ចូលចិត្តទំនើប

អ្វីជា BATBAND?

ដោយ: ដួងច័ន្ទ 12 AM, Sunday, 26 Mar, 2017

BATBAND គឺជាឧបករណ៍សម័យថ្មី នៃបច្ចេកវិទ្យាសម្លេង ដែលអនុញ្ញាតឱ្យអ្នកស្តាប់លឺសម្លេងផ្ទាល់ខ្លួន និងសម្លេងនៅជុំវិញខ្លួនអ្នក។ វាជាឧបករណ៍ដែលបង្កើតឡើង ពីគំនិតច្នៃប្រឌិតរបស់មនុស្ស ជាមួយនឹងបច្ចេកវិទ្យាទំនើប នាំមកនូវបទពិសោធន៍នៃសម្លេងដ៏បរិសុទ្ធ តាមរយៈប្រព័ន្ធចរន្តឆ្អឹងប្រកបដោយភាពច្នៃប្រឌិត។

តើ BATBAND ដំណើរការយ៉ាងដូចម្តេច?

ឧបករណ៍ទំនើបនេះ ដំណើរការតាមរយៈចរន្តឆ្អឹង ដែលមានឧបករណ៍បំលែងការប្រែប្រួលរលកសម្លេងដែលទទួលបានដោយផ្នែកខាងក្នុង នៃត្រចៀករបស់បុគ្គលម្នាក់ ដូច្នេះវាកាត់បន្ថយសម្លេងរំខានពីមជ្ឈដ្ឋានខាងក្រៅ។ រលកសម្លេងដែលត្រូវបានបញ្ជូន នៅក្នុងប្រេកង់ដែលអាចបញ្ជូនឆ្លងកាត់ ឆ្អឹងលលាដ៏ក្បាលបាន។ ត្រចៀករបស់អ្នកមិនមានបំពាក់អ្វីទាំងអស់ ដូច្នេះអ្នកអាចស្តាប់លឺសម្លេង កាន់តែច្បាស់ទ្វេដង ដោយពុំចាំបាច់ខ្វល់ពីផាសុកភាព គុណភាព ឬ រូបរាងឡើយ។ ឧបករណ៍បំលែងសម្លេងចំនួន៣ សម្រាប់ធ្វើការបញ្ជូនរលកសម្លេងត្រូវបានបំពាក់លើ BATBAND ដោយឧបករណ៍ចំនួន ២បំពាក់ សម្រាប់ភ្ជាប់លើក្បាលទាំងសងខាង(ឆ្អឹងសៀតផ្កា) និងមួយទៀតនៅពីខាងក្រោយ (ឆ្អឹងកញ្ចឹងក)។ លើសពីនេះទៀត មុខងារដ៏ស្ងប់ស្ងាត់របស់វាមានន័យថា គ្រប់សម្លេងដែលអ្នកបានលឺ ស្ទើរតែមិនអាចលឺចេញមកខាងក្រៅ។ BATBAND ត្រូវបានបង្កើតឡើងដើម្បីសម្រួលបែបផែនរស់នៅដ៏មមាញឹករបស់អ្នក ដោយឱ្យអ្នកស្តាប់បានកាន់តែច្បាស់។

Batband-01

តើអ្នកប្រើវាយ៉ាងដូចម្តេច?

គ្រាន់តែដាក់ BATBAND នៅពីក្រោយក្បាល ភ្ជាប់វាជាមួយទូរសព្ទដៃ តាមរយៈ Bluetooth គ្រប់គ្រងមុខងារដោយប្រើប៉ះ Sensor ហើយអ្នកអាចស្តាប់បទចម្រៀង ឬនិយាយទូរសព្ទដោយលាក់លៀមបាន។ BATBAND ផ្តល់នូវភាពងាយស្រួលបំផុត ដោយវាច្នៃប្រឌិតសម្រាប់ការប្រើប្រាស់ប្រចាំថ្ងៃ និងសក្តិសមនឹងបែបផែនរស់នៅដ៏មមាញឹក នៅកន្លែងការងារ ការធ្វើដំណើរ ជជែកកំសាន្ត ជាមួយមិត្តភក្តិ លេងហ្គេម ហាត់កីឡា និងសកម្មភាពផ្សេងៗទៀត ដោយមិនចាំបាច់ពាក់ឧបករណ៍នឹងត្រចៀក។ ឧបករណ៍នេះត្រូវបានផលិតឡើងពីដែករលាស់ គៀបជាប់ផ្នែកខាងក្រោយនៃក្បាល និងអេប៉ុងខាងក្នុងផ្តល់ផាសុកភាពជាអតិបរមា និងកាត់បន្ថយការលេចលឺសម្លេងមកខាងក្រៅ។ វាងាយស្រួលសាកថាមពលតាមរយៈ រន្ធUSB និងមិនត្រូវការ Software ឬ ការ Updateឡើយ។

នៅពេលណាដែលគួរប្រើ BATBAND?

  • និយាយទូរសព្ទនៅតាមផ្លូវ
  • ការចង្អុលបង្ហាញ GPS ដោយសម្លេង
  • ស្តាប់ចម្រៀងដោយសម្ងាត់ និងនៅពេលហាត់ប្រាណ
  • មិនចាំបាច់ប្រើដៃ
  • ពង្រីកបទពិសោធន៍នៃការលេងហ្គេម
  • ប្រើប្រាស់រួមជាមួយ VR និង AR

មុខងារដ៏អស្ចារ្យ

  • ការច្នៃម៉ូតផ្តល់នូវភាពងាយស្រួល ក្នុងការប្រើប្រាស់គ្រប់កាលៈទេសៈ
  • មុខងារ Sensor ដោយគ្រាន់តែប្រើដៃ និងកាយវិការ
  • ភ្ជាប់ជាមួយក្បាលមេក្រូ អាចឱ្យអ្នកនិយាយទូរសព្ទបាន
  • អ្នកមិនចាំបាច់ពាក់ឧបករណ៍នៅលើត្រចៀក ដូច្នេះអ្នកអាចស្តាប់បទចម្រៀង និងស្តាប់មជ្ឈដ្ឋានខាងក្រៅបានក្នុងពេលតែមួយ

Batband-04

Batband-02

ប្រភព: KickStarter ផ្នែក: បច្ចេកវិទ្យា, Accessories, Appliances

អត្ថបទអ្នកចង់អាន

Motorola ចេញទូរសព្ទថ្មី កាន់តែឆ្លាតវៃ

ដោយ: ដួងច័ន្ទ 7 AM, Friday, 24 May, 2019

យើងមិនទាន់បានឈានដល់ពាក់កណ្តាលឆ្នាំ 2019 នៅឡើយទេ ប៉ុន្តែក្រុមហ៊ុន Motorola បានបង្ហាញជូននូវផលិតផល Hardware គួរឱ្យចាប់អារម្មណ៍មួយចំនួនរួចជាស្រេចហើយ។ ផ...

TikTok ផ្តល់ជូននូវ កម្មវិធីបញ្ជាទិញ សម្រាប់ផលិតផល របស់ម្ចាស់ឧបត្ថម្ភកម្មវិធី

ដោយ: ភារុន 9 AM, Thursday, 22 Aug, 2019

TikTok គឺជាកម្មវិធីសម្រង់វីដេអូខ្លីៗ ហើយត្រូវបាននិយមលេងដោយយុវវ័យ។ នាពេលឥឡូវនេះ វាកំពុងមានការផ្លាស់ប្តូរជាបន្តបន្ទាប់ ដោយបន្ថែមការបង្ហាញនូវផលិតផលនៃម...

ទូរសព្ទ Huawei P10 និង P10 Plus នឹងចេញលក់ក្នុងត្រីមាសទី១ ឆ្នាំ២០១៧

ដោយ: ដួងច័ន្ទ 7 PM, Wednesday, 08 Feb, 2017

កាលពីឆ្នាំ២០១៦ កន្លងទៅ ទូរសព្ទ Huawei P9 បានទាក់ទាញចំណាប់អារម្មណ៍ នៅលើទីផ្សាបានយ៉ាងច្រើន គួឱ្យកត់សម្គាល់ ដោយផ្តល់នូវប្រព័ន្ធដំណើរការ Android កម្រិត...

Nokia 4.2 ចេញលក់ហើយ ព្រមជាមួយសមត្ថភាពខ្លាំងជាងមុន

ដោយ: ដួងច័ន្ទ 8 AM, Tuesday, 07 May, 2019

ទូរសព្ទដៃម៉ូដែល Nokia 4.2 ថ្មី របស់ក្រុមហ៊ុន HMD Global ដែលក្រុមហ៊ុនបានប្រកាសកាលពីខែកុម្ភៈកន្លងទៅ នាពេលនេះបានចាប់ផ្តើមដាក់លក់ Pre-Order ហើយនៅក្នុងស...

Tomnerb.Com - YouTube Channel