ចូលចិត្តទំនើប

ម៉ាស៊ីនបំបាត់ក្លិនស្បែកជើង

ដោយ: ដួងច័ន្ទ 8 AM, Friday, 17 Aug, 2018

នៅក្នុងពិភពលោកដែលបច្ចេកវិទ្យាយានយន្តបញ្ជារដោយស្វ័យប្រវត្តិ ត្រូវបានដាក់ឱ្យប្រើប្រាស់នៅលើដងវិថី ហើយកុំព្យូទ័រមានមុខងារសន្ទនា
ដ៏សាមញ្ញ វាមានភាពងាយស្រួលណាស់ដែលអ្នកអាចនឹងភ្លេចថាមានក្រុមហ៊ុនជាច្រើនកំពុងប្រឹងប្រែងស្វែងរកដំណោះស្រាយ ចេញពីបច្ចេកវិទ្យា
កម្រិតទាប ដោះស្រាយបញ្ហាប្រចាំថ្ងៃ។

ឧទាហរណ៍ បញ្ហាធុំក្លិនជើង។ អ្នកប្រហែលជាគិតថាបញ្ហានេះត្រូវបានដោះស្រាយហើយ ប៉ុន្តែក្រុមហ៊ុន Panasonic ជាម្ចាស់គំនិតនៅពីក្រោយឧបករណ៍
ព្យួរសម្លៀកបំពាក់បំបាត់ក្លិន ចង់ប្រឡូកក្នុងអាជីវកម្មផលិតផលបំបាត់ក្លិនស្បែកជើង ដោយប្រែក្លាយជាបទពិសោធន៍នៃការប្រើប្រាស់បច្ចេកវិទ្យា។

ម៉ាស៊ីនថ្មីស្រឡាងមួយគ្រឿង មានឈ្មោះថា MS-DS100 គឺជាឧបករណ៍សម្អាតក្លិននៅក្នុងស្បែកជើង ដែលបញ្ចេញអ៊ីយ៉ុង ដែលមានផ្ទុកសារធាតុ
Hydroxyl Radicals ដើម្បីសម្អាត និងបំបាត់ក្លិនស្អុយ។ អ្នកគ្រាន់តែដាក់ម៉ាស៊ីននេះទៅក្នុងស្បែកជើង នោះសមាសភាពអ៊ីយ៉ុងនឹងត្រូវបានបញ្ចេញ
លុបបំបាត់ក្លិនមិនល្អទាំងអស់នៅក្នុងស្បែកជើង គ្រប់កន្លុកកន្លៀតនៅក្នុងស្បែកជើង រហូតដល់កែង និងចុងម្រាម។

នៅក្នុងនោះមានមុខងារប្រតិបត្តិការចំនួន 2 ដែលអ្នកអាចជ្រើសរើស ទីមួយគឺមុខងារធម្មតា សម្រាប់ការប្រើប្រាស់រៀងរាល់ថ្ងៃ និងមុខងាររយៈពេលវែង
ផលិតឡើងដើម្បីប្រើប្រាស់វិទ្យាសាស្រ្ត ដើម្បីកម្ចាត់ក្លិនអាក្រក់ដែលនៅតោងជាប់ខ្លាំង។ មុខងារទាំងពីរនេះ ត្រូវបានផលិតឡើងសម្រាប់ការប្រើប្រាស់
នៅពេលយប់។ វាពិតជាមិនមានគំនិតច្នៃប្រឌិតទេ បើវាមិនអាចចល័តបាន។ នេះមានន័យថា អ្នកអាចប្រើប្រាស់ថ្ម ក៏ដូចជាថាមពលអគ្គិសនីសម្រាប់
ផ្តល់ថាមពលដល់វា។ ម្យ៉ាងវិញទៀត វាត្រូវបានផលិតឡើងក្នុងកញ្ចប់ដ៏តូចមួយ។ មកទល់ពេលនេះ មិនទាន់មានព័ត៌មានទាក់ទងនឹងជម្រើសពណ៌
ឬអង្គចងចាំនៅក្នុងម៉ាស៊ីននេះនៅឡើយទេ។

វាអាចជារឿងកំប្លែងសម្រាប់ផលិតផលប្រភេទនេះ។ តែធាតុពិត ថវិកាចំណាយដ៏ធំ វិទ្យាសាស្រ្ត និងការស្រាវជ្រាវ ត្រូវបានប្រើប្រាស់យ៉ាងយកចិត្តទុកដាក់
ដើម្បីដោះស្រាយបញ្ហាក្លិនជើង និងក្លិន ស្បែកជើង។ វាអាចជាបច្ចេកវិទ្យាដ៏តូចមួយ ធៀបនឹងបច្ចេកវិទ្យាធំៗដទៃទៀត។ ប៉ុន្តែវាពិតជាប្រសើរក្នុងការ
ដោះស្រាយបញ្ហា ដែលមនុស្សមួយចំនួន ជាពិសេសមនុស្សចាស់កំពុងជួបប្រទះ ថ្វីត្បិតនេះជាបច្ចេកវិទ្យាមួយដែលមនុស្សភាគច្រើនមើលរំលងក្តី។

បច្ចុប្បន្ននេះ MS-DS100 មានលក់តែនៅក្នុងប្រទេសជប៉ុនប៉ុណ្ណោះ។ ប៉ុន្តែក្រុមហ៊ុន Panasonic បញ្ជាក់ថាក្រុមហ៊ុនសង្ឃឹមថាផលិតផលនេះ
នឹងបង្កើតបាននូវតម្រូវការទីផ្សារថ្មីមួយ។

ប្រភព: engadget ផ្នែក: បច្ចេកវិទ្យា, Accessories, Appliances

អត្ថបទអ្នកចង់អាន

PHONE SOAP CHARGER ប្រដាប់លាង និងកម្ចាត់មេរោគ លើស្មាតហ្វូន

ដោយ: ដាលីស 9 PM, Thursday, 21 May, 2015

បច្ចុប្បន្ននេះមិនថាអ្នកណាៗ ក៏នាំគ្នាងាកមកប្រើស្មាតហ្វូនដែរ អ្នកខ្លះគិតតែប្រើ រហូតភ្លេចមើល​ថែទាំ​រហូត​ដល់កើតមាន ការប្រមូលសន្សំមេរោគយ៉ាងច្រើន ហើយពេលប...

វិធីបង្កើន ថាមពលថ្មនៅលើ Galaxy S8

ដោយ: ដួងច័ន្ទ 9 PM, Monday, 01 May, 2017

ដោយមិនគិតពីប្រភេទ នៃឧបករណ៍ការសន្សំសំចៃថាមពលថ្ម ពិតជាពិបាកនឹងធ្វើណាស់។ Samsung Galaxy S8 មិនមានបញ្ហាជាមួយនឹងថ្ម របស់ទូរសព្ទទេ ប៉ុន្តែបើសិនជាអ្នកត្រូ...

ទូរសព្ទ Gionee M2017 មានថាមពលថ្ម 7000 mAh

ដោយ: ដួងច័ន្ទ 8 PM, Friday, 22 Sep, 2017

ទូរសព្ទ Smartphone លំដាប់ខ្ពស់ មិនមែនជាទូរសព្ទ ដែលមានសមត្ថភាពខ្ពស់ ឬ មានប្រសិទ្ធ ភាពខ្ពស់ ឬសមត្ថភាពកំពូលនានា ដែលយើងគិតថាអ្នកមានទ្រព្យស្តុកស្តម្ភ តែ...

វិធីសាស្រ្តការពារ អត្ថបទសារ នៅលើទូរសព្ទ iPhone

ដោយ: ដួងច័ន្ទ 9 PM, Thursday, 16 Feb, 2017

ព័ត៌មានឯកជនផ្ទាល់ខ្លួន មិនមែនសំដៅលើគ្រប់ព័ត៌មាន ដែលបានផ្ញើចេញ និងព័ត៌មានដែលទទួលបានទទួលបាន តាមរយៈអ៊ីនធឺណេត។ ពេលខ្លះយើងចង់បានភាពឯកជនកាន់តែច្រើន នៅក្ន...

Tomnerb.Com - YouTube Channel