ចូលចិត្តទំនើប

រថយន្ត Van លំដាប់ខ្ពស់ទាំង 5

ដោយ: ដួងច័ន្ទ 8 AM, Tuesday, 07 Aug, 2018

ថ្ងៃនេះ ទំនើប សូមណែនាំប្រភេទរថយន្ត Van លំដាប់ខ្ពស់ទាំង 5 ដែលជាជម្រើសដ៏ល្អសម្រាប់ការធ្វើដំណើរកំសាន្តជាលក្ខណៈគ្រួសារ។

Ford Grand C-Max
រថយន្តនេះមានកាប៊ីនអ្នកអង្គុយដ៏មានផាសុកភាព ជាមួយនឹងសម្ភារៈបំពាក់គុណភាពខ្ពស់ ដែលធ្វើឱ្យរថយន្តមួយនេះជាជម្រើសរថយន្តលក្ខណៈ
គ្រួសារដ៏ល្អមួយ ព្រោះវាមានទ្វារ Slide មាន លក្ខណៈបត់បែនខ្ពស់។ អ្នកអាចចូលទៅក្នុងជួរទីពីរបានយ៉ាងងាយស្រួល តាមរយៈកៅអីអង្គុយខាងក្រោយ។ អ្នកក៏នឹងពេញចិត្តជាមួយនឹងជម្រើសម៉ាស៊ីនជួយសន្សំសំចៃថវិកា។

Volkswagen Sharan
ទំហំផ្ទៃខាងក្នុងដ៏ធំទូលាយ ជាមួយនឹងការបំពាក់កៅអីចំនួន 7 និងការបំពាក់សម្ភារៈខាងក្នុងដ៏ប្រណិត។ ទ្វារ Slide ដ៏ធំ ដែលមិនអនុញ្ញាតឱ្យ
ទ្វារខាងក្រោយបើកដោយប្រញាប់ប្រញាល។ រថយន្តនេះមានម៉ាស៊ីនចំណុះ 1.4 លីត្រ ដែលអាចផ្តល់កម្លាំងថាមពលជាអតិបរមា។ អ្នកអាចបត់កៅអី
ទាំង 5 ឱ្យរាបស្មើ បើសិនជាអ្នកត្រូវការទីតាំងដាក់សម្ភារៈច្រើន។

Toyota Sienna
នេះជារថយន្តដែលមានប្រជាប្រិយភាពក្នុងចំណោមរថយន្ត Van នៅក្នុងទីផ្សារ។ វាមានកៅអីចំនួន 8 ជាមួយនឹងម៉ាស៊ីនដែលមានកម្លាំងថាមពលខ្លាំង
ហើយវាក៏មានជម្រើស Front-Wheel និង All-Wheel ម៉ូដែលផងដែរ។ ថ្វីត្បិតជម្រើស All-Wheel មិនសូវជួយសន្សំសំចៃប្រេង ប៉ុន្តែវាធ្វើដំណើរបាន
យ៉ាងល្អនៅគ្រប់ស្ថានភាពផ្លូវ និងស្ថានភាពបរិយាកាស ដោយសារវាមានមុខងារចង្កូតដ៏ខ្លាំង។

SEAR Alhambra
រថយន្តមួយនេះ មានលក្ខណៈស្រដៀងគ្នានឹងរថយន្ត Volkswagen Sharan ប៉ុន្តែវាមានតម្លៃទាបជាង។ នេះជារថយន្តដែលមានតម្លៃទាប
ប៉ុន្តែមានបំពាក់សម្ភារៈគុណភាពខ្ពស់ បំពាក់នូវកាប៊ីនដ៏ទំនើប និងមានម៉ាស៊ីនជួយសន្សំសំចៃថវិកា។ រថយន្តមួយនេះមានកៅអីចំនួន 7 ព្រមជាមួយ
នឹងទ្វារខាងក្រោយដំណើរការដោយប្រព័ន្ធអគ្គិសនី។

Mercedes V-Class
នេះជាជម្រើសលំដាប់ខ្ពស់ជាងគេ។ វាអាចផ្ទុកមនុស្សបានចំនួន 6 នាក់ ប៉ុន្តែអ្នកក៏មានជម្រើសម៉ូដែលកៅអី 8 ដែរ ដែលជាប្រភេទរថយន្តមាន
Wheelbase វែងជាង។ វាមានរាងជ្រុង ប៉ុន្តែវាត្រូវបានលម្អជាមួយនឹងសម្បកធ្វើពី Chrome Grill បំពាក់ជាមួយអំពូលខាងមុខតុបតែងយ៉ាងស្រស់ស្អាត
និងការតុបតែងផ្នែកខាងក្នុងដ៏ប្រណិត។ ទ្វារ Slide និងទ្វារខាងក្រោយ ដែលដំណើរការដោយប្រព័ន្ធអគ្គិសនី ជាចំណុចពិសេសបន្ថែមដែល
ធ្វើឱ្យរថយន្តមួយនេះស្ថិតក្នុងតារាងរថយន្តប្រណិត។

ប្រភព: carfromjapan ផ្នែក: បច្ចេកវិទ្យា, យានយន្ត

អត្ថបទអ្នកចង់អាន

iPhone X តម្លៃ $999 នឹងទទួលកក់នៅថ្ងៃ 27 តុលា

ដោយ: ដួងច័ន្ទ 3 PM, Sunday, 24 Sep, 2017

ទូរសព្ទ iPhone ជំនាន់ថ្មី ដែលគ្រប់គ្នាបានស្គាល់ថា iPhone X មានបំពាក់នូវបច្ចេកវិទ្យាឈាន មុខជាច្រើនដូចជា Face ID និងអេក្រង់ Edge-to-Edge OLED Super R...

៤ ចំណុច អ្វីដែលអ្នកត្រូវដឹង មុននឹងទិញឡានជជុះ

ដោយ: ចរិយា 9 PM, Monday, 19 Dec, 2016

ប្រទេសយើង មានការនាំចូលនូវរថយន្តចាស់ ឬមួយតឹក ដែលប្រជាជនខ្មែរតែងតែហៅថា «ឡានជជុះ»។ ឡានជជុះនេះមានតម្លៃធូរថ្លៃច្រើន បើប្រៀបធៀបនឹងតម្លៃឡានថ្មី។ តម្លៃធូរ ...

ហេតុអ្វីត្រូវប្រើប្រាស់សោរ Smart Lock?

ដោយ: ដួងច័ន្ទ 9 AM, Wednesday, 08 Aug, 2018

សោរ Smart Lock គឺជាឧបករណ៍ប្រើប្រាស់មួយក្នុងចំណោមឧបករណ៍ប្រើប្រាស់ Smart Home នាពេលបច្ចុប្បន្ន។ វាជាឧបករណ៍ប្រើប្រាស់ ដែលរួមបញ្ចូលនូវការរចនារូបរាងដ៏ទា...

Honda កំណត់កាលពេលវេលាត្រឹមឆ្នាំ 2025 ផលិតរថយន្តគ្មានអ្នកបើក ឱ្យជោគជ័យ

ដោយ: ដួងច័ន្ទ 7 PM, Thursday, 15 Jun, 2017

ក្រុមហ៊ុន Honda សង្ឃឹមថា ក្នុងអំឡុងពេល 10 ឆ្នាំ អ្នកនឹងអាចគេងលក់នៅក្នុងផ្ទះ ហើយទៅដល់ ផ្ទះដោយសុវត្ថិភាព។ ក្រុមហ៊ុនផលិតរថយន្ត ដ៏ធំរបស់ជប៉ុន Honda បាន...

Tomnerb.Com - YouTube Channel