ចូលចិត្តទំនើប

មុខងារថ្មីរបស់ Gboard នៅលើ Android

ដោយ: ដួងច័ន្ទ 11 AM, Monday, 03 Dec, 2018

Google បាន Update កម្មវិធីក្តារវាយអត្ថបទ Gboard របស់ខ្លួននៅលើទូរសព្ទដៃ ជាមួយនឹងមុខងារថ្មីមួយ គឺ GIF Suggestions។ កម្មវិធី Looped Video និង Animation Clip ទាំងនេះទទួលបានប្រជាប្រិយភាពខ្ពស់នៅក្នុងប្រព័ន្ធទំនាក់ទំនង ប៉ុន្តែការស្វែងរក GIF សមស្របនឹងអារម្មណ៍របស់អ្នកអាចជារឿងដ៏ពិបាក។

បច្ចេកវិទ្យា Artificial Intelligence របស់ Google នឹងជួយអ្នកដោះស្រាយបញ្ហានេះ ដោយផ្តល់នូវជម្រើសសមស្រប ទាក់ទងនឹងកិច្ចសន្ទនារបស់អ្នក។

កម្មវិធី Gboard អនុញ្ញាតឱ្យអ្នកប្រើប្រាស់ចែករំលែក GIFs, Stickers និង Emojis បាន។ បច្ចុប្បន្ននេះ អ្នកប្រើប្រាស់ប្រព័ន្ធ Android ជាពិសេស នឹងទទួលបានការណែនាំសម្រាប់ការប្រើប្រាស់មុខងាររូបភាពទាំងបីខាងលើ ដែលទាំងអស់នៃជាគុណសម្បត្តិនៃបច្ចេកវិទ្យា AI របស់ Google និងសមត្ថភាពនៃការជ្រើសយកជម្រើសទាំងនោះដោយឆ្លាតវៃ អាស្រ័យលើកិច្ចសន្ទនារបស់អ្នក។យោងតាមក្រុមហ៊ុន Google អ្នកប្រើប្រាស់កម្មវិធី Gboard នឹងឃើញរូបសញ្ញា GIF លេចឡើងនៅជ្រុងខាងឆ្វេង ផ្នែកខាងលើនៃក្តារវាយអត្ថបទនៅលើទូរសព្ទដៃ នៅពេលដែលជម្រើសសមស្របណាមួយ លេចឡើងសម្រាប់អ្នក។ ដោយគ្រាន់តែចុចនៅលើនោះ អ្នកប្រើប្រាស់នឹងបានឃើញ GIFs, Sticker និង Emoji ជាច្រើន ដែលបច្ចេកវិទ្យារបស់ Google គិតថាវាជាប់ពាក់ព័ន្ធនឹងកិច្ចសន្ទនារបស់អ្នក។

ឧទាហរណ៍ អ្នកទទួលបានសារ Good Morning អ្នកអាចនឹងបានឃើញរូបភាព GIF ណែនាំទាក់ទងនឹងពេលព្រឹកព្រលឹម ដូចជាការជូនពរ ឬរូបភាពអាហារពេលព្រឹកជាដើម។ Google ផ្តល់នូវឧទាហរណ៍ដទៃទៀត ដូចជាការណែនាំឱ្យប្រើប្រាស់ Emoji ងងុយគេង នៅពេលអ្នកវាយពាក្យ I’m Tired។

កម្មវិធីនេះដំណើរការមុខងារណែនាំទាំងនោះនៅលើឧបករណ៍របស់អ្នកប្រើប្រាស់ ដែលក្រុមហ៊ុន Google និយាយថានេះជាវិធីមួយក្នុងការជួយធានាថាមាតិកានៃការណែនាំទាំងនោះត្រូវបានរក្សាទុកជាសម្ងាត់ និងឯកជន។ នាពេលបច្ចុប្បន្ន មានតែភាសាអង់គ្លេសមួយប៉ុណ្ណោះ ដែលគាំទ្រជាមួយមុខងារថ្មីនេះ ប៉ុន្តែក្រុមហ៊ុន Google នឹងបន្ថែមភាសាច្រើនបន្តបន្ទាប់ទៀតនៅពេលអនា គត។

ព្រមជាមួយគ្នានេះ ក្រុមហ៊ុនក៏បានបញ្ជាក់ថា នៅថ្ងៃណាមួយក្រុមហ៊ុននឹងបន្ថែមមាតិកាថ្មីផ្សេងទៀត សម្រាប់ទម្រង់នៃការណែនាំនៅពេលសន្ទនា ដើម្បីជួយឱ្យការសន្ទនារបស់អ្នកកាន់តែរីក រាយ៕

អត្ថបទអ្នកចង់អាន

Huawei ទទួលការហាមឃាត់ប្រព័ន្ធប្រតិបត្តិការ Android ជាមួយនឹងការរចនា «ម៉ូដែល P30 Pro ថ្មី»

ដោយ: ភារុន 9 AM, Tuesday, 10 Sep, 2019

ខណៈពេលដែលយើងទាំងអស់គ្នាកំពុងរង់ចាំការចេញលក់នូវស្មាតហ្វូនខ្សែស្រឡាយ Mate 30 របស់ក្រុមហ៊ុន Huawei នៅចុងខែនេះ ក្រុមហ៊ុនក៏បានបង្ហាញ «ម៉ូដែលថ្មី» ស្ថិតន...

13 ភាសាបន្ថែមទៀតនៅលើ Google Translate

ដោយ: ដួងច័ន្ទ 9 AM, Saturday, 20 Oct, 2018

ចាប់ផ្តើមពីសប្តាហ៍នេះទៅ កម្មវិធី Google Translate នឹងមានសមត្ថភាពបកប្រែភាសា 13 បន្ថែមទៀត តាមវិធីសាស្រ្ត Visual ដោយប្រើប្រាស់កាមេរ៉ានៅលើ Smartphone។ ...

ទូរសព្ទ Honor 20 ចេញលក់ហើយ ប៉ុន្តែអាចនឹងគ្មានអនាគតទេ

ដោយ: ដួងច័ន្ទ 7 AM, Wednesday, 26 Jun, 2019

ឆ្នាំ 2019 គឺជាឆ្នាំនៃការផ្លាស់ប្តូររូបរាងរបស់ទូរសព្ទម៉ូដែល Honor ដែលជាក្រុមហ៊ុនកូនបង្កើតរបស់ក្រុមហ៊ុន Huawei ជាមួយនឹងការណែនាំម៉ូដែលកំពូលថ្មី គឺ Ho...

នាឡិកា Apple ថ្មី បន្ថែមមុខងារសុវត្ថិភាពកាន់តែច្រើន

ដោយ: ដួងច័ន្ទ 8 AM, Wednesday, 19 Sep, 2018

នាឡិកាដៃ Watch 3 បច្ចុប្បន្ននេះជាមជ្ឈមណ្ឌលជំនួយសុខភាពដ៏អស្ចារ្យមួយ ប៉ុន្តែក្រុមហ៊ុនApple បាននាំវាឆ្ពោះទៅរកស្តង់ដាកម្រិតថ្មី ជាមួយនឹងម៉ូដែលនាឡិកាជំន...

Tomnerb.Com - YouTube Channel