ចូលចិត្តទំនើប

អេក្រង់ OLED ថ្មីរបស់ Samsung ត្រូវបានទទួលស្គាល់ផ្លូវការ

ដោយ: ដួងច័ន្ទ 8 AM, Thursday, 02 Aug, 2018

អេក្រង់ Flexible OLED ត្រូវបានគេនិយាយតៗគ្នាអស់រយៈពេលជាច្រើនឆ្នាំមកហើយ។ ប៉ុន្តែការដាក់វាឱ្យដំណើរការនៅលើឧបករណ៍ប្រើប្រាស់ នៅមានកំណត់តាមរយៈការដាក់អេក្រង់បត់បែនបាននៅពីក្រោយអេក្រង់ការពារ។

ក្រុមហ៊ុន Samsung Display ទើបនឹងប្រកាសនាពេលថ្មីៗនេះអំពីជំហានថ្មីនៃការផលិតផល អេក្រង់ OLED ដែលអាចបត់បែនបាន ដែលវាជា
ផ្ទាំងកញ្ចក់ដែលមានភ្ជាប់គម្របជាផ្លាស្ទិចថ្លា មានលក្ខណៈស្រដៀងនឹងកញ្ចក់ ប៉ុន្តែវាបង្កប់ដោយភាពបត់បែន។

ដោយពុំមានតម្រូវការប្រើប្រាស់កញ្ចក់ ផ្ទាំងអេក្រង់មួយនេះត្រូវបានបញ្ជាក់ថាមានភាពរឹងមាំគ្រប់គ្រាន់ សម្រាប់ការទទួលបានអាជ្ញាប័ណ្ណ
ពី UL (Underwriter Laboratories) សម្រាប់ភាពគង់វង្សយូរអង្វែងរបស់វា។ ក្រុមហ៊ុន Samsung បរិយាយអេក្រង់ថ្មីនេះថាជាអេក្រង់ដែល
មិនអាចបំបែកបាន។ សេចក្តីរាយការណ៍បានបង្ហាញថាវាអាចតទល់នឹងការធ្វើតេស្តស្តង់ដាកងទ័ពរបស់ UL ដោយទទួលបានជោគជ័យ 26 ដង
ពីការទម្លាក់ពីកម្ពស់ 1.2 ម៉ែត្រ ក៏ដូចជាការធ្វើតេស្តសីតុណ្ហភាពកម្រិតធ្ងន់ ក្នុងកម្រិត 71 អង្សាសេ និងកម្រិតទាប -32 អង្សាសេ។ អេក្រង់ OLED ថ្មីនេះ
នៅតែបន្តមុខងាររបស់វាជាធម្មតា ដោយមិនមានការបំផ្លាញទាំងនៅលើផ្នែកខាងមុខ ផ្នែកចំហៀង និងគែមអេក្រង់ ឡើយ។ កាន់តែអស្ចារ្យ ក្រុមហ៊ុន Samsung បានទទួលជោគជ័យក្នុងការធ្វើតេស្តទម្លាក់ពីកម្ពស់ 1.8 ម៉ែត្រថែមទៀតផង។

ក្រៅពីការអភិវឌ្ឍន៍ជាបឋមសម្រាប់ទូរសព្ទ Smartphone អេក្រង់ OLED បត់បែនថ្មីនេះ ក៏នឹងត្រូវប្រើប្រាស់នៅលើឧបករណ៍អេឡិចត្រូនិចដទៃទៀតដែរ
ដូចជាឧបករណ៍ហ្គេមចល័ត ឧបករណ៍ទាហាន E-Learning Tablet និងអេក្រង់នៅក្នុងរថយន្តជាដើម។ ក្រុមហ៊ុន Samsung Display មិនទាន់បញ្ជាក់ពី
កាលបរិច្ឆេទនៃការចេញលក់ផលិតផលដែលមានបំពាក់អេក្រង់ OLED មិនអាចបំបែកបាននេះនៅឡើយទេ ហើយក្រុមហ៊ុនក៏មិនទាន់ប្រកាសពីការផលិតទ្រង់ទ្រាយធំដែរ។

ដូច្នេះ ខណៈដែលអេក្រង់ថ្មីនេះបង្កប់ដោយភាពរំជើបរំជួល យើងប្រហែលជាត្រូវរងចាំរហូតដល់ឧបករណ៍ពិតប្រាកដលេចចេញជារូបរាង ទើបយើងបាន
ដឹងពីសមត្ថភាពរបស់វាពិតប្រាកដ។

អត្ថបទអ្នកចង់អាន

HTC U និង Ultra នឹងបង្ហាញខ្លួន ក្នុងខែមីនា ២០១៧ នេះ

ដោយ: ចរិយា 10 PM, Sunday, 15 Jan, 2017

ទូរស័ព្ទ HTC នឹងចេញជំនាន់ពីរ ក្នុងពេលតែមួយ គឺ HTC U Play និង HTC U Ultra ដែលទំនើប ទទួលបានព័ត៌មានថា នឹងបង្ហាញខ្លួនដល់សាធារណៈជន នៅក្នុងខែកុម្ភៈ និងមី...

Kodak បញ្ចេញទូរសព្ទ មានកាមេរ៉ាយក្ស

ដោយ: ដួងច័ន្ទ 5 PM, Saturday, 27 May, 2017

កាលពីឆ្នាំមុន ក្រុមហ៊ុន Kodak បានចេញលក់ទូរសព្ទដៃ Smartphone ម៉ូដែល Ektra ជាឧបករណ៍ ដែលមានបច្ចេកវិទ្យាកម្រិតមធ្យម និងមានកាមេរ៉ា ដែលមានរូបរាងធំសម្បើម ...

តើអ្នកគួរជ្រើសរើស ម៉ាស៊ីនបោកគក់ប្រភេទណា?

ដោយ: ដួងច័ន្ទ 9 AM, Monday, 03 Dec, 2018

ដល់ពេលវេលាដែលអ្នកត្រូវទិញម៉ាស៊ីនបោកគក់ថ្មីមែនទេ? អ្នកមិនដឹងថាតើគួរជ្រើសយកម៉ាស៊ីន Top Load ឬ Front Load មែនទេ? បច្ចុប្បន្ននេះមានជម្រើសម៉ាស៊ីនបោកគក់ជ...

The Frame នឹងបង្ហាញខ្លួនក្នុងកម្មវិធី London Design Festival

ដោយ: ដួងច័ន្ទ 4 PM, Saturday, 30 Sep, 2017

ក្រុមហ៊ុន Samsung នឹងប្រើប្រាស់ទូរទស្សន៍ម៉ូដែលថ្មី The Frame ដើម្បីតាំងបង្ហាញជាស្នាដៃសិល្បៈ សម្រាប់ការតាំងពិពណ៌នៅក្នុងកម្មវិធី London Design Festiv...

Tomnerb.Com - YouTube Channel