ហេតុផលបង្ហាញថា អ្នកត្រូវការទូរសព្ទថ្មី
តើទូរសព្ទអ្នក ប្រើការលែងបានទៀតហើយមែនទេ? តើមនុស្សនៅជុំវិញអ្នក តែងតែចំអកឱ្យអ្នក ដោយសារតែអ្នកមិនទាន់សម័យមែនទេ? ទាំងនេះជាសញ្ញាមួយចំនួនបង្ហាញថា អ្នកគួរប្តូរទូរសព្ទ ថ្មី។
ទូរសព្ទដៃ Smartphone ជាពិសេសម៉ូដែលខ្ពស់ តែងមានតម្លៃថ្លៃ ដូច្នេះវាមិនមែនជារឿងភ្ញាក់ផ្អើលទេ ដែលមនុស្សភាគច្រើន មិនបោះបង់ទូរសព្ទចាស់ចោល ហើយជំនួសវិញ ដោយការព្យាយាមទ្រាំប្រើម៉ូដែលចាស់នោះ ឱ្យបានកាន់តែយូរ។ ដោយសារតែឧបករណ៍អេឡិចត្រូនិចភាគច្រើន មានតម្លៃប្រមាណ ចាប់ពី ៥០០ ដុល្លារ ដែលវាជាការចំណាយដ៏ធំមួយ វាមិនដួចជា ការទិញ រថយន្ត ឬទិញផ្ទះទេ ប៉ុន្តែវាត្រូវការចំណាយ ក្នុងពេលវេលាសមស្រប និងការពិចារណាច្បាស់លាស់។
តើអ្នកអាចសម្រេចពីពេលវេលាសមស្រប ដើម្បីបោះបង់ចោលទូរសព្ទចាស់ ហើយទិញថ្មីដោយរបៀបណា?
ខាងក្រោមនេះ គឺជាហេតុផលមួយចំនួន សម្រាប់ការពិចារណារផ្លាស់ប្តូរទូរសព្ទរបស់អ្នក៖
- មិត្តភក្តិ និងអ្នកជុំវិញខ្លួនរបស់អ្នក កំពុងចំអកឱ្យអ្នក
- ទូរសព្ទចាស់របស់អ្នក មិនមានកម្មវិធីថ្មីៗ សមស្របតាមតម្រូវការ
- កម្មវិធី Android ឬ Apple ចាស់មិនគាំទ្រដល់ដំណើរការ នៃទូរសព្ទទៀត
- មិនមានកាមេរ៉ាមុខ សម្រាប់ថត Selfie
- អ្នកមិនអាចប្រើប្រាស់សេវា 4G
- អ្នកនៅតែប្រើ Sim Card ស៊េរីចាស់ មិនមែនជា Micro ឬ Nano Sim
- កាមេរ៉ាមានទំហំ Pixel ទាប ថតមិនច្បាស់
- អ្នកតែងតែខ្ចីទូរសព្ទ Smartphone របស់មិត្តភក្តិ ឬអ្នកនៅជុំវិញខ្លួន
បើអ្នកកំពុងជួបប្រទះ បញ្ហាដូចខាងលើ សូមរួសរាន់ប្តូរទូរសព្ទថ្មីទៅ។ ថ្វីត្បិតតែទូរសព្ទថ្មី មានតម្លៃថ្លៃ តែអ្នកមានវិធីសាស្រ្តជំនួយ ដូចជាការបង់រំលោះជាដើម។ កុំធ្វើឱ្យទូរសព្ទចាស់របស់អ្នក ធ្វើឱ្យអ្នកមានអារម្មណ៍មិនល្អអី ផ្លាស់ប្តូរថ្មី ដើម្បីទាន់សម័យដូចមិត្តភក្តិរបស់អ្នកដែរ។
