ចូលចិត្តទំនើប

វិធី ៣ យ៉ាង ក្នុងការព្រីនឯកសារពី iPad

ដោយ: ដួងច័ន្ទ 4 PM, Saturday, 18 Mar, 2017

បើសិនអ្នក ជាម្នាក់ក្នុងចំណោមមនុស្សជាច្រើន ដែលប្រើប្រាស់ iPad ដើម្បីធ្វើការ អ្នកនឹងមានតម្រូវ ការព្រីនឯកសារជាក់ជាមិនខាន។ ជាសំណាងណាស់ ការព្រីនឯកសារតាមរយៈ iPad នាពេលបច្ចុប្បន្នកាន់តែមានភាពងាយស្រួល។ ក្រុមហ៊ុន Apple បានស្វែងរកឃើញដំណោះស្រាយដ៏ប្រសើរ មួយ គឺបច្ចេកវិទ្យាAirPrint ដែលអាចដំណើរការបាន ពេលអ្នកមានម៉ាស៊ីនព្រីនសមស្របជាមួយវា។ ប៉ុន្តែទោះជាអ្នកគ្មានម៉ាស៊ីនព្រីន ដែលដំណើរការជាមួយបច្ចេកវិទ្យានេះក្តី ក៏ ទំនើប សូមបង្ហាញពីវិធី ដទៃទៀត សម្រាប់ការបំពេញការងាររបស់អ្នកបានដែរ។

AirPrint

វិធីងាយស្រួលបំផុត សម្រាប់ការព្រីនឯកសារពីឧបករណ៍ iOS រួមទាំង iPad ផងដែរនោះ គឺប្រើប្រាស់ ម៉ាស៊ីនព្រីន ដែលដំណើរការបានជាមួយកម្មវិធី AirPrint។ វាជាបច្ចេកវិទ្យាមួយ ដែលក្រុមហ៊ុនផលិត ម៉ាស៊ីនព្រីន អាចរួមបញ្ចូលទៅក្នុងម៉ាស៊ីនរបស់ពួកគេ ដូច្នេះអ្នកមិនចាំបាច់ធ្វើការតំឡើងឧបករណ៍ បន្ថែម ដើម្បីភ្ជាប់ជាមួយ iPad ទេ។ សព្វថ្ងៃនេះ ម៉ាស៊ីនព្រីនភាគច្រើន មានបំពាក់កម្មវិធី AirPrint រួចជាស្រេច។ ដើម្បីព្រីនឯកសារ ទំព័រគេហទំព័រ សារអេឡិចត្រូនិក ឬឯកសារនានាពី iPad អ្នកអាច អនុវត្តតាមវិធីនេះ៖

  • ភ្ជាប់ iPad និងម៉ាស៊ីនព្រីន ទៅកាន់ ប្រព័ន្ធWi-Fi តែមួយ
  • ស្វែងរកឯកសារដែលអ្នកចង់ព្រីន
  • ចុចប៊ូតុង Share (ភាគច្រើននៅផ្នែកខាងលើ ឬខាងក្រោមនៃអេក្រង់) ហើយជ្រើសយក Print
  • ឈ្មោះរបស់ម៉ាស៊ីនព្រីន នឹងលេចឡើង។ បើសិនជាអ្នកមានម៉ាស៊ីនព្រី AirPrint ច្រើនគ្រឿង នៅលើប្រព័ន្ធរបស់អ្នក សូមជ្រើសយកម៉ាស៊ីនព្រីនណាមួយ ពីក្នុងបញ្ជីដែលបានបង្ហាញ។

Print-From-Ipad-03

AirPrint Alternatives

នេះជាដំណោះស្រាយរបស់ Software និង កម្មវិធី Cloud-Based បើសិនជាអ្នកមិនមានម៉ាស៊ីនព្រីន AirPrinter នៅលើប្រព័ន្ធរបស់អ្នក។ កម្មវិធី Printopia គឺជាជម្រើសដ៏ពេញនិយមមួយ។ អ្នកត្រូវតំឡើងកម្មវិធី នៅលើ កុំព្យូរទ័រ MacOS ហើយវានឹងអនុញ្ញាតឱ្យអ្នកព្រីន តាមរយៈប្រព័ន្ធ Wi-Fi ដោយប្រើប្រាស់កុំព្យូរទ័រ Mac របស់អ្នក ជាស្ពានចម្លងឯកសារពីក្នុង iPad ទៅម៉ាស៊ីនព្រីន។ ចំណុចប្រសើរនោះ គឺអ្នកមិនចាំបាច់ត្រូវការកម្មវិធីសម្រាប់ iPadទេ ដោយគ្រាន់តែតំឡើងកម្មវិធី MacOS និងជ្រើសយកម៉ាស៊ីនរបស់អ្នក ដើម្បីចែករំលែងព័តមាន។ មានកម្មវិធីផ្សេងទៀតដែលដំណើរការដូចគ្នា ប៉ុន្តែកម្មវិធីនេះត្រូវបានសាកល្បង។ វាមិនអស់ថ្លៃទេ បើសិនជាអ្នកចង់ធ្វើតេស្ត សាកល្បង និងមានតម្លៃ ២០ ដុល្លារ បើអ្នកចង់ទិញវា។

ប្រើប្រាស់កម្មវិធី Cloud

កម្មវិធី Google Cloud Print គឺជាជម្រើសដ៏ប្រសើរ សម្រាប់អ្នកប្រើប្រាស់ ដែលប្រើប្រាស់ប្រព័ន្ធសន្សំសំចៃរបស់ Google។ វាអនុញ្ញាតឱ្យអ្នកព្រីនជាមួយម៉ាស៊ីនព្រីន ដែលមិនមែនជាម៉ាស៊ីន AirPrint ដោយអ្នកធ្វើការផ្ទេរឯកសារតាមរយៈ Mac ឬកុំព្យូទ័រ។ អ្នកអាចតំឡើងកម្មវិធីនេះ ដោយឥតគិតថ្លៃ ដោយប្រើប្រាស់កម្មវិធី Google Chrome

  • បើកម្មវិធី Google Chrome នៅលើកុំព្យូទ័រ បន្ទាប់មកចុចចំណុច Dot ទាំងបីដែលលេចឡើងលើជ្រុងខាងលើផ្នែកខាងស្តាំ រួចបន្ទាប់មកចូលទៅកាន់ការកំណត់ menu
  • អូសចុះក្រោមរហូតដល់ផ្នែកក្រោមបំផុត បន្ទាប់មកចុច Show Advanced Setting
  • អូសចុះក្រោម រហូតដល់ឃើញពាក្យ Google Cloud Print។ បន្ទាប់មកចុច Manage។
  • បើសិនជាម៉ាស៊ីនព្រីនរបស់អ្នក មិនមែនជាម៉ាស៊ីនព្រីនក្នុងប្រព័ន្ធ ប៉ុន្តែត្រូវបានភ្ជាប់ដោយផ្ទាល់ទៅកាន់កុំព្យូរទ័រ សូមជ្រើសយកពាក្យ Classic Printers
  • ចុច Add Printer បន្ទាប់មកពិនិត្យលើម៉ាស៊ីនព្រីនណាមួយ ដែលអ្នកចង់ដាក់
  • បន្ទាប់ពីរួចរាល់ហើយ ត្រូវចុច Add Printer(s)
  • អ្នកនឹងទទួលបានសារបញ្ជាក់ថាអាចដំណើរការបាន។

សូមកត់សម្គាល់ថា វិធីសាស្រ្តដែលបានបង្ហាញខាងលើ គឺសម្រាប់ប្រើប្រាស់លើ iPad ហើយវាក៏អាចដំណើរការបានលើឧបករណ៍ iOS ផ្សេងទៀតបាន ដូចជា iPhone ជាដើម។

Print-From-Ipad-01

អត្ថបទអ្នកចង់អាន

Nikon បង្ហាញឈុត Filmmaker សម្រាប់ម៉ូដែល Z6

ដោយ: ដួងច័ន្ទ 9 AM, Thursday, 17 Jan, 2019

គុណសម្បត្តិរបស់មុខងារ Full Frame សម្រាប់វីដេអូ 4K ដ៏អស្ចារ្យ និងមុខងារ 10-Bit External Video ធ្វើឱ្យកាមេរ៉ាម៉ូដែល Z6 របស់ក្រុមហ៊ុន Nikon ក្លាយជាកាម...

គុណសម្បត្តិ និង គុណវិបត្តិនៃការធ្វើដំណើរ ដោយរថយន្ត

ដោយ: ដួងច័ន្ទ 10 PM, Friday, 13 Jan, 2017

ដំណើរកំសាន្ត គឺជាវិធីសាស្រ្តមួយ ក្នុងការកាត់បន្ថយភាពស្មុគស្មាញ ពីការបំពេញការងារ ឬការប្រកប របរចិញ្ចឹមជីវិតនានា។ អ្នកតែងតែចង់ដឹងពីមធ្យោបាយល្អបំផុត សម...

មកដឹង ពីរបៀបធ្វើបច្ចុប្បន្នភាព Chromebook

ដោយ: ភារុន 8 AM, Sunday, 10 Mar, 2019

Chromebook គឺមានប្រជាប្រិយភាពខ្លាំងណាស់ ព្រោះវាមានតម្លៃថោកសមរម្យ ងាយស្រួលប្រើប្រាស់ និងដោយសារតែ Chrom OS មានភាពសាមញ្ញផងដែរ។ ដូចគ្នានឹងគ្រប់ប្រព័ន្ធ...

Apple ត្រៀមខ្លួនរួចជាស្រេច ដើម្បីធ្វើតេស្តសាកល្បងប្រព័ន្ធ Beta iOS 13.1

ដោយ: ភារុន 9 AM, Saturday, 31 Aug, 2019

Apple មិនអាចរង់ចាំការបញ្ចេញប្រព័ន្ធប្រតិបត្តិការ iOS 13 ដែលនឹងអាចចាប់ផ្តើមសាកល្បងធ្វើបច្ចុប្បន្នភាពដ៏ធំបំផុតទៅលើផលិតផលទាំងអស់របស់ខ្លួនប៉ុណ្ណោះទេ។ ប...

Tomnerb.Com - YouTube Channel