធ្វើបច្ចុប្បន្នភាព នឹងផ្តល់ជូននូវលក្ខណៈពិសេសដូចគ្នា។
នាពេលបច្ចុប្បន្ននេះកាមេរ៉ាមានទំហំ 48 megapixel បានក្លាយជារឿងធម្មតាទូទៅ ដោយសារក្រុមហ៊ុនជាច្រើន ដូចជា Samsung, Huawei, Oppo, Vivo, Xiaomi និងក្រុមហ៊ុនដទៃទៀតបានដាក់លក់ផលិតផលទូរសព្ទរបស់ពួកគេជាមួយ Sensor បែបនេះរួចទៅហើយ។

ក្រុមហ៊ុន Samsung រំពឹងថាបច្ចេកវិទ្យាកាមេរ៉ាទំហំ 64 megapixel នឹងចូលទៅក្នុងសង្វាក់ផលិតកម្មទ្រង់ទ្រាយធំ នៅឆមាសទី 2 ក្នុងឆ្នាំនេះ ដូច្នេះវានឹងមិនមែនជារឿងដ៏គួរឱ្យភ្ញាក់ផ្អើលទេ បើសិនជាយើងបានឃើញលក្ខណៈពិសេសថ្មីនេះ បង្ហាញខ្លួននៅលើ Spec Sheet នៃផលិតផលទូរសព្ទដែដែលនឹងចេញនៅចុងឆ្នាំ 2019 នេះ ជាពិសេស បើសិនជាក្រុមហ៊ុន Sony ដែលជាក្រុមហ៊ុននាំមុខផ្នែកវិស័យ Image Sensor ធ្វើដំណើរតាមផ្លូវនេះដែរ នោះវារឹតតែធ្វើឱ្យវត្ថុបំណងមួយនោះក្លាយជាការពិត ប្រាកដមែន៕

ប្រភព: theverge ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

iPad Mini ថ្មី ប្រើជាមួយប៊ិចបានទៀត

ដោយ: ដួងច័ន្ទ 9 AM, Friday, 22 Mar, 2019

ក្រុមហ៊ុន Apple ទើបនឹង Update ផលិតផល iPad Mini ថ្មី ជាលើកដំបូងក្នុងរយៈពេល 3 ឆ្នាំកន្លះកន្លងមកនេះ ដែលជាការផ្តល់នូវការដុសខាត់ថ្មីសម្រាប់ Tablet មួយប្...

តើ USB-C ជាអ្វី?

ដោយ: ដួងច័ន្ទ 9 PM, Monday, 26 Feb, 2018

អ្នកប្រហែលជាគិតថា Laptop មិនអាចផលិតបានស្តើងជាង Laptop នាពេលបច្ចុប្បន្ននេះទេ ប៉ុន្តែក្រុមហ៊ុនផលិត Laptop ទាំងនោះបាននឹងកំពុងស្វែងរកវិធីធ្វើវាឱ្យបាន។ ...

Kado ឧបករណ៍សាកថ្ម ដ៏តូច

ដោយ: ដួងច័ន្ទ 10 PM, Wednesday, 11 Oct, 2017

ឧបករណ៍សាកថាមពលកុំព្យូទ័រ និងទូរសព្ទដៃ ដ៏ធំ និងមានខ្សែរញ៉េរញ៉ៃ តែងប្រើប្រាស់កន្លែងធំនៅក្នុងហោប៉ៅកាតាប ឬកាបូបរបស់អ្នក បង្កនូវភាពស្មុគស្មាញគ្រប់ពេលចេញ...

ទូរស័ព្ទ LG K10 ស៊េរី 2017 មានសមត្ថភាពថតសែលហ្វី បានរហូតដល់ទៅ120 ដឺក្រេ

ដោយ: ទំនើប 9 PM, Wednesday, 24 May, 2017

បច្នុប្បន្នបច្ចេកវិទ្យា កាន់តែមានភាពជឿនលឿនពីមួយជំនាន់ទៅមួយជំនាន់ ដែលធ្វើអោយមនុស្សទទួលបាននូវអ្វីថ្មីៗ និងប្លែកៗជាច្រើន។ យ៉ាងណាមិញបន្ទាប់ពីមានភាពស្ងប...

Tomnerb.Com - YouTube Channel