ចូលចិត្តទំនើប

រថយន្ត Audi ថ្មី អាចរំកិលកៅអីបាន

ដោយ: ដួងច័ន្ទ 8 AM, Thursday, 18 Oct, 2018

កាលពីមួយខែមុន នៅក្នុងព្រឹត្តិការណ៍តាំងពិព័រណ៌រថយន្ត Pebble Beach Concours d’Elegance គំរូរថយន្ត Audi PB18 E-Tron បានបង្ហាញដល់អ្នកទស្សនាស្វែងយល់ថា នេះជារូបរាងទៅអនាគតរបស់រថយន្ត All-Electric Racecar របស់អាល្លឺម៉ង់ ដែលអ្នកអាចបើកបរក្នុងលក្ខខណ្ឌធម្មតាបាន។ យ៉ាងណាមិញគំរូរថយន្តមួយនេះមិនទាន់មានឈ្មោះពិតប្រាកដនៅឡើយទេ ដោយ Audi ប្រើប្រាស់ឈ្មោះ PB18 យោងទៅតាមឈ្មោះព្រឹត្តិការណ៍ Pebble Beach ប៉ុណ្ណោះ ហើយ E-Tron គឺជាឈ្មោះសម្រាប់សម្គាល់រថយន្តអគ្គសនីរបស់ Audi។
ការច្នៃប្រឌិតរូបរាងដ៏ស្រស់សង្ហាររបស់វា ធ្វើឱ្យរថយន្តមួយនេះទទួលបានចំណាប់អារម្មណ៍យ៉ាងខ្លាំង។ សូមក្រឡេកមើលកៅអីអង្គុយតែមួយ ស្ថិតនៅចំកណ្តាលតួរថយន្ត ដែលជាតួប្រភេទ Low-Slung Chassis មាន Windshield ដ៏ធំ និងការរចនាម៉ូដអំពូលភ្លើងខាងមុខដ៏ស្រស់ ស្អាត។

ចំណុចដ៏ពិសេស និងគួរឱ្យភ្ញាក់ផ្អើលលេចចេញពីរថយន្ត PB18 គឺកៅអីនៅចំកណ្តាល សម្រាប់អ្នកបើកបរ អាចអូសទៅចំហៀងរថយន្ត ដែលអនុញ្ញាតឱ្យអ្នកទាញកៅអីសម្រាប់អ្នករួមដំណើរចេញពីបាតរថយន្តមកបាន។ សរុបមក រថយន្តនេះច្នៃប្រឌិតសម្រាប់ឱ្យអ្នកអាចមានរថយន្តដែលមានកៅអីអង្គុយពីរនាក់នៅពេលអ្នកត្រូវការ និងកៅអីតែមួយសម្រាប់បទពិសោធន៍បើកបររថយន្តប្រណាំង។

ទំហំផ្នែកខាងក្រោយអ្នកបើកបរមានទំហំ 470-Liter Cargo Bay ដែលអ្នកអាចផ្ទុកសម្ភារៈបានយ៉ាងច្រើន រាប់ចាប់ពីកាបូបដាក់សម្ភារៈវាយកូនគោល រហូតដល់កាបូបសម្លៀកបំពាក់សម្រាប់ដំណើរទេសចរណ៍។

រថយន្តនេះអាចធ្វើដំណើរបាន 500 គីឡូម៉ែត្រ សម្រាប់ការបញ្ចូលថាមពលម្តង ដែលមានកម្រិតថាមពល 800 Volt ជាប្រភេទបញ្ចូលថាមពលល្បឿនលឿន ដែលអាចបញ្ចូលអាគុយពេញក្នុងរយៈពេលត្រឹមតែ 15 នាទី។

ចំណែកមួយដែលធ្វើឱ្យរថយន្ត PB18 មានថាមពលប្រកបដោយប្រសិទ្ធភាព គឺទម្ងន់របស់វា។ ថ្វីត្បិតវាត្រូវបានបំពាក់ជាមួយអាគុយ Liquid-Cooled ទម្ងន់ 95kWh ក្តី ក៏រថយន្តនេះមានទម្ងន់សរុបត្រឹមតែ 1,550 គីឡូក្រាមប៉ុណ្ណោះ ដោយសារវាមានការរួមបញ្ចូលគ្នានៃអាលុយមីញ៉ូម សរសៃកាបូន និង Composites។ ការកាត់បន្ថយទម្ងន់ គឺជាចំណុចដែលសមត្ថភាពរបស់រថយន្តនេះលេចឡើង ដោយក្រុមហ៊ុន Audi អះអាងថាវាមានល្បឿនពី 0-100 គីឡូម៉ែត្រក្នុងមួយម៉ោង ត្រឹមតែរយៈពេល 2 វិនាទីប៉ុណ្ណោះ។ ថ្វីត្បិតក្រុមហ៊ុនមិនបានបញ្ជាក់អំពីល្បឿនលឿនបំផុតរបស់វាក្តី តែយើងអាចសន្មត់ថាវានឹងមានល្បឿនដ៏លឿន ដោយសារវាមានម៉ាស៊ីនចំនួន 3 គ្រឿង ដែលមួយគ្រឿងនៅផ្នែកខាងមុខ និងពីរគ្រឿងទៀតនៅផ្នែកខាងក្រោយ ពីក្រោមកន្លែងដាក់ សម្ភារៈ។
តំណាងរបស់ក្រុមហ៊ុនបានបង្ហើបថា ក្រុមហ៊ុនចង់ផ្តល់ឱ្យអ្នកបើកបរនូវបទពិសោធន៍នេះការបើកបរដូចនៅក្នុងរថយន្តប្រណាំង ដូចជារថយន្ត Audi R18។ ហេតុនេះហើយបានជាក្រុមហ៊ុន ផលិតរថយន្តនេះឡើង ដោយដាក់កៅអីអ្នកបើកបរនៅចំកណ្តាល។ ការតុបតែងខាងក្នុងតួរថយន្ត មិនត្រឹមតែមានកៅអីដែលអាចរំកិលបានប៉ុណ្ណោះទេ តែវាថែមទាំងមានអេក្រង់ OLED ទៀតផង។ Windshield របស់វាត្រូវបានពន្លាតស្ទើរតែដល់ក្រោម ហើយអ្នកបើកបរអាចមើលតាមរយៈអេក្រង់ដ៏ថ្លា តាមរយៈ Windshield រហូតដល់ Tarmac នៅខាងមុខ។
ក្រុមហ៊ុន Audi ធ្វើការប្រមើលមើលអំពីលទ្ធភាពនៃការផលិតរថយន្តដែលអាចបើកបរបានធម្មតា អាចប្រណាំង ឬការបង្ហាញអំពីទិសដៅ ដោយប្រើប្រាស់អេក្រង់នេះ។ អ្នកបើកបរអាចប៉ះផ្ទៃខាងមុខ និងធ្វើការបញ្ជារ ហើយការបើកទ្វាររថយន្តក៏ធ្វើឡើងតាមរយៈការប៉ះផងដែរ។

ថ្វីត្បិតនេះជាគំរូរថយន្ត ប៉ុន្តែវាជាគំរូដែលបង្ហាញប្រាប់យើងទាំងអស់គ្នាថា ទៅអនាគតរថយន្តប្រណាំងប្រភេទអគ្គិសនី នឹងមានទម្រង់ស្រដៀងគ្នានេះ៕

ប្រភព: theverge ផ្នែក: បច្ចេកវិទ្យា, យានយន្ត

អត្ថបទអ្នកចង់អាន

៤ ចំណុច អ្នកគួរប្រយ័ត្ន ពេលទៅលាងរថយន្ត

ដោយ: ស. លីង 8 PM, Monday, 27 Feb, 2017

ប្រជាជនរស់នៅក្នុងទីក្រុង មមាញឹកណាស់ ដូច្នេះអ្នកមានរថយន្តតែងតែយកយានយន្តរបស់ខ្លួនទៅ លាងសម្អាតនៅសេវាកម្មលាងរថយន្ត។ ទំនើបយល់ពីស្ថានភាពរបស់ម្ចាស់រថយន្តគ...

កាមេរ៉ាម៉ូដែល Belair X 6-12

ដោយ: ដួងច័ន្ទ 8 PM, Friday, 22 Dec, 2017

កាមេរ៉ាប្រភេទ Panoramic Medium Format មួយនេះ មានទម្រង់ដ៏ស្រាល ជាផលិតផលល្អបំផុត របស់ក្រុមហ៊ុន Lomography បំពាក់ជាមួយបច្ចេកវិទ្យាឈានមុខ ដូចជា Auto-Ex...

របៀប ក្នុងការអាប់ឌែតកម្មវិធីទាំងអស់ នៅលើឧបករណ៍ ប្រើប្រព័ន្ធប្រតិបត្តិការ Android ក្នុងពេលតែមួយ

ដោយ: ភារុន 8 AM, Friday, 22 Mar, 2019

ប្រសិនបើអ្នកទើបតែទិញ ទូរស័ព្ទស្មាតហ្វូន ដែលប្រើប្រាស់ប្រព័ន្ធប្រតិបត្តិការ Android ថ្មី ទំនងជាអ្នកបានកត់សម្គាល់ឃើញថាមានកម្មវិធីមួយចំនួន ដែលបានដំឡើង...

រថយន្តកំពូលៗទាំង 6 ដែលមានតម្លៃសមរម្យបំផុតក្នុងថ្ងៃនេះ

ដោយ: ភារុន 8 AM, Wednesday, 07 Nov, 2018

ពិភពរថយន្តដែលក្រុមហ៊ុនជាច្រើនផលិតឡើង ដើម្បីធ្វើឱ្យមានការចាប់អារម្មណ៍យ៉ាងខ្លាំងក្នុងការបំបែកកំណត់ត្រាខ្ពស់បំផុតរបស់ពិភពលោកដូចជារថយន្តម៉ាក Bugatti Ch...

Tomnerb.Com - YouTube Channel