ចូលចិត្តទំនើប

មុខងារថតរូបនៅពេលយប់ថ្មីពី Samsung

ដោយ: ដួងច័ន្ទ 8 AM, Saturday, 29 Dec, 2018

របាយការណ៍មួយចេញផ្សាយដោយគេហទំព័រ XDA-Developer បានរៀបរាប់ថាលេខកូដដែលត្រូវបានរកឃើញនៅក្នុងប្រព័ន្ធ Android Pie ចុងក្រោយបង្អស់ ដែលផលិតឡើងសម្រាប់ប្រើប្រាស់នៅក្នុងទូរសព្ទ Samsung Galaxy Note 9 បង្ហាញថាក្រុមហ៊ុន Samsung កំពុងធ្វើការនៅលើមុខងារថ្មីមួយសម្រាប់ការថតរូបនៅពេលយប់ ដែលមុខងារថ្មីនេះមានឈ្មោះថា Bright Night។
លេខកូដនេះបញ្ជាក់ថា វានឹងអនុញ្ញាតឱ្យអ្នក ថតយករូបភាពមានពន្លឺភ្លឺច្បាស់ ទោះបីស្ថិតក្នុងលក្ខខណ្ឌងងឹតខ្លាំងក្តី ដែលករណីនេះមានលក្ខណៈស្រដៀងទៅនឹងមុខងារមួយដែលយើងធ្លាប់បានឃើញនៅលើមុខងារ Night Sight របស់ Google និងមុខងារ Night របស់ Huawei។

ការបញ្ជាក់អំពីវិធីសាស្រ្តដែលក្រុមហ៊ុន Samsung នឹងបង្ហាញវត្តមានមុខងារថតរូបថ្មីជាមួយគ្រប់ផលិតផលទូរសព្ទដៃនីមួយៗ គេហទំព័រ XDA បានរំពឹងថាក្រុមហ៊ុនអាចនឹងប្រើប្រាស់វិធីសាស្រ្តដូចគ្នាជាមួយមុខងារ Bright Night និងនៅលើទូរសព្ទម៉ូដែលថ្មី Galaxy S10 ដែលត្រូវគេរំពឹងថានឹងបង្ហាញវត្តមាននៅចុងខែកុម្ភៈ ឆ្នាំ 2019 ឆាប់ៗខាងមុខនេះ។
ក្រុមហ៊ុន Samsung បានធ្វើការបញ្ចេញបច្ចេកវិទ្យា Scene Optimizer ថ្មីនៅក្នុងទូរសព្ទ Note 9 កាលពីខែសីហាកន្លងទៅ បន្តពីមុខងារបន្ថែម Super Slo-Mo នៅលើទូរសព្ទ S9។ បន្ទាប់ពីការបញ្ចេញជាលើកដំបូង បច្ចេកវិទ្យាថ្មីទាំងពីរនេះក្រោយមកត្រូវបានយកទៅប្រើប្រាស់នៅលើទូរសព្ទដៃម៉ូដែលចាស់ៗ ដែលពន្យល់អំពីវិធីសាស្រ្តដែលលេខកូដថ្មីនេះត្រូវបានកាត់តម្រឹមនៅលើទូរសព្ទ Note 9 នៅពេលវាត្រូវបានគេរំពឹងថានឹងត្រូវបានប្រកាសព្រមគ្នាជាមួយទូរសព្ទ S10។

អត្ថបទនៅក្នុងលេខកូដនេះបង្ហាញថា មុខងារថ្មីនេះនឹងដំណើរការក្នុងលក្ខខណ្ឌស្រដៀងគ្នាទៅនឹងមុខងារ Night Sight ដែលធ្វើការថតរូបជាប់ៗគ្នាជាច្រើនសន្លឹក និងប្រើប្រាស់ Software ដើម្បីរួមបញ្ចូលរូបភាពទាំងអស់នោះបញ្ចូលគ្នា។ វិធីសាស្រ្តនេះត្រូវបានផលិតចេញជាទិន្នផលដ៏គាប់ប្រសើររួចជាស្រេចហើយនៅលើទូរសព្ទម៉ូដែល Pixel 3។
នៅពេលយើងធ្វើការប្រៀបធៀបទូរសព្ទម៉ូដែល S9 ជាមួយទូរសព្ទម៉ូដែល Pixel 2 XL កាលពីដើមឆ្នាំនេះ យើងឃើញថាទូរសព្ទ S9 មាន Aperture ធំទូលាយជាង ដែលទំនងដូចជាផ្តល់ឱ្យវានូវភាពល្អប្រសើរ នៅក្នុងករណីថតរូបក្នុងលក្ខខណ្ឌពន្លឺទាប ប៉ុន្តែសម្រាប់ Software របស់ទូរសព្ទ Pixel 2 វិញ ធ្វើដំណើរការបញ្ជូន Contrast និង Dynamic Range បានកាន់តែច្រើន។ អាស្រ័យលើការអនុវត្តបានល្អប្រសើរយ៉ាងណា មុខងារ Bright Night អាចជួយឱ្យក្រុមហ៊ុន Samsung បង្ខិតគម្លាតនៃគុណភាព Software ជាមួយនឹងក្រុមហ៊ុនជាដៃគូប្រជែងដទៃទៀតបាន។
ទូរសព្ទ Galaxy S10 ត្រូវបានសម្រិតសម្រាំងរួចជាស្រេច ដើម្បីក្លាយជាការកែប្រែលក្ខណៈមូលដ្ឋានបន្ថែមទៀត សម្រាប់ក្រុមហ៊ុន Samsung បន្ទាប់ពីការផ្លាស់ប្តូរម្តងហើយម្តងទៀត ដែលយើងបានឃើញនាពេលកន្លងមកនៅលើទូរសព្ទ S9។

សេចក្តីរាយការណ៍ជាច្រើនអំពីទូរសព្ទនេះ ត្រូវបានអះអាងថាវានឹងមានបំពាក់ជាមួយបច្ចេកវិទ្យា In-Display Fingerprint Sensor មានកាមេរ៉ារហូតដល់ 6 គ្រឿង និងជាប្រភេទអេក្រង់ Hole-Punch Infinity O ហើយនាពេលនេះវាទំនងដូចជាមានការ Upgrade លើបច្ចេកវិទ្យាកាមេរ៉ាបន្ថែមទៀតផងដែរ៕

ប្រភព: theverge ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

កាស Over-Ear របស់ Apple អាចនឹងចេញលក់ នៅចុងឆ្នាំ 2018 នេះ

ដោយ: ដួងច័ន្ទ 9 PM, Wednesday, 20 Jun, 2018

ក្រុមហ៊ុន Apple ត្រូវបានគេរាយការណ៍ថា កំពុងអភិវឌ្ឍន៍កាសត្រចៀកប្រភេទ Over-Ear លំដាប់ខ្ពស់ ដែលអាចនឹងចេញលក់នៅដំណាច់ឆ្នាំ 2018 នេះ។ នេះជាការលើកឡើងរបស់លោ...

ម៉ូនីទ័រ LG អេក្រង់កោងពិសេស សម្រាប់អ្នករចនាអាជីព

ដោយ: រីកា 11 PM, Tuesday, 15 Mar, 2016

ក្រុមហ៊ុន LG បាន​បញ្ចេញ​នូវ​ប្រភេទ​ម៉ូនីទ័រ​កុំព្យូទ័រ LG 34UC97 ដែលមាន​សមត្ថភាព​យ៉ាង​ពិសេស ខុសប្លែក​គេ ជាមួយនឹង​រូបរាង​កោង អាច​បង្ហាញ​រូបភាព​លើ​កម...

ក្រុមហ៊ុន HP នឹងមាននាយកប្រតិបត្តិ (CEO) ថ្មី!!!

ដោយ: ភារុន 9 AM, Tuesday, 27 Aug, 2019

ក្រុមហ៊ុន HP Inc. បានប្រកាសថានាយកប្រតិបត្តិលោក Dion Weisler នឹងលាឈប់ពីតំណែងនៅខែវិច្ឆិកា ខាងមុខនេះ «ដោយសារ បញ្ហាសុខភាពអ្នកនៅក្នុងគ្រួសារ» ក្រោយរយៈពេ...

ទូរទស្សន៍ 8K OLED របស់ LG ចេញលក់ហើយ

ដោយ: ដួងច័ន្ទ 8 AM, Thursday, 13 Jun, 2019

សូមនិយាយពាក្យថាសុំទោសទៅកាន់ម្ចាស់ទូរទស្សន៍ 4K ទាំងឡាយ ដោយសារតែការផ្តល់បទពិសោធន៍នៃការកំសាន្តទៅកាន់មិត្តភក្តិរបស់អ្នកជិតដល់ទីបញ្ចប់ហើយ ព្រោះអ្វី? ព្រ...

Tomnerb.Com - YouTube Channel