ចូលចិត្តទំនើប

ឥឡូវនេះ Twitter អនុញ្ញាតឱ្យអ្នករាយការណ៍ ពីគណនីដែលសង្ស័យថា Fake គណនី

ដោយ: ភារុន 8 AM, Saturday, 10 Nov, 2018

នាពេលបច្ចុប្បន្ននេះ ក្រុមហ៊ុនបណ្តាញទំនាក់ទំនងសង្គម Twitter បានធ្វើការ Update ផ្នែកមួយនៃប្រព័ន្ធដំណើរការរាយការណ៍ ជាពិសេសនៅពេលដែលអ្នកចង់រាយការណ៍អំពី Tweet ដែលអ្នកគិតថានឹងត្រូវបានគេ Fake គណនី ដោយក្លែងធ្វើជាគណនីរបស់អ្នក ឬ នរណាដែលអ្នកធ្លាប់ស្គាល់។ ឥឡូវនេះនៅពេលដែលអ្នកចុចទៅលើ Option «សារគួរឱ្យសង្ស័យ ឬ សារឥតបានការ!» នៅពីក្រោមម៉ីនុយ Report អ្នកនឹងអាចបញ្ជាក់ពីមូលហេតុដែលអ្នកគិត រួមទាំងជម្រើសក្នុងការនិយាយថា « គណនី Tweet នេះគឺក្លែងក្លាយ» ។

បណ្តាញទំនាក់ទំនងសង្គម Twitter ដ៏ធំមួយនេះបានប្រកាសពីការផ្លាស់ប្តូរតាមរយះគណនីសុវត្តិភាពជាផ្លូវការរបស់ខ្លួននៅថ្ងៃនេះ។ ហើយឥឡូវសេវាកម្មនេះត្រូវបានគេប្រើប្រាស់ទាំងនៅក្នុង Version វិបសាយ និង Version ទូរស័ព្ទដៃ។ ប្រសិនបើអ្នកប្រើប្រាស់ចង់ដឹងច្បាស់អំពីសេវាកម្មនេះអ្នកអាចមើលលំហូរនៃរបាយការណ៍ចល័តដែលទាក់ទងនឹងការ Update ដូចខាងក្រោមនេះ៖
ជាការពិតណាស់ខណៈពេលដែលការផ្លាស់ប្តូរនេះផ្តល់ឱ្យអ្នកប្រើប្រាស់ត្រឹមតែបន្តិចបន្តួចក៏ពិតមែន នៅក្នុងដំណើរការរបាយការណ៍គឺវាមានសារៈសំខាន់ណាស់។ ប៉ុន្តែវាក៏នៅមានភាពមិនច្បាស់លាស់ពីអ្វីដែលកើតឡើងបន្ទាប់ពីអ្នកបានផ្ញើររបាយការណ៍នេះ ទៅក្រុមសុវត្តិភាពរបស់ Twitter។ ពីព្រោះក្រុមហ៊ុនមិនដឹងថាតើការចុះបញ្ជីគណនីក្លែងក្លាយ នឹងបង្កើនលទ្ធភាពដែលត្រូវបានគេហាមឃាត់ដល់កម្រិតណានោះទេ ហើយវាទំនងជាហេតុផលមួយដែលពិចារណាថាក្រុមសម្របសម្រួលនឹងអាចទទួលបានរបាយការណ៍មិនល្អច្រើនលើសលប់ពេកដែរ។ ការព្យាយាមស្វែងរកគណនីណាមួយជាគណនីក្លែងក្លាយមួយ ហើយត្រូវបានដាក់បំរាមលើគណនីនោះ វាគឺជាលទ្ធផល។

យោងទៅតាមអ្នកនាំពាក្យនៃក្រុមហ៊ុន Twitter ម្នាក់បាននិយាយថា «លំហូរព័ត៌មានថ្មីនេះនឹងអនុញ្ញាតឱ្យក្រុមហ៊ុនប្រមូលព័ត៌មានយ៉ាងលម្អិតបន្ថែមទៀត ដូច្នេះយើងអាចកំណត់អត្តសញាណ និង ដកចេញនូវសារឥតបានការកាន់តែមានប្រសិទ្ធភាព។ ជាមួយនឹងព័ត៌មានលម្អិតទាំងអស់នេះនឹងធ្វើឱ្យយើងអាចត្រួតពិនិត្យឡើងវិញ និង ធ្វើការបន្ថែមធនធានផ្សេងទៀតសម្រាប់ដំណើរការពិនិត្យឡើងវិញរបស់យើង»។

ក្រុមហ៊ុន Twitter កំពុងយល់ឃើញថាការប្រើប្រាស់សារឥតបានការ និង បញ្ហាគណនីក្លែងក្លាយកាន់តែសភាពធ្ងន់ធ្ងរជាង មុន។ ដូច្នេះនាំឱ្យមានការផ្លាស់ប្តូរដំណើរការនៃកម្មវីធីរបាយការណ៍នេះអាចជម្រុញការហាមឃាត់បានសកម្មជាងមុន។ ម្យ៉ាងទៀតក្រុមហ៊ុនក៏បាននិយាយកាលពីខែកក្កដា ថាខ្លួនបានលុបចោលគណនីចំនួន 70 លានគណនីនៅក្នុងខែ ឧសភា និង ខែមិថុនា ឆ្នាំនេះក្នុងការប្រើសារដែលនិយាយដោយរំលោភបំពានខាងគោលនយោបាយ ឬ ទាក់ទិននឹងការព្យាបាទគ្នាផ្សេងៗជាដើម។ ហើយក្រុមហ៊ុន Twitter ក៏បានបាត់បង់ អ្នកប្រើប្រាស់អស់មួយត្រីមាសរហូតដល់ត្រីមាស ដែលក្រុមហ៊ុនបានកត់សម្គាល់នៅក្នុងរបាយការណ៍ប្រាក់ចំណូលថ្មីបំផុតរបស់ខ្លួន ដែលនេះជាលទ្ធផលនៃការបង្រាបរបស់ក្រុមហ៊ុន។ ដូច្នេះខណៈដែលវាអាចនឹងមិនល្អសម្រាប់ការធ្វើអាជីវកម្មក្នុងរយះពេលដ៏ខ្លីក៏ដោយ ក៏ក្រុមហ៊ុន Twitter ក៏ច្បាស់ជាមើលឃើញពីភាពស្មោះត្រង់នៃ Platform របស់ក្រុមហ៊ុនដើម្បីគោលដៅដ៏សំខាន់ក្នុងរយះពេលដ៏វែងរបស់ក្រុមហ៊ុនផងដែរ។

អត្ថបទអ្នកចង់អាន

កម្មវិធី Android សម្រាប់ក្មេងៗ

ដោយ: ដួងច័ន្ទ 9 PM, Monday, 15 Jan, 2018

ស្របពេលដែលបច្ចេកវិទ្យាមាន ការវិវត្តន៍ឥតឈប់ឈរ មាតាបិតាភាគច្រើនមានបំណងចង់ផ្តល់ Tablet ឱ្យទៅកូនៗរបស់ពួកគេ អនុញ្ញាតឱ្យក្មេងៗលេងកំសាន្តលើទូរសព្ទ Smartph...

ឧបករណ៍សាកថ្ម ចល័តល្អបំផុតសម្រាប់ Galaxy S9

ដោយ: ដួងច័ន្ទ 9 PM, Sunday, 27 May, 2018

ការសាកថ្មទូរសព្ទ គឺនៅតែជាកាតព្វកិច្ចដែលត្រូវធ្វើប្រចាំថ្ងៃ ដូច្នេះអ្នកប្រហែលជាចង់ឱ្យការអនុវត្តជាប្រចាំនេះ កាន់តែងាយស្រួល។ អ្នកអាចកាត់ផ្តាច់ចំណងរវាង...

អាមេរិក នឹងចេញលក់រថយន្តហោះ បានក្នុងឆ្នាំ ២០១៥នេះ

ដោយ: ដាលីស 11 AM, Saturday, 30 May, 2015

ក្រុមអ្នកផលិតមួយ នៅក្នុងរដ្ឋម៉ាសាឈូសេត កំពុងត្រៀមខ្លួនបញ្ចេញលក់រថយន្ត មានស្លាបនៅដើម​​ឆ្នាំ 2015ខាងមុខនេះ ក្នុងតម្លៃ ៣សែនដុល្លារ ព្រមទាំងត្រៀមអៃឌៀ ស...

តោះ! មកស្គាល់ Laptop ទម្ងន់ស្រាលបំផុតរបស់ LG

ដោយ: ដួងច័ន្ទ 11 AM, Monday, 03 Dec, 2018

ផលិតផល Gram របស់ក្រុមហ៊ុន LG គឺជា Laptop មួយគ្រឿង ស្ថិតនៅក្នុងចំណោម Window Laptop មានទម្ងន់ស្រាលបំផុត និងស្តើងបំផុត។ នាពេលនេះ វាកំពុងធ្វើការប្រកួតប...

Tomnerb.Com - YouTube Channel