ចូលចិត្តទំនើប

មោទនភាព Laptop កូនខ្មែរ

ដោយ: ដួងច័ន្ទ 9 AM, Wednesday, 29 Aug, 2018

យើងពិតជាមានមោទនភាពដែលកូនខ្មែរផលិតបាន Laptop មួយគ្រឿងដែលមានសមត្ថភាពខ្ពស់ មានតម្លៃសមរម្យ និងមានប្រសិទ្ធភាពដំណើរការជាប្រភេទ Laptop Entry Level។ កុំព្យូទ័រយួរដៃរបស់កូនខ្មែរមានឈ្មោះថា Koompi។ វាមានសមត្ថភាពប្រតិបត្តិការប្រចាំថ្ងៃ សម្រាប់ការងារ និងការសិក្សា។

Koompi ត្រូវបានដំឡើងជាមួយប្រតិបត្តិការមានឈ្មោះថា KramaOS ដែលច្នៃប្រឌិតចេញពីប្រព័ន្ធដំណើរការដ៏ល្បីល្បាញគឺ Linux។ ទាំងការរចនា និងទស្សនវិជ្ជា ត្រូវបានដំឡើងឱ្យសមស្របយ៉ាងពិសេសជាមួយ Hardware របស់ Koompi។

កុំព្យូទ័រផលិតដោយកូនខ្មែរ

កុំព្យូទ័រយួរដៃ ឈ្មោះ Koompi គឺជាកុំព្យូទ័រដ៏ស្រស់ស្អាតមួយគ្រឿង មានតម្លៃទាបត្រឹមតែ $369 និងមានសមត្ថភាពខ្ពស់។ វាមានការរចនាម៉ូដដ៏ទាក់ទាញ និងមានទម្ងន់ដ៏ស្រាល រួមគ្នាជាមួយនឹង Hardware ដ៏សមស្រប និង Open-Source Software ដ៏ខ្លាំង។ នេះជាផលិតផលថ្មីស្រឡាងមួយ ច្នៃប្រឌិតដោយកូនខ្មែរ ដំបូងបង្អស់ ក្នុងន័យជំរុញ និងបណ្តុះគំនិតច្នៃប្រឌិត និងបង្កើតថ្មីសម្រាប់កូនខ្មែរជំនាន់ក្រោយ ដើម្បីអាចឈានជើងចូលប្រឡូកក្នុងឆាកអន្តរជាតិ។
នេះជាកុំព្យូទ័រមានថាមពលខ្លាំងមួយគ្រឿង និងមានទម្ងន់ស្រាល ដែលអាចឱ្យអ្នកយកវាតាមខ្លួន និងប្រើប្រាស់បានគ្រប់ទីកន្លែង។

លក្ខណៈពិសេស

កុំព្យូទ័រ Koompi មានបំពាក់នូវចំណុចពិសេសៗជាច្រើនមានដូចជា៖

  • CPU ប្រភេទ Intel N3450 1.10 GHz (4 Core) Processor
  • ក្រាហ្វិកប្រភេទ Intel Full HD 500
  • មាន RAM ទំហំ 8GB
  • មានទំហំឃ្លាំងផ្ទុកទិន្នន័យ 128 GB ជាប្រភេទ SSD និងអាចបន្ថែមទំហំបាន
  • មានទំហំដ៏ស្តើងជាមួយបរិមាត្រ ប្រវែង 7 មីលីម៉ែត្រ ទទឹង 208 មីលីម៉ែត្រ កម្ពស់ 12.5 មីលីម៉ែត្រ និងទម្ងន់ 1.4 គីឡូក្រាម។
  • មានប្រព័ន្ធ Network Intel Dual Band Wireless-ac Network
  • គាំទ្រជាមួយប្រព័ន្ធ Dual-Band WiFi ទំហំ 4GHz និង 5GHz
  • មានបំពាក់បច្ចេកវិទ្យា Bluetooth 4.2 Wireless
  • មានអេក្រង់ទំហំ 3 inch ប្រភេទ​ Full HD ដែលមាន Resolution 1920 x 1080p

មុខងារ

Koompi មានបំពាក់ Software សម្រាប់ការប្រើប្រាស់ប្រចាំថ្ងៃ ការប្រើប្រាស់អ៊ីនធឺណេត ការប្រើប្រាស់ក្នុងការិយាល័យ ការកំសាន្ត និងមុខងារជាច្រើនទៀត។ អ្នកផលិតជឿជាក់ថាកុំព្យូទ័រមួយនេះនឹងផ្តល់ភាពងាយស្រួល និងសេរីភាពនៃការប្រើប្រាស់ដល់អ្នកប្រើប្រាស់។
Koompi មានបំពាក់នូវមុខងារ WPS Office Suite ដែលជាប្រព័ន្ធ Open Source សម្រាប់ការងារក្នុងការិយាល័យ ដែលត្រូវបានផលិតឡើងដោយ Kingsoft។
មជ្ឈមណ្ឌល Software របស់វាប្រើប្រាសប្រព័ន្ធ GNOME Software សម្រាប់ការដំឡើងដ៏ងាយស្រួល និងការ Update។
Koompi ប្រើប្រាស់ Brave ជាប្រព័ន្ធ Web Browser ដើម និង DuckDuckGo ជា Search Engine ដើម។ DuckDuckGo ជាប្រព័ន្ធស្រាវជ្រាវ ដែលយកចិត្តទុកដាក់ចំពោះឯកជនភាពរបស់អ្នក។ មុខងារ Chrome និង Firefox ក៏មានដំឡើងរួចជាស្រេចដែរ សម្រាប់អ្នកដែលមិនចង់ប្រើប្រាស់ Brave។

មុខងារចាក់វីដេអូ ទាំង Gnome MPV និង VLC មានដំឡើងរួចជាស្រេចនៅក្នុង Koompi។ ទាំងនេះជាមុខងារចាក់វីដេអូដ៏ខ្លាំង ដោយវាមានបំពាក់នូវមុខងារ Internet Radio Streams, Video Stream ដំណើរការជាមួយ Audio និង Video Filter ជាច្រើនប្រភេទ មាន Adjustment គុណភាពខ្ពស់ មាន Framerate, Color management និង Frame Timing។

GIMP គឺជាកម្មវិធីកែក្រាហ្វិក ដោយសេរី និងជាប្រភេទ Open Source ប្រើប្រាស់សម្រាប់ការកែរូបភាព មុខងារគូររូប Free-Form ការផ្លាស់ប្តូរ Format រូបភាពខុសៗគ្នា និងមុខងារជាក់លាក់មួយចំនួនទៀត។

ការកុម៉ង់ទិញ

Koompi ស្ថិតនៅក្នុងយុទ្ធនាការ Pre-Sale ដែលមានលក្ខណៈស្រដៀងគ្នានឹង Kickstarter។ រាល់អ្នកគាំទ្រដំបូង នឹងទទួលបានថវិកាចំនួន $30 ជាការបញ្ចុះតម្លៃ ដែលអ្នកអាចជ្រើសយកការទទួលប្រាក់វិញ ឬផ្ទេរថវិកានៅទៅកាន់អង្គការណាមួយ។

ប្រភព: camsocial ផ្នែក: បច្ចេកវិទ្យា, កុំព្យូទ័រ

អត្ថបទអ្នកចង់អាន

បែកធ្លាយកាមេរ៉ា EOS 90D DSLR និងកាមេរ៉ា EOS M6 Mark II គ្មានកញ្ចក់ របស់ Canon!

ដោយ: ភារុន 8 AM, Thursday, 22 Aug, 2019

គេហទំព័ររបស់ក្រុមហ៊ុនកាមេរ៉ា Canon អូស្រ្តាលី បានបែកធ្លាយនូវកាមេរ៉ាថ្មីចំនួនពីរម៉ូដែល ដោយចៃដន្យ នោះគឺកាមេរ៉ា EOS M6 Mark II គ្មានកញ្ចក់ និងកាមេរ៉ា ...

Vertu ត្រឡប់មកវិញជាមួយម៉ូដែល Aster P

ដោយ: ដួងច័ន្ទ 9 AM, Friday, 26 Oct, 2018

Vertu ជាក្រុមហ៊ុនផលិតទូរសព្ទដ៏ល្បីល្បាញមួយ ជំនាញក្នុងការផលិតទូរសព្ទ Smartphone ធ្វើពីដៃ យ៉ាងប្រណិត មានតម្លៃរាប់ពាន់ដុល្លារ បានត្រឡប់មកវាយលុកទីផ្សាវ...

Smartwatch ដ៏តូចបង្កប់នូវ រូបរាងច្នៃតាមចិត្ត

ដោយ: ដួងច័ន្ទ 6 PM, Thursday, 25 Jan, 2018

ម៉ូដែលនាឡិកា Smartwatch ចុងក្រោយបង្អស់របស់ Tag Heuer មានបំពាក់ប្រព័ន្ធ Android Wear ដែលមានតម្លៃ $1,200 មានឈ្មោះថា Connected Modular 41។ នេះជាម៉ូដែល...

Skype ដំណើរការ HD Video Calls នៅលើ Web

ដោយ: ដួងច័ន្ទ 8 AM, Monday, 11 Mar, 2019

គ្រាន់តែរយៈពេលប៉ុន្មានថ្ងៃ បន្ទាប់ពីពីគូប្រជែង Google Duo បានបង្ហាញវត្តមានការប្រើប្រាស់នៅលើគេហទំព័រមក ក្រុមហ៊ុន Skype បាននឹងកំពុងធ្វើការជួសជុលឡើងវិ...

Tomnerb.Com - YouTube Channel