ចូលចិត្តទំនើប

ឧបករណ៍ប្រើប្រាស់នៅក្នុងផ្ទះទាំង 7 ដ៏ល្អបំផុតដែលសក្តិសមទិញនៅបំណាច់ឆ្នាំនេះ

ដោយ: ភារុន 9 AM, Monday, 03 Dec, 2018

នេះគឺជាព័ត៌មានមួយដ៏គួរឱ្យចាប់អារម្មណ៍ បើអ្នកកំពុងស្វែងរកទិញឧបករណ៍ប្រើប្រាស់ក្នុងផ្ទះធ្វើជាអំណោយដ៏ល្អមួយ សម្រាប់ខ្លួនឯងប្រើប្រាស់នាពេលបំណាច់ឆ្នាំនេះ ដែលវាមានលក្ខណៈគួរឱ្យស្រលាញ់ និង ងាយស្រួលប្រើប្រាស់ជារៀងរាល់ថ្ងៃនោះ ហើយវាថែមទាំងមានតម្លៃសមរម្យដែលសក្តិសមនឹងថវិកាដែលអ្នកមានផងដែរនោះ។ ដូច្នេះអ្នកគួរក្រឡេកមើលវិបសាយព័ត៌មាន Cnet Appliances ដែលនឹងបង្ហាញអ្នកអំពីឧបករណ៍ប្រើប្រាស់ក្នុងផ្ទះទាំង 7 ដ៏ល្អបំផុតដែលអ្នកអាចទិញបាននាពេលចុងឆ្នាំនេះដែលមានដូចខាងក្រោម៖
1. ម៉ាស៊ីនឆុងកាហ្វេ Bonavita Metropolitan
បច្ចុប្បន្នម៉ាស៊ីននេះអាចរកទិញបានក្នុងតម្លៃប្រហែល 80$ ដែលវាជាតម្លៃមួយថោកសមរម្យ ពីម៉ាកយីហោល្បីដែលអ្នកនិយមទទួលទានកាហ្វេចូលចិត្តប្រើ ហើយម៉ាស៊ីននេះអាចឆុងកាហ្វេដែលផ្តល់រសជាតិឆ្ងាញ់មួយបែបលេចឡើង នៅពេលអ្នកសាកល្បងភ្លក់កាហ្វេដែលឆុងចេញពីម៉ាស៊ីននេះជាលើកដំបូង។

2. ចង្រ្កានអាំងសាច់ Char-Broil Performance XL
ប្រសិនបើចង់នាំគ្រួសារទៅ ភីកនីក នៅកន្លែងណាមួយដែលមានទេសភាពស្រស់ស្អាត ហើយអ្នកចង់បរិភោគសាច់អាំងបាបីឃ្យូ ជាមួយនឹងការប្រើចង្រ្កានអាំងសាច់ម៉ាកយីហោនេះពិតជាផ្តល់ភាពងាយស្រួលដល់អ្នកខ្លាំងណាស់។ ម្យ៉ាងទៀតចង្រ្កានអាំងសាច់នេះមានតម្លៃត្រឹមតែ 300$ ប៉ុណ្ណោះ។

3. ម៉ាស៊ីនបូមធូលីខ្នាតតូច Eufy RoboVac 30C
ម៉ាស៊ីនបូមធូលីម៉ាកនេះមានរូបរាងតូចគួរឱ្យស្រលាញ់ ហើយអ្នកអាចប្រើប្រាស់វាដោយការបញ្ជាដោយសម្លេងតាមរយះទូរស័ព្ទដោយភ្ជាប់កម្មវិធី Alexa ឬ Google Assistant។ វាមានតម្លៃ 300$ គឺជាតម្លៃមួយដ៏ថោកសមរម្យបើធៀបនឹងផលិតផលម៉ាស៊ីនបូមធូលីខ្នាតតូចៗផ្សេងទៀត។

4. ឈុត ចង្រ្កាន និង ខ្ទះ Paragon
ឈុតនេះគឺរួមមានចង្រ្កាន និង ខ្ទះមកជាមួយគ្នា។ វាមានតម្លៃត្រឹមតែ 300$។ ហើយអ្នកអាចចម្អិនម្ហូបអាហារដោយប្រើអគ្គសនីជាមួយឈុតផលិតផលនេះ ដូច្នេះវាផ្តល់ភាពងាយស្រួលដល់អ្នកខ្លាំងណាស់ ជាពិសេសអ្នកដែលមានការមមាញឹកនឹងការងារ។

5. ម៉ាស៊ីនក្រឡុក Instant Pot Ace 60
ប្រសិនបើចង់ទទួលស៊ុបបន្លែក្តៅៗ ជារៀងរាល់ថ្ងៃ ដើម្បីទទួលបានសុខភាពល្អនោះ ការប្រើម៉ាស៊ីនក្រឡុកម៉ាកយីហោនេះគឺពិតជាសក្តិសមខ្លាំងណាស់។ ពីព្រោះម៉ាស៊ីននេះទាំងក្រឡុក និង ចម្អិន គឺដំណើរការក្នុងពេលតែមួយ។ អ្វីដែលប្រសើរជាងនេះគឺវាមានតម្លៃត្រឹមតែ 99$ នៅឆ្នាំនេះ។

6. ទូរទឹកកកឆ្លាតវៃ LG LSXC22436S
វាជាទូរទឹកកកបើកផ្នែកចំហៀងដែលដំណើរការល្អបំផុតដែលអ្នកគួរសាកល្បងប្រើ ហើយការរចនាម៉ូតមានលក្ខណៈស្រស់ស្អាតដែលសក្តិសមនឹងផ្ទះដ៏ទាន់សម័យ។ ហើយនាពេលឥឡូវនេះក្រុមហ៊ុន LG បានធ្វើសមកាលកម្មជាមួយ Google Assistant ដែលអនុញ្ញាតឱ្យអ្នកប្រើប្រាស់អាចទទួលការជូនដំណឹង ប្រសិនបើមានក្មេងៗក្នុងផ្ទះរបស់អ្នកបើកទ្វារទូរទឹកកកទុកចោល។

7. ម៉ាស៊ីនចំរាញ់ស្រាបៀរ PicoBrew Pico ម៉ូដែល C
ម៉ាស៊ីនចំរាញ់ស្រាបៀរ ម៉ូឌែល C នេះគឺជាម៉ាស៊ីនមួយដែលទើបនឹងបាននាំចូលមក ហើយវាផ្តល់ភាពងាយស្រួលដល់អ្នក អាចទទួលទានស្រាបៀរដែលធ្វើដោយខ្លួនឯងបាន ហើយវាត្រូវបានលក់ក្នុងតម្លៃតិចជាង 300$ នាពេលឥឡូវនេះ។

ប្រភព: cnet ផ្នែក: បច្ចេកវិទ្យា, Appliances

អត្ថបទអ្នកចង់អាន

Apple ជួបនឹងបញ្ហា Software ដ៏គួរឱ្យភ្ញាក់ផ្អើល

ដោយ: ដួងច័ន្ទ 6 PM, Monday, 18 Dec, 2017

សប្តាហ៍កន្លងទៅជាសប្តាហ៍ដ៏យូរអង្វែង សម្រាប់ក្រុមហ៊ុន Apple ជាពិសេសវិស្វករ Software របស់ក្រុមហ៊ុន។ សុបិន្តដ៏អាក្រក់នេះ ចាប់ផ្តើមឡើងនៅពេលអ្នកប្រើប្រាស...

ស្មាតហ្វូន ទំហំ 5.3 អុីញ ដែលស្តើងបំផុតលើពិភពលោក បង្ហាញខ្លួនហើយ!

ដោយ: ដាលីស 9 PM, Wednesday, 27 May, 2015

សូនី បង្ហាញខ្លួនស្មាតហ្វូន Android សេ៊រីថ្មីដែលមានរូបរាងស្តើងបំផុតនៅក្នុងបណ្តា​ក្រុមទូរស័ព្ទដែល​មាន​ទំហំអេក្រង់5.3អុីញ គឺ Sony Xperia T3 ដែលមានកម្រ...

3 ចំណុចត្រូវដឹង មុនពេលប្តូរ Galaxy S8 ជាកុំព្យូទ័រ

ដោយ: ដួងច័ន្ទ 12 PM, Saturday, 13 May, 2017

Samsung DeX គឺជាឧបករណ៍តូចមួយ ដែលប្រែក្លាយទូរសព្ទ Smartphone ទៅជាម៉ាស៊ីនកុំព្យូទ័រ។ ជាមួយនឹងទូរសព្ទ Galaxy S8 ក្រុមហ៊ុន Samsung បានប្រកាសពីឧបករណ៍ថ្ម...

តើត្រូវសន្សំសំចៃ ថាមពលអគ្គិសនី នៅក្នុងផ្ទះដោយរបៀបណា?

ដោយ: ភារុន 8 AM, Wednesday, 31 Oct, 2018

ការសន្សំសំចៃថាមពលអគ្គិសនីនៅក្នុងផ្ទះគឺមានសារៈសំខាន់ខ្លាំងឡើងៗក្នុងរយះពេលប៉ុន្មានឆ្នាំចុងក្រោយនេះ ដោយសារតែការប្រើប្រាស់លើសលប់ពេក ហើយនេះជាមូលហេតុដែលធ...

Tomnerb.Com - YouTube Channel