ចូលចិត្តទំនើប

របស់ធម្មជាតិ 9 យ៉ាងដែលផ្តល់ជាតិសំណើម ដែលអ្នកអាចរកបាននៅក្នុងផ្ទះបាយរបស់អ្នក

ដោយ: ភារុន 11 AM, Monday, 03 Dec, 2018

ពិតណាស់ដែលអាហារបំប៉នត្រឹមត្រូវគឺជាគន្លឹះដែលធ្វើឲ្យស្បែកភ្លឺរលោង ជាពិសេសនៅរដូវធ្លាក់ខ្យល់បែបនេះ។ ខ្យល់ត្រជាក់នាំឲ្យយើងមានស្បែកស្ងួត និង បែកស្រកា។ ដូច្នេះដើម្បីធ្វើឲ្យស្បែកមានជាតិសំណើម និង មានសារធាតុចិញ្ចឹមគ្រប់គ្រាន់អ្នកតែងតែទៅទិញផលិផលផ្សេងៗនៅលើទីផ្សារមកប្រើប្រាស់។ ប៉ុន្តែមុននឹងអ្នកទៅ អ្នកគួរក្រលេកមើលនៅក្នុងផ្ទះបាយរបស់អ្នកជាមុនសិន។ ហេតុអ្វីបានជាទិញផលិតផលខាងក្រៅមកប្រើប្រាស់ បើសិនជានៅក្នុងផ្ទះបាយរបស់អ្នកមានរបស់ដែលធ្វើឲ្យស្បែកអ្នកមានជាតិសំណើមរួចហើយ? ខាងក្រោមនេះគឺជារបស់ 9 យ៉ាងដែលផ្តល់ឲ្យនូវជាតិសំណើមធម្មជាតិសម្រាប់ធ្វើឲ្យស្បែកភ្លឺរលោង និង មានសំណើមដែលរួមមាន៖
1. ទឹកឃ្មុំ
ទឹកឃ្មុំធម្មជាតិគឺសារធាតុប្រឆាំងនឹងបាក់តេរីខ្ពស់ ដូច្នេះវាអាចព្យាបាលមុនដ៏មានប្រសិទ្ធភាព លើសពីនេះវាជួយបង្រួមរន្ធញើសឲ្យតូច និង ជាអ្នកសម្អាតដ៏អស្ចារ្យ។ វាពោរពេញដោយសារធាតុប្រឆាំងអុកស៊ីតកម្ម ដើម្បីធ្វើឲ្យមិនមានស្នាមជ្រួញ ស្បែកឆាប់ចាស់ និង ស្នាមជាំ។

2. ទឹកដោះគោស្រស់
ទឹកដោះគោស្រស់សម្បូរដោយជាតិអាស៊ីត Lactic ដែលវាជាធាតុផ្សំមួយដែលត្រូវបានរកឃើញនៅក្នុងផលិតផលថែរក្សាសម្ផស្សថ្លៃៗ។ ជាតិអាស៊ីត Lactic នេះមានមុខងារជម្រុះនូវកោសិកាចាស់ៗចេញពីស្បែក និង បណ្តុះកោសិកាថ្មី ហើយវាអាចជួយឲ្យស្បែកមានសំណើមផងដែរ។

3. ប្រេងអូលីវ
ប្រេងអូលីវមានជាតិសំណើមជាច្រើនដែលត្រូវបានគេយកទៅផ្សំធ្វើជាផលិតផលដែលផ្តល់ជាតិសំណើមដល់ស្បែក តាំងពីយូរណាស់មកហើយ។ សារធាតុប្រឆាំងអុកស៊ីតកម្ម និង អាស៊ីតធម្មជាតិរបស់វាជួយឲ្យស្បែករឹងមាំដោយបង្កើតរបាំងការពារធម្មជាតិ ដើម្បីប្រឆាំងនឹងកាំរស្មីពន្លឺព្រះអាទិត្យ។

4. ប្រេង Castor
ប្រេង Castor មានជាតិសំណើមដ៏អស្ចារ្យ និង មានកំហាប់នៃអាស៊ីតខ្លាញ់ខ្ពស់ដែលអាចឲ្យវាអាចស្រូបចូលក្នុងស្បែកបានឆាប់រហ័ស។ លើសពីនេះវាមានជាតិអាស៊ីត Linoleic ដែលជួយការពារស្បែកពីការបាត់បង់ជាតិសំណើមនៅក្នុងស្បែក។

5. ប្រេងដូង
ប្រេងដូង សម្បូរទៅដោយជាតិអាស៊ីត Lauric ដែលជួយផ្គត់ផ្គង់ជា collagen និង ធ្វើឲ្យស្បែកងាយស្រួលស្រូបយកយ៉ាងជ្រៅនូវជាតិសំណើមដ៏អស្ចារ្យ និង ធ្វើឲ្យអ្នកមានអារម្មណ៍ធូរស្រាល។

6. ប៊ឺផ្លែ Shea
ប៊ឺផ្លែ Shea ជាប្រភពនៃវីតាមីន A និង F ដែលជួយកាត់បន្ថយស្បែកស្ងួត ផ្តល់សំណើមដល់ស្បែក និង ធ្វើឲ្យស្បែកក្មេងជាងវ័យ។

7. ផ្លែប៊ឺ
ផ្លែប៊ឺ សម្បូរជាតិខ្លាញ់ និង វីតាមីន A, D និង E ដែលជួយរក្សាជាតិសំណើមនៅក្នុងស្បែក និង ក៏អាចធ្វើជាថ្នាំប្រឆាំងនឹងជម្ងឺផងដែរ។

8. ត្រសក់
ត្រសក់ជាប្រភពសារធាតុទឹកដ៏ល្អសម្រាប់រាងកាយរបស់អ្នកទាំងខាងក្នុង និង ខាងក្រៅ។ លើសពីនេះត្រសក់មានសារធាតុចិញ្ចឹមដូចជា ម៉ាញេស្យ៉ូម ប៉ូតាស្យ៉ូម និង វីតាមីន A និង E។ វាជួយសម្រួលចរន្តឈាម និង ជាគុណប្រយោជន៍សម្រាប់ស្បែក ឆ្អឹង និង ក្រចក ព្រមទាំងជួយកាត់បន្ថយភាពជ្រីញជ្រួញ ធ្វើឲ្យស្បែកភ្លឺរលោង និង អាចជួយព្យាបាលការហើមនៅជុំវិញភ្នែក។

9. ប្រទាល កន្ទុយក្រពើ
ប្រទាល កន្ទុយក្រពើ ឬ ហៅថា Aloe ត្រូវបានគេប្រើសម្រាប់ធ្វើជាគ្រឿងផ្សំផលិតផលថែរក្សាស្បែកជាច្រើន។ វាផ្តល់ជាតិសំណើមដែលមិនបន្សល់ជាតិខ្លាញ់លើស្បែក និង មានសារធាតុចិញ្ចឹមដូចជា Beta-carotene និង វីតាមីន C និង E ហើយនិងធ្វើឲ្យស្បែកឡើងក្រាស់។

ប្រភព: mindbodygreen ផ្នែក: បច្ចេកវិទ្យា, Appliances

អត្ថបទអ្នកចង់អាន

ក្រុមហ៊ុន Samsung ផលិតអេក្រង់ Monitor ភ្លោះ ដ៏ធំសម្បើម

ដោយ: ដួងច័ន្ទ 8 PM, Monday, 10 Apr, 2017

ក្រុមហ៊ុន Samsung កំពុងផលិតអេក្រង់ សម្រាប់ការទស្សនាម៉ូដែលថ្មី ដើម្បីជំនួស Monitor ភ្លោះ ដែលហួសសម័យ ហើយវាពិតជាមានទំហំធំអស្ចារ្យ។ ក្រុមហ៊ុនបានរាយការណ...

ការវិវត្តថ្មីនៃបច្ចេកវិទ្យា iOS អាចធ្វើឱ្យកម្មវិធីចាស់ៗ ប្រមាណ ១៨៧, ០០០ កម្មវិធីក្លាយជាគ្មានបានការ

ដោយ: ដួងច័ន្ទ 5 PM, Wednesday, 22 Mar, 2017

បច្ចេកវិទ្យា iOS 11 គឺជា Version បន្ទាប់របស់ទូរសព្ទ Apple ដែលរំពឹងថា នឹងដាក់ឱ្យដំណើរការនៅរដូវក្តៅនេះ ប្រហែលជាកម្មវិធីដ៏ពិសេសមួយ ដែលអាចសម្លាប់កម្មវិ...

Google ប្រើប្រាស់មុខងារ Voice Assistant ថ្មី

ដោយ: ដួងច័ន្ទ 3 PM, Wednesday, 18 Jul, 2018

ក្រុមហ៊ុន Google បាននឹងកំពុង Update សេវាកម្ម Assistant ថ្មី និងកម្មវិធី App លើទូរសព្ទដៃ ដែលនឹងចាត់ថ្នាក់ ពណ៌សម្រាប់ជម្រើសមុខងារបញ្ជារដោយសម្លេង Arti...

មកដឹង វិធីជួសជុល Call Failed Error នៅក្នុងទូរស័ព្ទ iPhone

ដោយ: ភារុន 10 AM, Thursday, 10 Jan, 2019

តើអ្នកធ្លាប់ជួបបញ្ហានៅលើទូរស័ព្ទ iPhone នៅពេលអ្នកហៅទូរស័ព្ទ ស្រាប់តែលោតពាក្យ Call Failed Error ដែរឬទេ?នេះវាមានន័យថាការហៅទូរស័ព្ទរបស់អ្នកមិនអាចដំណើរ...

Tomnerb.Com - YouTube Channel